لأ مفيش مشكلة خالص من التحويل من xhp الى موبيل 1بالعكس كده احسن علشان يكون تغيير الزيت مرتبط بموعد الصيانة الدورية كل 10 آلاف كيلو متر فيتم تغييره مع الفلتر
عرض للطباعة
لأ مفيش مشكلة خالص من التحويل من xhp الى موبيل 1بالعكس كده احسن علشان يكون تغيير الزيت مرتبط بموعد الصيانة الدورية كل 10 آلاف كيلو متر فيتم تغييره مع الفلتر
شكرا للردك يااستاذ طارق بس الحمدلله الموضوع طلع حاجه بسيطة مش اسطوانة دبرياج
انا كنت خايف تكون اسطوانة لان كده لازم انزل الموتور وكده كنت هاعملها فى التوكيل علشان مش بثق فى حد بره
الموضوع طلع ان علبة زيت الباكم كانت محتاجه تتغير (غالبا اللى هى الماستر) مش متاكد هى موجود جنب علبة زيت الفرامل
عبارة عن العلبة وماسورة حديد بتتوصل بالدبرياج
غيرتها والحمدلله كله تمام
ألف شكر يا باشمهنس طارق على الرد ، ومعلش كان ليا استفسار آخر :
طلب آخر يا باشمهندس ، أنا بواجه مشكلة في ثبات العربية بعد 140 !!!! هل دة عادي ؟ أنا لي أصحابي بيجيبوا 200 بالتويوتا ياريس وهي 1300 أوتوماتيك برضة !!! بس أنا أول ما بعدي ال 140 باللانسر بتشاهد على روحي لأن الثبات بيبقى في الضياع ! الله يرحم الريجاتا كنت بجيب بيها 160 وكان ممكن أزود بس الطريق هو اللى كان بيحكمني !
جزاكم الله خيرا
<font size="4"><font color="blue"><b>اولا بخصوص البنزين ان كفاءة بنزين 92 تختلف عن بنزين 90 أوكتان وشيء طبيعي ان السحب يختلف ولو بنسبة بسيطة </b></p> </p>
اولا بخصوص البنزين ان كفاءة بنزين 92 تختلف عن بنزين 90 أوكتان وشيء طبيعي ان السحب يختلف ولو بنسبة بسيطة >ثانيا بخصوص ارض الشنطة فهي معزولة ولكن هناك فرق ان تكون فوق علبة الشكمان الخلفية وتحس بالحرارة فهذا طبيعي اما بالنسبة لدخول التراب الى الشنطة فممكن حضرتك تشرفنا ونلقي نظرة عليها لأن ممكن يكون هناك فرق بسيط يحتاج ظبط او في حاجه في فلتر تهوية الشنطةثالثا بالنسبة للاكصدام الأمامي ممكن تشرفنا لضبطه في مكانه والسبب اللي يخليه ينزل هو ان سيارة اخرى ريحت عليه وهي بتركن (يعني يكون فيه كلبسات فكت او اتكسرت0 شكرا مهندس طارق علي الرد ولكن لي استفسار هل لازم اذهب الي قليوب ولا ممكن الفرع اللي في طريق المطار ممكن يحل المشكلة دي لاني في صيانة الالف وريتهم الفرق بتاع الاكصدام قالو لي عادي بس انا شايف انة مش عادي يكون كدة؟وشكرا0
رسالة الى ادارة المنتدى
السلام عليكم جميعا وعفوا للاستاذ طارق لانى اكتب للادارة فى نفس الموقع لكن هذا لسببين
الاول انى لا اعرف المكان الذى ارسل منة رسالة الى ادارة المنتدى
والثانى انة تمت حذف مشاركتى وسؤالى للاستاذ طارق عن لمض الفوجات من نفس الموقع بتاريخ3/9/2009 بدون ادنى سبب ولا اذن
فأنا اريد ان اعرف لماذا تم حذف السؤال وكذلك تم حذف اجابة استاذ طارق فهل هذا يجوز بدون ذكر اى اسباب وهل تم استئذان استاذ طارق فى حذف اجابتة ايضا ام ماذا وهل حذف اى سؤال او اجابة بالمزاج؟!!
انتظر الرد وشكرا
فرع محطة موبيل الاوتوستراد خلف المطار ده فرع خدمة سريعة وبالتالي معندهمش فنيين سمكرة
يا استاذ انسي حضرتك ظلمت الادارة المشاركة لم تحذف ولا حاجه كل ما في الأمر ان السؤال والجواب كانوا في موضوع مثبت تاني مش في الموضوع هنا
الموضوع : اسعار قطع غيار الانسر في التوكيل
http://www.nilemotors.net/Nile/1241-a-15.html
عفوا لسوء الظن بالادارة لكن انا برضة معزور لان كيف لى ان اعرف انة تم نقل الموضوع لمكان اخر وهذا لان الاجابة الاولى من حضرتك جاءت فى نفس المكان ثم بعد الاستفسار الثانى لم اجد الاثنين معا وطبعا لم اخمن ان تم نقلهم وعلى العموم حصل خير وعفوا للادارة مرة ثانية وشاكر ليك .... وياترى هاتعملوا اية فى مسألة توفير حل بديل بدل تغيير فانوس الفوج بالكامل؟
ولية سؤال كمان لو سمحت.... هيا اسعار التوكيلات كلها مفروض انها سعر واحد ولا كل توكيل بيحط الاسعار اللى شايفها؟؟
لانى كنت اليوم فى توكيل الرواس وسألت على السى دى تشنجر بتاع البومة وقالى سعر غريب جدا 3000 جنية 6 اسطوانات وفى واحد كمان كينوود لكن اسطوانة واحدة ب 800 جنية, وانا عارف من اجابات حضرتك فى المنتدى ان ثمن السى دى تشنجر = 1500 جنية فلماذا هذا الفرق وشكرا للجميع مرة ثانية
لسه موضوع لمبات الفوجات دي مكلمتش حد فيه
بخصوص الأسعار فالمفروض انها واحدة ربما سعر الCD changer في الرواس كان خاص بالشارك مش البومة لأن 1500 جنيه ده سعر البومة انما بتاع الشارك مختلف خالص
سؤال للمهندس طارق
هل صحيح ان سيارات اللانسر الموجودة بمصر منذ 2007 تقفيل ماليزى وليس يابانى؟؟
باشمهندس طارق انا كنت سألت حضرتك قبل كده عن اسعار فشه البوما والظاهر حضرتك نسيت :)
ياريت بيان لاسعار قطع غيار العفشه كلها للافاده .. وشكراجزيلا لحضرتك
لأ مفيش لانسر ماليزي او غيره
كل اللانسر ياباني 100% سواء موديل 90 أو ما قبلها أو ما بعدها حتى اليوم وسواء مصري او خليجي أو اردني كلهم ياباني 100% ودي بلاد الاستيراد فقط
معلش فعلا انا نسيت
مساعد أمامي 775 جنيه
مساعد خلفي 420 جنيه
مقص أمامي 580 جنيه
مقص خلفي 300 جنيه
مسمار ميزان 60 جنيه
جلبة مقص 85 جنيه
بيض دركسيون 120 جنيه
تيش دركسيون 280 جنيه
بلية عجل 330 جنيه
تيل فرامل 385 جنيه
السلام عليكم ورحمة الله ،
سيارتي لانسر 2007 1300 mt
عندي مشكلتين ولا أملك الوقت لزيارة التوكيل ومحتاج النصيحه ولو إشاره فقط لما يمكن عمله.
1- لاحظت أن rpm يصل الى 2 أو أكثر بدون أي تحميل ولا حتى تكييف ويستقر على هذه الحاله حتى بعد ساعات من التشغيل ... بالتجربة لاحظت أني إذا شغلت التكييف وأطفأته عدة مرات يعود ال rpm الى وضعه الطبيعي أقل من 1
2- مؤخرا لاحظت تأخير في بدأ المحرك ... بعد وضع المفتاح وإدارته.
جزاكم الله خيرا.
محمد منصور
باشمنهدس طارق كل سنه وحضرتك طيب بمناسبه رمضان ولو انها جات متاخره
انا كنت اتكلمت مع حضرتك من فتره عن الشارك وكنت فعلا نازل وناوي الشرا بس قولت استحمل شويه واصبر شهرين او تلاته لحد شهر 12 وتكون مموديلات 2010 نزبت ويمكن ترخص 2009
عموما انا لفيت كتير عالمعارض وبلاقي العربيه عند كل واحد بسعر وبشكل تاني
يعني مثلا انا لقيت موديل glx عند سمير ريان الاقي فيها جنوط اسبور وبسال الموظف قالي اه ودي خليجي وفي نفس الوقت لقيت هناك واحده gls من غير جنوط ودي بسعر ودي بسعر والموضوع من غير ظوابط ولا اي حاجه وبيشيل من هنا ويحط هنا
عموما واضح ان موضوع الشراء ده صعب شويه ولازم الواحد يفتح عينه شويه انها لقيت اول ليفل اتوماتيك عنده 114 الاف وفيها جنوط ونور شبوره خليجي
مهندس طارق ليا سوءال وحيد ومحدد بس ياريت حضرتك تجاوبني عليها بالتفصيل والشرح مع امثله واكون شاكر جدا لحضرتك
ازاي انا كمشتري عادي افرق بين الانسر شارك الخليجي عن بعضها زي الاماراتي او السعودي او الكويتي والفرق بينهم وبين الاردني ... وفي الاخر ايه الفرق بين دول كلهم عن المصري؟؟
وتقبل مني فائق الاحترام والتقدير
http://www.nilemotors.net/Nile/nile/misc/progress.gif http://www.nilemotors.net/Nile/nile/buttons/edit.gif http://www.nilemotors.net/Nile/nile/buttons/quote.gif http://www.nilemotors.net/Nile/nile/...iquote_off.gif http://www.nilemotors.net/Nile/nile/...quickreply.gifmsds_eg عرض الملف الشخصي العام إرسال رسالة خاصة إلى msds_eg زيارة الرئيسية للمستخدم msds_eg! البحث عن كافة المشاركات بواسطة msds_eg Add msds_eg to Your Contacts
اسعار قطع الغيار بتاعت العفشه دي خاصة بلنسر بومه 2007 تحديدا 1600!!! ده لو كيده دي تبأه معاولةاقتباس:
لأ مفيش لانسر ماليزي او غيره
كل اللانسر ياباني 100% سواء موديل 90 أو ما قبلها أو ما بعدها حتى اليوم وسواء مصري او خليجي أو اردني كلهم ياباني 100% ودي بلاد الاستيراد فقط
اقتباس:أرسل أصلا بواسطة mada121977
باشمهندس طارق انا كنت سألت حضرتك قبل كده عن اسعار فشه البوما والظاهر حضرتك نسيت :)
ياريت بيان لاسعار قطع غيار العفشه كلها للافاده .. وشكراجزيلا لحضرتك
معلش فعلا انا نسيت
مساعد أمامي 775 جنيه
مساعد خلفي 420 جنيه
مقص أمامي 580 جنيه
مقص خلفي 300 جنيه
مسمار ميزان 60 جنيه
جلبة مقص 85 جنيه
بيض دركسيون 120 جنيه
تيش دركسيون 280 جنيه
بلية عجل 330 جنيه
تيل فرامل 385 جنيه
و سوال يريت هو برات الدركسيون هب بضات الدركسيون ؟؟ و شكرا
م/ طارق
معايا لانسر 2006 النور بتاع الكيلومترات (Trip A,B) مش شغال, بقيت انوار التابلوه كلها شغالة هل ده لمبة ولا فيوز ولا حاجة تالتة و سهل تغيرها ولا لأ؟
تانى حاجة مصنعية تركيب جلب المقصات فى التوكيل كام وشكرا.
شكرا للمهندس / أحمد ..على البحث الجميل جدا عن فوائد وخصائص غاز النتروجيت وأعتقد أنك أختلف عليك الأمر بخصوص إجابتي عن غاز النتروجين.. نحن جميعا لا نختلف على المعلوملت التي اسردتها .. ولكننا كمركز صيانة معتمد لا نعتمد إلا ما تم به اعتماد السيارة عند تصنيعها وتجربتها من الشركة وبناء عليها تم اجتيازها لأختبارات القبول والتصريح لها بالبيع في الأسواق
وكنك لك مطرق الحرية في تبديل الهواء بالأطارات بالنتروجين إن أحسست أن هذا مريح لك وهذا التبدبل بوجه عام لم يؤثر على أجزاء السيارة .
لذلك فأننا في التوكيل الرئيسي لا يوجد عندنا غاز نتروجين لتزويد سيارتك به عن الأحتياج له وكذلك في جميع فروعنا
لذلك فأننا ننصح بما هو معهود عندنا لكي نستطيع أن نساعدك عند أحتياجك له
وكذلك ضع في الاعتبار أنه لاتوجد مراكز للتزويد وبالنتوجين كثيرا في مصر
وهذا كما قلت لا ينفي المعلومات التي قدمتها
وهذا للإضاح فقط
وشكرا
مهندس/ عبد الجليل أحمد - المركز الرئيسي بقليوب
السلام عليكم
انا معايا لانسر 1300 اتوماتيك موديل 2007
ممكن استفسر عن اذا ما حبيت تركيب غاز بدلا من البنزين هل سيكون هناك مشكلة علي موتور العربية
وشكرا
شكل اللانسر البومه هل سيحدث فيه أى تغيير فى مودبل 2010
والى متى سوف يستمر لأنى بصراحه مش عايز اكون هااشترى الشكل اللى بعد كده هيبقى اسمه الشكل القديم
وشكرا لسيادتك.
السلام عليكم يا باشمهندس طارق
لية طلب لو سمحت... انا عاوز اركب السى دى تشنجر 6 اسطوانات بتاع البومة ابو 1500 جنية فهل ممكن اركبة فى التوكيل اللى انتى شغال فية , فلو حضرتك تتأكد انة موجود وكمان القطعة البلاستك بتاعة الوش ياريت تقولى عشان انا ان شاء اللة ناوى اركبة اول الشهر الجديد.... وبرضة انا مش عارف هل فى الحالة دى هحتاج حجز برضة ولا المسألة بسيطة وممكن من غير ميعاد ولا حجز؟ واذا كان فى حجز انا بطلب من دلوقتى ميعاد وكويس ان حضرتك هناك عشان اشوفك شخصيا واتعرف عليك
معلش فيه بعض الأسئلة لم يتم الرد عليها علشان ارسلتها لمهندسي التوكيل يرسلوا الرد ولسه ما جاش بس مش ناسيها
باشمهندس عبد الجليل منورني في الموضوع اهلا يا باشا
طيب شوف سؤال ولا اتنين كده من اللي محتاج اسئلكم فيها ورد عليه ولا لازم اطبعهم على ورق وابعتهم لكم .. شوية مساعدة يا باشا
اهو السؤال الجاي ده انا مش عارف الاجابة بتاعته ..
سيتم الاجابة عليه لاحقا لما اتأكد منها
شكل اللانسر بومة 2010 هو نفسه بدون اي تغيير ومستمر بمحرك 1300 و1600 كما هو وكذلك شكل اللانسر شارك 2010 هو نفسه مع تغييرات بسيطة زي لون العدادات ازرق بدلا من احمر
هو الراديو كاسيت والسي دي لا يباعوا في التوكيل وانما في معارض بيع اللانسر وبيكونوا جايبنهم من الخليج وبشكل عام احنا مش بنركب اي اكسسورارت في التوكيل (راديو كاسيت - جهاز انذار - ....) فحضرتك هتسأل عليه اي معرض لانسر وتشتريه منه وتركبه في مركز متخصص زي ادريان او ما شابهه ...ومبروك مقدما
ازيك يا باشمهندس
انا معايا بوما 2007 بس 1300 سى سى وبفكر اركب ليها جنوط بس عايز اجيب 15
هل الجنوط ال 15 غلط على ال 1300 ؟ وشكرا جزيلا
أيوة تكبير حجم الجنط بيأثر على العفشة ويضرها ويجب الالتزام بنفس المقاس 14 بوصة
ولما نزلت اللانسر 1600 بجنط 15 بوصة في سنة 2006 بعد أن كانت 14 بوصة زي الـ 1300 غيروا العفشة معاها
باشمنهدس طارق ازى حضرتك دة اول مشاركة منى فى قسم لانسر وارجو منك المساعدة
معايا لانسر كريستالة 99 كاملة اوتوماتيك فابريكة بالكامل عاملة كيلو متر 55000 من الزيرو وصيانة دائما بالتوكيل
المشكلة انى لسة شريها من اسبوع وصاحبها السابق كل اللى عاملة فى العربية من الزيرو لحد الان هو طقم السيرفيس فقط زيت وفلتر موتور وفى 40000 كم غير كمان زيت الفتيس و فلترة ولا اى شى اخر
سوالى هو اية المفروض اكشف علية فى العربية و اية المفروض انو يتغير
سوالى الثانى العربية بتبرجل معايا الصبح و هى بارة وخصوصا لما احمل على الدى او المرشيدير كانها هتبطل وكمان سحبها حاسس انو مخنوق غير كدة العربية ممتازة جدا
ولكم جزيل الشكر
اهلا يا استاذ هاني ومبروك العربية
انا مستغرب شوية ان عربية عمرها 10 سنوات عاملة 55000 كيلو فقط .. اتمنى يكون الكلام ده صحيح وربنا يبارك لك فيها
هو المفروض في صيانة الأربعين بيتغير كمان فلتر الهواء وفلتر البنزين والبوجيهات فممكن لو غيرت الحاجات دي العربية تتظبط معاك كويس باذن الله
السلام عليكم يا استاذ طارق كل سنة وحضرتك طيب
انا كان عندى سؤال ممكن حضرتك تقلى سعر العتب والاسبويلر للشارك فى التوكيل وبره التوكيل لو سمحت
في التوكيل
سعر السبويلر 2650 جنيه + 10%
سعر العتب الجانبي الواحد 1550 جنيه + 10%
انما مش عارف بره التوكيل كام
انا ناوى ان شاء الله اشترى عربية لانسر 2007 مستعملة وكنت عايز اعرف لو حبيت اكشف عليها بالكامل فى التوكيل لازم احجز اولا ولا ينفع اروح عادى على طول وياريت اعرف تكلفة الفحص كام وشكراااااا جزيلا
لازم حجز لأن الفحص الكامل بياخد وقت حوالي 3 ساعات والتكلفة 200 جنيه
بومه 1300 مانيوال :-
1-فى اللون الكحلى هل يوجد لون فرش بيج و تابلوه بيج (أبنوس)
2-هل توجد و سائل أمان لحماية السياره ضد السرقه
3-هل يمكن تركيب كاسيت فى السياره دون اى ضرر أو تعديل للوصلات الكهربائيه للسياره
4-هل تركيب جهاز انزار من الموديلات المتعددة الأمكانيات (فتح الشنطه-تنك البنزين ...)يؤثر سلبيا على السياره او الضمان
و شكرا لسيادتك و كل عام وأنتم بخير
انا معايا لانسر 2007 -1300 cc لو سمحت كنت عايز اعرف هل في مشاكل لو ركبتلها غاز بدل البنزين - هل الموتور هيتاثر ؟؟؟؟؟؟
ارجو الافادة
طب الفحص بيتضمن الصيانه او اصلاح العيوب لو فيه يا باشمنهدس ولا لا ؟
وكنت عايز اسأل عن تظبيط التاكيهات والموتور بيتكلف كام وصواميل مسامير التاكيهات موجوده ولا لا ؟
بسم الله الرحمن الرحيم
لو سمحت انا عندي استفسار أتمني انه حضرتك تجاوبني عليه
أنا شوفت علي موقع علي النت أنه
لانسر 1300 موديل ( 2009 )
ب 94 ألف بدون أوبشن
وال فول اوبشن ب 100 ألف
هل الكلام ده صحيح ؟؟
وايه رأي حضرتك في العربية دي ؟؟
وهل اقتصادية في استهلاك البنزين أم لا ؟
وهل تتناسب مع معظم الشوارع الصعبة في مصر ؟؟
وهل حضرتك تنصحني أشتريها ولا لأ علما بأن الحد الأقصي ليا هو 100 ألف جنيه
ولو لأ هل يوجد بديل اخر كويس بنفس السعر ؟؟
ويا ريت حضرتك تحط صورة واضحة للعربية دي ؟؟
أنا دلوقتي في الخليج هل ممكن أشتري العربية دي وأرفعها لمدة سنة ولا استني لحد موديل 2010 ينزل ؟
وهل السعر ممكن يزيد لو استنيت سنة من غير ما اشتري ؟
معلش اسئلتي كتيرة بس أتمني انه حضرتك تجاوبني عليها
مرسي خالص
وكل سنة وحضرتك طيب
عزيزى المهندس / طارق
كل عام و انتم بخير
املك سيارة لانسر بومه 1600cc موديل 2007 منذ يومين فقط و انا اسير بالسياره أضاءت لمبه SRS الخاصه ب Air Bag و حتى الأن تضئ هذه اللمبه و تنطفأ فما هى المشكله ؟ و هل له تأثير على Air Bag ام لا ؟ رجا ء الرد بأقصى سرعه نظرا لأننى أسافر بإستمرار مسافات طويله ولا أستطيع الإستغناء عن السياره
و جزاك الله خيرا...
- تفاصيل لون الفرش والتابلوه دي ممكن حضرتك تسأل عليها مبيعات الشركة تليفون 19830
- في اللانسر 1300 مفيش ايموبيليزر وهو المفتاح المشفر لمنع السرقة
- تركيب الكاسيت أو جهاز الانذار لن يؤثر على السيارة لو تم تركيبهم في مركز متخصص للكماليات (لأن كلهم عارفين العربية كويس وعارفين اسلاكها وتوصيلاتها) وليس عند كهربائي عادي يكون مش عارف العربية وهيجرب الأسلاك مما قد يتلف وحدة الكمبيوتر
وكل عام وانتم بخير
انا سألت مدير الصيانة بخصوص الموضوع ده وقال ان السيارات الانجكشن لا تصلح لتحويلها لغاز وانما السيارات اللي فيها كربراتير عادي
واذا تم تحويلها لغاز هتعمل لكن هتشتغل بصورة غير منتظمة
(طبعا كل اللانسر الحديث انجكشن)
الفحص بيكون فحص وتحديد للمطلوب من الصيانة وقطع الغيار المطلوبة وممكن ذكر تكلفة الاصلاح انما الاصلاح نفسه بيكون في وقت تاني
- في التوكيل اللانسر 1300 مانوال فول اوبشن بـ 93000 جنيه والاوتوماتيك فول اوبشن برضه بـ 100 ألف وكلمة فول اوبشن مقصود بيها تكييف وباور وسنتر وزجاج كهرباء ومرايات كهرباء
- العربية كويسة طبعا ومنتشرة جدا واقتصادية في البنزين المانوال ممتازة والاوتوماتيك تحتاج سواقة هادية انما لو سواقة حضرتك رياضية ومحتاج تجميع سريع وسحب سريع يبقى مش هتعجبك الـ 1300 أوتوماتيك وعموما فيه مواضيع كتير هنا في المنتدى بتتكلم عن مميزات وعيوب الـ 1300 المانوال والاوتوماتيك ممكن البحث عن تلك المواضيع من اداة البحث في المنتدى
- بخصوص البدائل اللي في نفس السعر حضرتك ممكن تشوف في الماركات التانية هنا في منتدى نايل موتورز وفيه قسم خاص للمقارنات ممكن تشوف فيه مقارنات بين اللانسر 1300 وما يماثلها
- طالما حضرتك في الخليج وقدامك سنة يبقى الأفضل تنتظر على الشراء لحين حضورك وتشتري موديلات 2010 بدلا من شراءها الآن ورفعها
- موضوع لمبة الايرباج بيحصل لو تم تركيب جهاز انذار أو كاسيت بشكل مش صحيح ممكن يأثر على التوصيلات الكهربية أو تكون سوستة الايرباج محتاجه تتغير عموما بالكشف على العربية بيتم تحديد المطلوب عمله
- انما له تأثير طبعا على الايرباج بأنه غير جاهز للعمل الآن في حالة الاحتياج له لا قدر الله
- حضرتك هات العربية لمركز الخدمة للكشف عليها واصلاح العيب علطول
إلى المهندس طارق
اولا شكرا للمجهود
انا امامى عربيه 2007 1600 اوتوماتيك بجنوط 15 اصلى و فابرقه بره و جوه عامله 45000 كيلو و سعرهها 77000 جنيه . السعر ده حلو و لا كتير
تانى حاجه ممكن اروح اكشف على الحاله بتاعتها فى المركز اللى فى بنزينه موبيل اللى على الاوتو ستراد و لا لازه فى فرع كبير زى بتاع جسر السويس مثلا.
و لازم قبل ما اروح احجز؟