السلام عليكم يا بشمهندس طارق
انا عندي لانسر 1600 مودبل 2006 بتقطع من فتره و بتطفي لما بشغل التكيف وديتها الرواس قالولي عايزه تغير حساس اسمه ستيبر موتور و مش موجود الاقيه فين وهو ساعات بيسموه ايدين تشوك و ثمنه كام تقريبا لو سمحت
عرض للطباعة
السلام عليكم يا بشمهندس طارق
انا عندي لانسر 1600 مودبل 2006 بتقطع من فتره و بتطفي لما بشغل التكيف وديتها الرواس قالولي عايزه تغير حساس اسمه ستيبر موتور و مش موجود الاقيه فين وهو ساعات بيسموه ايدين تشوك و ثمنه كام تقريبا لو سمحت
الحمد لله تمام .. وانت بالصحة والسلامة
سعر عمود الكامة في لانسر 1300 موديل 2007 هو 1650 ج + 10%
انا سألت في قطع الغيار قال لي ان الستوبر موتور غير الايديال تشوك وكمان الستوبر موتور فيه نوعين الموجود فيهم سعره 1500 جنيه انما لازم العربية تيجي علشان نحدد المطلوب بالظبط
بخصوص المفاجأه المتطوره للانسر البومه 2010
نريد من فضلك معرفة اذا كان هذا التطوير يشمل البومه 1300 مانيوال؟
وهل يمكن الحجز من الآن فى التوكيل !!!.
وشكرا جزيلا لسيادتك مع أخلص الأمانى بالصحه و السعاده
:3_3_102[1]::ask:
المفاجأة المتطورة كان المقصود بها فتيس اوتوماتيك مع السبورت مود للعربية الـ 1600 الأوتوماتيك فقط (والهاف سبورت والسبورت)
اما الـ 1300 مانوال اعتقد مفيش فيها تغيير - ربما فيها العدادات الجديدة
تفاصيل التطوير في الموضوع ده
http://www.nilemotors.net/Nile/105685-1600-2010-a.html
بخصوص الحجز مش عارف بيحجزوا ولا لأ ممكن حضرتك تكلم المبيعات ت 19830
فرصة حلوة ان حضرتك موجود دلواتى و بترد انا للاسف عربيتى بومة 2006 اتخبطت و محتاج اغير الاكصدام الخلفى و كنت عايز اعرف سعره كام و هايتكلف كام علشان ارشه فى التوكيل و هاياخد وقت قد ايه
سوال كمان ناس نصحيتنى اجيبه استيراد لان اللى فى التوكيل مش نفس الخامه هل المعلومة دى صح ولا لا
وشكرا لحضرتك و اسف لو طولت عليك
للأسف موضوع الأسعار لازم اكون في التوكيل علشان ارد عليه وانا بكره السبت باذن الله اجازة فمفيش غير الأحد انما ممكن حضرتك تتصل بيهم السبت وتطلب الاستقبال وتسألهم
تليفون قليوب المركز الرئيسي 42157629
بخصوص الاكصدام والخامة فطبعا الموجود في التوكيل هو الأصلي وجاي من اليابان دي بديهية
واهلا بيك
اذيك يااستاذ طارق وأذي صحتك كل عام وانت بخير كنت عايز اعرف من حضرتك هي التكنولوجيا بتاعة البومة من 2004 لحد 2009متغيرتش لحد دلوقتي وكنت عايز اعرف الماتور بتاع اللانسر 1300 اتوماتك نوعة اية وفية كامة علوية واحدة ولا اتنين لأن التيوتا الياريس 1300أتوماتك و16 صباب و2 كامة علوية و98 حصان وكمان ارخص في السعرمن اللانسر واللانسر اغلي في السعر اية السبب وهل الماتور اللانسر 1300 اتوماتك فية مميزات اعلي من الياريس ولك جزيل الشكر
السلام عليكم يا بشمهندس طارق
انا عنى عربية لانسر موديل 2008 هو ممكن اركب جهاز انذار ليها فى التوكيل ؟ و اذا امكن ممكن اعرف تكلفة جهاز الأنذار بالتركيب كام؟
لان فى اصحاب لى قالوا لى ان تركيب جهاز انذار ممكن يخرج العربية من الضمان عالشان بيلعب فى توصيلات الكهرباء .هل الكلام ده صح ؟
ارجوا الأفادة و لسيادتكم وافر الشكر و التقدير و الأحترام
السلام عليكم
أريد معرفة أنواع وأرقام وسعر الآتى من قطع الغيارللمحرك 4g18 1600cc لوسمحت يابشمهندس طارق
فلتر الزيت- سير الدينامو وسير الباور والتكييف- فلتر البنزين - فلتر الهواء - سير الكاتينة وبلية شداد الكاتينة-زيت الباور - زيت الفرامل
ولك جزيل الشكر
وإن أمكن كتالوج الورك شوب
تصحيح لسعر الياريس وقدرتها بالحصان في الموقع دةhttp://www.logta.com/ar/PromotedItem...4332&catid=303
في التوكيل مش بنركب اي اكسسوارات (كاسيت - انذار ...) انما دايما بننصح بتركيبه في مركز متخصص مش عند كهربائي عادي حتى لا يؤثر على كمبيوتر السيارة لو كان الكهربائي مش فاهم في العربية
تركيب الانذار لا يخرج العربية من الضمان طالما تم التركيب في مركز متخصص فاهم العربية واحنا بننصح بأدريان انما مش شرط فيه مراكز مشهورة كتير بتركبه
الخوف ان واحد يركب انذار عند كهربائي عادي يعمل قافلة تتلف وحدة الكمبيوتر وييجي يقول عاوز اغير الكمبيوتر في الضمان ..
المحرك 4g18 هو محرك اللانسر البومة 1600 سي سي
فلتر زيت 50 جنيه
سير دينامو 70 جنيه
سير باور 90 جنيه
فلتر بنزين 460 جنيه
فلتر هواء 180 جنيه
سير كاتينة 180 جنيه
بلية شداد 290 جنيه
زيت باور 300 جنيه
كتالوج الورك شوب دلوقتي برنامج متكامل مش ملفات عادية وبيتم تحميله على اجهزة الكمبيوتر للورش المعتمدة وله حماية خاصة
مع التحية
الف شكر ليك يابشمهندس طارق بس انا والله مش قصدي اعمل مقارنة انا كنت عايز اعرف من حضرتك لية اللانسر 1300 سعرها مرتفع اكيد فيها ميزة مش موجودة في الياريس اجيب لحضرتك من الآخر انا بصراحة مش مقتنع بعربيتي اللانسر الأتوماتك 1300 لأني حاسس انها ضعيفة وبدور علي حاجة فيها تخليني احتفظ بيها ومابعهاش واخسر فها وخصوصا كل التجار اللي عرضتها عليهم والناس اللى عايزة تشتري عربيات كسر الزيرو ادوني سعر من 78 الي 80 الف وطبعا دة حرام العربية موديل آخر 2008 وعاملة 15500 كيلو وصعبان علية ابيعها واخسر فيها والعربية يدوب عاملة سنة فعلشان كدة بدور علي حاجة فيها تخليني مقتنع بيها ومبعهاش دلوقتي وانا آسف لأزعاج حضرتك وكل عام وانت بخير ويارب النصر لمصر بحق أول يوم مبارك في الشهر ذو الحجة
السلام عليكم يا بشمهندس
بحييك جدا علي المنتدي ده و أنا أول مرة أشارك فيه و كنت عاوز أسالك:
أنا عندي لانسر بومة موديل 2006 و بعمل صيانة كل 10000 كيلو و دلوقتي موعد صيانة الـ 50000 يا ريت تفيدني ايه المطلوب في الصاينه دي و الأسعار و كمان هل مركز مجدي شاهين بالإسكندرية كويس و لا الصفوة أحسن.
السلام عليكم
انا لسة جايب كريستالة من اسبوع والعربية تمام وذي القل بس كانت عايزة تربيط عقشة والدريسكيون قيه طقة غريبة حتى والعربية واقفة ومش شغالة
روحت للعفشجي وربط بس برده كان في صوت تخبيط ورا في المطبات ، لما ساءلته قالي الدنيا سليمة عندك والاصوات دي عادية قهل العربية دي فيها صوت في المطبات بالذات ورا ولا ايه
فياريت تقولولي هي فعلاً كدة ولا الراجل ده مش تمام
وقال على طقة الدريسيون دي انها في الباور
الكلام ده سليم ولا ايييييييه
وبالنسبة لتعلية العربية بالعليات عشان المطبات فيها ضرر على العربية ولا ايه
انا بقي قابلني موقف غريب جدا انا كان معايا لانسر بومه اوتو. 1300 مو 2007 كانت سريعة كنت باوصل بيها ل 180 و كانت بتوصل من صفر ل 100 في 18 ثانية و كنت جايبها زيرو بعد كده بعتها و جبت لانسر بومة 1600 اوتو. cvt مو 2008 خليجي زيرو برضة دي بقي ابطأ من 1300 بمراحل اخرها 160 بالعافية و بتجيب من صفر ل 100 في 20 ثانية يعني 1300 اسرع من 1600 !!!!
هو يعني ده كده طبيعي ولا لأ
و شكرااااااا
و هزود حاجة تانية ان ال 1300 كان فيها abs ال 1600 مافيهاش !!!!
هو ده بردو عادي انا اسمع ان ال1600 كلها فيها abs
شكرا لك واهلا بيك
تفاصيل الصيانات مذكورة في موضوع مثبت في اول منتدى ميتسوبيشي اسمه :
أسعار الصيانات في التوكيل من الألف الى 40 ألف
هي صيانة الـ 40 ألف اول صيانة تقيلة بتغير فيها حاجات كتير زي البوجيهات وفلتر البنزين وفلتر الهواء وزيت الفتيس الأوتوماتيك
لو حضرتك عملت الحاجات دي يبقى صيانة الخمسين مجرد صيانةعادية زيت وفلتر وكشف على تيل الفرامل ولو معملتهاش يبقى المفروض تتعمل
الصفوة والمأمون مراكز خدمة معتمدة للوكيل (شركة مصرية)
أولا مبروك العربية
لو حضرتك بتحب تكون العربية على الشعرة ومفيش اي صوت يبقى هاتها التوكيل انما طبعا بما انها موديل 10 سنين فاتوا يبقى ممكن تطلع علبة الدركسيون محتاجة تتغير وقطع تانية كتير والموضوع هيكون مكلف وكمان في التوكيل مش بنعمل تعلية للعربية لأنها مش اصلية في العربية
نصيحتي حضرتك شوف واحد عفشجي تاني تكون الناس بتنصح به وبتشكر فيه ويفضل يكون متخصص في اللانسر واعتقد ممكن تلاقي في الحرفيين
فيه موضوع متخصص عن الكريستالة موجود في قسم أهم الموضوعات في المنتدى ممكن تدور فيه :
http://www.nilemotors.net/Nile/41066-a.html
لأ مش طبيعي طبعا بدليل الموضوع ده
http://www.nilemotors.net/Nile/107196-a.html
حضرتك ممكن تجيبها التوكيل نكشف عليها لو حاسس انها مخنوقة ومش بتسحب
كل 1600 فيها abs لو مصري انما ممكن خليحي مفهاش
سلام عليكم
موضوع جميل جدا ومفيد للناس الجديدة اللي زي حالاتي
انا عندي استفسار واتمني الأفادة
انا قررت ان شاء الله اجيب كريستاله فا كنت عايز اهل الخبرة يفيدوني بأسعارها دلوقتي في السوق عاملة ازاي ؟ هل هي اختيار موفق ولا في عربيات احسن بالنسبة لواحد هتبقي دي اول عربية ليا ان شاء الله ؟ قطع الغيار متوفرة وبأسعار معقولة ولا غالية ؟
متشكر جدا
ألف شكر يا باشمهندس طارق على النصيحة ، أنا حضور على عفشجي يكون متجرب من حد من أصدقائي
وبالنسبة للتعلية طالما هي مش أصلي يبقى مش حاعمله عشان أكيد حتبوظ حاجة تانية أو حتأثر على الثبات أو السحب
اهلا وسهلا بيك معانا في المنتدى
اعتقد سعر الكريستالة دلوقتي يتراوح من 42 الى 50 حسب الحالة والكماليات والمواصفات
وهي باذن الله اختيار موفق وكمان سعر اعادة البيع لها عالي
قطع الغيار متوفرة باذن الله سواء الأصلي او الياباني والكوري والتايواني والصيني
لمزيد من التفاصيل عن العربية
http://www.nilemotors.net/Nile/41066-a.html
وبالتوفيق
السلام عليكم يا بشمهندس طارق.
أنا جيبت عربية لانسر 1300 مانيوال من حوالى شهر و لسه فى فترة التليين (عامل بيها 700 كم) بس فى صوت بسمعه أحيانا فى عصاية الفتيس لما بدي الغيار الاول (صوت تزييقة) الغيار بيزيأ يعنى. بس مش عارف أعمل ايه علشان الصوت ده مضايقنى و قلقنى عشان العربية لسه زيرو. أرجو الافادة يا بشمهندس و لك جزيل الشكر.
حازم حسين
أستاذ طارق
بعد التحية كل عام و حضرتك بخير
للأسف أنا ذهبت لتوكيل مجدي شاهين قبل رؤية الرد من حضرتك و عملت صيانة الخمسين ألف غيروا زيت و فلتر و بوجيهات و فلتر هواء و تيل فرامل فقط و سألت عن فلتر البنزين قالولي انه بيتغير كل 80 ألف مع الطلمبة بالكامل هل هذا صحيح و قالولي ان مجموعة السيور بـ810 هل هذا صحيح مش عاوز اطول علي حضرتك بس في 3 أسئلة ممكن تجاوبني عليهم...
1- العربية مخنوقة جدا و صوتها عالي حتي بعد الصيانة و تغيير فاتر الهواء.
2- تغيير موتور الزجاج الخلفي شمال سعره كام؟
3- زرار الانتظار الموجود في التابلوه اللمبة السفاية بتاعته اتحرقت و لفيت كتير مش لاقيها طب إيه الحل هل اغير الزرار كله و ياتري بكام و باللمبة ولا ايه؟
أحب أشكرك جدا علي تعبك معانا و بفكر في صيانة الـ 60 ألف أجيلك من اسكندرية ايه رأيك؟!
و أحب اقولك إن ربنا يجزيك خير علي مجهودك معانا و أحب أهديك الموضوع التالي:
وأن الله في عون العبد ما دام العبد في عون أخيه
فلئن تقضي لأخيك حاجة كأن تعلمه أو ترشده أو تحمله
أو تقرضه أو تشفع له في خير أفضل عند الله من ثواب اعتكافك شهرا كاملا فعن عبدالله بن عمر http://forums.ozkorallah.com/images/smilies/radia.gifما أن رسول الله http://forums.ozkorallah.com/images/smilies/sallah.gif قال :
( أحب الناس إلى الله أنفعهم ، وأحب الأعمال إلى الله عز وجل سرور تدخله على مسلم ، أو تكشف عنه كربة ، أو تقضي عنه دينا ، أو تطرد عنه جوعا ولأن أمشي مع أخي المسلم في حاجة أحب إليّ من أن اعتكف في المسجد شهرا ومن كف غضبه ستر الله عورته ومن كظم غيظا ولو شاء أن يمضيه أمضاه ملأ الله قلبه رضا يوم القيامة ومن مشى مع أخيه المسلم في حاجته حتى يثبتها له أثبت الله تعالى قدمه يوم تزل الأقدام
وإن سوء الخلق ليفسد العمل كما يفسد الخل العسل )
رواه الطبراني في الكبير وابن أبي الدنيا وحسنه الألباني في السلسلة الصحيحة .
شكرا لكلماتك ربنا يوفقنا جميعا في قضاء حوائج الآخرين
- فلتر البنزين من المستهلكات بيتغير كل 40 ألف أو 50 ألف أما الطلمبة فلا تتغير الا اذا تلفت وهي من القطع المغطاة بالضمان
- مجموعة السيور :
- سير باور 88 ج
- سير دينامو 66 ج
- سير كاتينة 198 ج
- بلية شداد 237 ج
- اويل سيلات 72 ج
ويتم تغييرها في صيانة الثمانين وباقي التفاصيل موجودة في الموضوع المثبت عن تفاصيل الصيانات من الألف الى الأربعين
- موضوع العربية مخنوقة وصوتها عالي لازم يتم الكشف عليها لتحديد المشكلة انما مبدئيا ممكن بس تتأكد من تركيب فلتر الهواء بشكل صحيح ربما العامل لم يركبه في مكانه بالظبط
- موتور الزجاج الخلفي سعره 690 جنيه + 10% وغير موجود حاليا (انا بحثت برقم شاسيه عربية 2006 ) انما لو عاوز تشتريه يا ريت ترسل لي رقم الشاسيه كاملا للتأكد من رقم الصنف بالظبط
- بخصوص مفتاح الانتظار فاللمبة فقط هي التي تتغير وسعرها 20 جنيه انما غير موجودة دلوقتي عموما بعد العيد مباشرة باذن الله في طلبية قطع غيار كبيرة هتوصل
- في صيانة الستين لو تحب تشرفنا في مركز الخدمة الرئيسي في قليوب اهلا وسهلا وشوف حضرتك معملتش ايه من الأساسيات اللي في صيانة الأربعين وتتعمل باذن الله الى جانب الصيانة العادية
كل عــــام و أنتم بخير - و سلام خاص للمهندس/ طــارق
ونلتقي بعد العيد ان شاء الله م/محمد عابدين
كل سنة و الجميع بخير و عيد سعيد, معلش كان عندي سؤال صغير و هو للمعرفة يعني, عشان في الخطوة اللي جاية ببتدي افكر في الشارك الكاملة. العربية دي بتحك؟ (من العتب بتاعها) ولا لا؟ و اللي انا شايفة اللي هي فعلا عالية عن الأرض بس عايز اتأكد بخصوص العتب بتاعها.
كل عام وأنت بخيريابشمهندس طارق وجميع اعضاءالمنتدي بمناسبة عيد الأضحى المبارك أعاده الله على الأمة الاسلامية بالخير والبركات
"يارب "يارب اجعلنا للكعبة الشريفة من الطائفيين وبين الصفا والمروه من الساعيين ولماء زمزم من الشاربين وعلي عرفات من الواقفين ولقبر النبي من الزائريين اللهم "آمين"
كل سنة وحضرتك طيب يا باش مهندس طارق كل ما أرجوه من سيادتك أن تطلع على الموضوع اللى على اللينك ده http://www.nilemotors.net/Nile/106826-a.html وتطلع على كل الردود وبالاخص مشاركتى فى الموضوع وهى باسم heka_m_y وعلى فكرة أنا بيعت عربيتى المكواة 2001 واشتريت 2009 زيرو 1300 ضمان مصرية وأرجو من سيادتك أن تقرأ مشاركتى اللى على اللينك اللى كتبته لسيادتك وتقولى رأيك فى اللى أنا عملته عربيتى وهل ده صح أم خطأ وتقول لنا رأيك فى مشكلة الصوت المذكورة فى الموضوع وكان بصراحة وعن تجربة سيادتك مع البومة .
كل سنة وحضرتك طيب يا باش مهندس طارق كل ما أرجوه من سيادتك أن تطلع على الموضوع اللى على اللينك ده http://www.nilemotors.net/Nile/106826-a.html (ارجو الرد ضروري بدل الحيرة في الصوت للدريكسيون) وتطلع على كل الردود وبالاخص مشاركتى فى الموضوع وهى باسم heka_m_y وعلى فكرة أنا بيعت عربيتى المكواة 2001 واشتريت 2009 زيرو 1300 ضمان مصرية وأرجو من سيادتك أن تقرأ مشاركتى اللى على اللينك اللى كتبته لسيادتك وتقولى رأيك فى اللى أنا عملته عربيتى وهل ده صح أم خطأ وتقول لنا رأيك فى مشكلة الصوت المذكورة فى الموضوع وكان بصراحة وعن تجربة سيادتك مع البومة .
اهلا وسهلا بحضرتك .. انا اول لما قريت السؤال صاحب الموضوع اللي في اللنك افتكرت حضرتك علطول وكنت لسه عاوز ادور على الموضوع القديم وارسل لصاحب الموضوع الجديد لنك له انما استغربت لما لقيت حضرتك رديت عليه علطول يعني متابع دائم للمنتدى انما مشاركاتك قليلة
وطبعا رد حضرتك صح وحلول كويسة جدا للمشكلة انما انا عاوز اقول ان المشكلة دي بتحصل في حالة معينة وهي عين القط في الملفات (زي مثلا نفق ش العروبة آخر شارع الطيران وانت نازل النفق شمال) بتلاقي 10 كيلو عين قط ، وطبعا مش كل الناس بتشتكي منها لأن في باقي ظروف القيادة العادية مش بتظهر
شكرا على رد حضرتك يا باش مهندس يا جميل ياللى منور المنتدى بمعلوماتك وخبرتك التى لا تبخل بها عنا وعلى فكرة أنا راسلت حضرتك قبل كده فى نفس المشكلة أيام ما كان عندى المكواة وعندى سؤالين لو تسمح :
أولا : انا من اسبوعين لما فكرت اشترى عربية جديدة ماكنش معايا اكتر من 100 ألف جنيه يعنى هاجيب مانيوال ففكرت 1600 ولا 1300 ففكرت طالما العربية مانيوال مش هاتفرق كتير 1300 عن 1600 بالاخص ان 1300 نزلة باعتاب واوكر نيكل وانا كان معايا مكواة 1300 وكان سحبها كويس مع العلم وحضرتك أعلم بذلك انها كانت كربراتير فطبعا الانجيكشن هايفرق فقلت هادفع 10 الاف جنيه علشان 300 سى سى فقط وطبعا abs فجبت 1300 فول اوبشن مانيوال نبيتى فرش بيج وانا مش من هواة القيادى بسرعة 180 مثلا يعنى فى الظروف العادية 100 أو 120 وعند السفر 140 مثلا فسؤالى حضرتك انا اتصرفت صح أم خطأ هذاا سؤوالى الاول .
ثانيا : انا جبت لانسر يا باش مهندس علشان أنا حفظت كل شىء فيها واكتسبت خبرة مش بطالة بالاخص انى عرفت علاج الصوت المزعج اللى بيظهر فيها بعد أن صرفت كتير جدا جدا وعرفت ان لما عربيتى تقدم شوية ويحصل الخلوص اللى فى علبة الدريسكيون ابقى اركب بستم فايبر اللى انا كتبت عنه مكان البستم الحديد وخلاص وتتحل المشكلة فسؤالى لحضرتك هو البستم الفايبر ده وعلى ما سمعت بينزل فى التويوتا بيتاكل ولا عملى وهايعيش فى العربية وهو صح أم خطأ مع أنه فعلا بيشيل الصوت ده يا باش مهندس .
ثالثا : كنت عايز أعرف هو لو مشيت على سرعة 150 مثلا لمسافة طويلة 200 كيلو مثلا ده بيبوظ الماتور مع العلم انى حاسس بفرق بين عربيتى والمكواة وهو انى لما كت بجرى بالمكواة على 100 كان ال/ ار بى ام يكون على 8ر2 أم بالعربية الجديدة فال/ ار بى ام بيكون عالى يعنى لما بجرى على 100 يكون على 3 مش عارف ليه وده طبعا مع كل الغيارات مش الخامس بس الـ ار بى ام أعلى من المكواة باختصار اما كنت بجرى بالمكواة على 140 مثلا كان الـار بى ام مثلا يعنى على
5ر4 اما الان فهيكون على 5ر5 ومش عارف ليه مع العلم ان ال ار بى ام والعربية واقفة بيكون تحت واحد بشرطة يعنى على 800 لفة .
أسف على الاطالة يابش مهندس .
سلامو عليكو
انا عندي لانسر شارك خليجي كويتي الفئه اللي فيها abs
كنت عايز اركب عتب وسبويلر اصلي بتاعها اجيبو منين وعايز اعرف سعرهم هما والجنوط
شكرا
انا معايا لانسر 92 بطة عاوز اعرف لية رقم الشاسية عندي 14 رقم وحرف مش 17 رقم وحرف زي باقي السيارات وشكرا
مشكور المهندس طارق المحترم وايه الحلاوة ديه
ممكن حضرتك تفدني في الموضوع ده إن أمكن ؟
http://www.nilemotors.net/Nile/108592-a.html