سوال اخر انا حاليا بستخدم بنزين 90 من فترة طويلة هل لو استخدمت بنزين 92 حاليا يوثر على موتور السيارة بالاخص انى سمعت ان بنزين 92 حار على الموتور
عرض للطباعة
سوال اخر انا حاليا بستخدم بنزين 90 من فترة طويلة هل لو استخدمت بنزين 92 حاليا يوثر على موتور السيارة بالاخص انى سمعت ان بنزين 92 حار على الموتور
هل من المفترض ان يتغيرزيت موبيل 1 على 10000 كيلو او 6 شهور ايهم اقرب لان الزيت له فتره صلاحيه علما بان استخدمى للسيارة قليل جدا حيث انى باركن السيارة اسبوع واستخدمها اسبوع
كنت عايز اعرف من حضرتك معلومات عن الانسر البومة 2010 هتنزل امتى عشان انا ناوى اشترى خلال اليومين دول فبفكر استنى 2010 احسن
لا اعتقد ان فيه بنزينه موبيل بتغش الزيت لأن المفروض انه بيجيب جركن الزيت قدامك ويفتحه بالبرشام قدامك والعربية المفروض تاخد 3 وتلت وتشيل باقي الجركن الأربعة لتر معاك
والأفضل تكون شاري فلتر زيت اصلي من اي محل قطع غيار مش من المحطة نفسها
الغسيل الداخلي لو في مركز كار كير متخصص يبقى اكيد فاهمين شغلهم ومش هيضر الفرش او التابلوه
غسيل السيارة من اسفل في اي محطة بنزين مش عاوزين نعقد الأمور
انا مسمعتش موضوع بنزين حار دي قبل كده ، المفروض ان بنزين 92 أفضل وانقى من بنزين 90 والـ 90 انقى من 80 وهكذا وبالتالي فبنزين 92 أفضل
دايما في التوكيل بنقول 10 آلاف كيلو ومحدش قال 6 شهور لأن 6 شهور فترة عمل 10 آلاف كيلو للمستخدم العادي انما فيه اكيد عندنا مئات المستخدمين اللي بيعملوا الـ 10 آلاف في فترة اطول ولذلك بنقول ان ممكن حتى سنة انما مش اكتر من كده
باذن الله البومة 2010 هتنزل آخر الشهر الحالي نوفمبر انما هتنزل بكام فده بيتحدد بعد وصولها مش قبل كده
السلام عليكم جميعا :اولا احب اشكر الاستاذ طارق جداااااااا على المعلومات القيمة وعلى الوقت الذى يبذله فى الرد على استفساراتنا وارجو الاستفسار عما يلى
انا لدى سيارة بوما موديل 2008 اوتوماتيك - ضمان مصرية -عند صيانة ال20000 توجهت لمركز خدمة الرواس بالعجوزة حيث اننى اشتكى من انه عندما اجيب الفتيس على الn او ال p وذلك بعدما اكون ماشى علىdعادى وعايز اركن مثلا احس ان السيارة حتبطل والاقى rpm يهبط جدا ثم يرجل تانى عادى وهكذا - كمان بلاحط استهلاك عالى جدا للبنزيت حوالى 178 كم لكل 20لتر وده بدون تكييف خالص مع بنزين 92 .
المهم جابو فى المركز اسبراى تنظيف رشاشات تقريبا او حاجة زى كده ولاحظت تحسن لمدة حوالى شهر ثم رجعت الشكوى مرة اخرى
هل ده عيب فى حاجة فى السيارة ولا ايه ؟؟وهل لازم احجز قبل اما اجى المركز ؟؟؟والتكلفة كام ؟؟مع العلم ان السيارة فى الضمان -وموضوع استهلاك البنزين ده عادى ؟؟
ولسيادتكم جزيل الشكر.
يشمهندس طارق , يظهر ان العروسه فتحت كبوتها :)
كنت عايز اسأل حضرتك حساس ال tps يتكلف كام قطعه وتركيب
وياريت بالمره طقم الدبرياج :)
ليلتى بيضه ان شاء الله
كنت عايز اعرف من حضرتك ازاى اعرف افرق بين العربيات الخليجى وبعضها اصلى انا سمعت ان فى مواصفات كويتى وسعودى واماراتى واردنى وسمعت ان الاردنى اسوءهم ... فأعرف ازاى العربية اردنى ولا مواصفات ثانية واسف جدا على الاطالة
أذيك ياباشمهندس طارق كنت عايز أستفسر من حضرتك علي حاجتين انا معايا لانسر بومة اتوماتك 1300 سي سي بضمان مصرية وعاملة لحد دلوقتي 15500 ك وبقالها معايا سنة و4 اشهر وعملت صيانة الألف كيلو وصيانة العشرة الاف فاكنت عايز اعرف بالنسبة لتغيرزيت الأتوماتك هل بيتغير بالمدة ولا بالكيلو وفي حالة عربيتى المفروض اغيرة امتي وكنت عايز اعرف من حضرتك حاجة تانية انا بركن عربيتي بالأسبوع مابدورهاش هل دة في ضرر علي البطارية (البطارية الأصلية اللى نزلة مع العربية )او علي حاجة تانية في العربية ولو مفيش ضررممكن اسيبها قد اية من غير ماأدورها معلش انا طولت علي حضرتك ربنا يباركلنا فيك وكل عام وانت بخير
تعديل لما قبلة (زيت فتيس الأتوماتك) اما زيت الماتور فحضرتك اشرت الية قبل ذلك في موضوع سابق ولك جزيل الشكر
طالما العربية في الضمان حضرتك هاتها مركز الخدمة الرئيسي في قليوب وهيتم الكشف عليها لتحديد المشكلة فين وعلاجها - التكلفة مش هتحدد الا بعد الكشف وتحديد السبب
واستهلاك البنزين عالي وخلال الكشف هيتضح السبب
مش لازم حجز ويمكن الحضور في اي يوم ما عدا السبت لازم حجز
العربية الخليجي بيكون مكتوب على القايم الشمال ناحية السواق بلد التصدير يعني السعودية ولا الامارات ولاغيرها
الأردني اقلهم كماليات انما مش سيئة كل العربيات مصري وخليجي وأردني نفس العربية وصناعة ياباني 100%
يا خبر يا استاذ احمد الموضوع كبر كده ليه
- حساس tps سعره 550 ج + 10 % وتركيبه حوالي 50 جنيه
- طقم الدبرياج
دسك 340 ج + 10% و اسطوانة 530 ج + 10% ورولمان بللي 160 ج + 10%
التركيب 220 ج + 10%
تغيير زيت الفتيس الاوتوماتيك بيكون كل 40 ألف كيلو متر
مفيش مشكلة من تدوير العربية مرة كل اسبوع بس مش اكتر من كده وتدور ربع ساعة على الأقل او تعمل بيها مشوار
الله يكرمك يا بشمهندس , مش عارف والله ده فى شهر واحد ظهرت كل المشاكل دى دفعه واحد مع انى من النوع المحافظ جدا وملتزم بمتابعه العربيه أول بأول تقدر تقول بقا نصيب او حسد الله اعلم
ان شاء الله بكره هفضالها واتأكد من صحه الاشاعات دى وربنا يقدم اللى فيه الخير
وكنت عايز اسأل حضرتك سؤال اخير , هل الحساس لو طلع فيه مشكله يندرج تحت قائمه عيوب الصناعه ولا الحساسات خارج الضمان ؟
اريد شراء لانسر 2009 بومه جديدة وحتار بينها وبين كارينز جديدة 2010
اريد المساعدة
الف شكر ليك يابشمهندس علي ردك السريع عليا وعلي معلوماتك اللي مبتبخلش بيها علي اي حد في المنتدي الرائع دة ربنا يبارك فيك يارب ونشوفك كبير كبير مهندسي شركة متسوبيشي معلش أنا عندي استفسار صغير فالنفرض أن العربية قعدت 3 سنوات ومعملتش 40 الف كيلو بردة أخلي زيت الفتيس الأتوماتك طول الفترة دية لحد مايوصل لل40 الف كيلو ولا الزيت هايفقد خصائصة لطول الفترة وكنت عايز أعرف من حضرتك لية شركة متسوبيشي متعملش فكرة تغيير السيارة القديمة بالحديثة ودفع الفرق كاش اوقسط بنكي علي فكرة فية ناس كتير معاها عربيات لانسرموديل قديم وعايزة تغيرها بس معهاش السيولة المادية للتغيير
وشكرا لتعبك معايا
السلام عليكم اود ان اشكر المهندس طارق على التعاون الجميل ده
لو العربية بتعمل صياناتها الدورية في مواعيدها في مراكز خدمة معتمدة يبقى الضمان ساري والحساس ضمن الضمان
شوف حضرتك فسم المقارنات اكيد هتستفيد منه كتير في المقارنة دي
هو الاستهلاك الطبيعي المتوسط للعربية بيكون 20 ألف في السنة يعني 40 ألف في السنتين فلو عدى 3 سنين قبل مرور الأربعين ألف يبقى فعلا الأفضل تغيير زيت الفتيس
موضوع التبديل او trade in ده معروف في شركات كتير انما بيتوقف على سياسة المبيعات في كل شركة وخطة المبيعات والتسويق فيها
شكرا لك
مهندس طارق : حب الناس ليك دليل على حب الله - انا عاوز اشترى لانسر بطة 1993 - اولا احتاج نصيحتك - ثانيا تساعدنى فى اقتناء بطة تكون ممتازة - لك كل الشكر والتقدير
لو سمحت يا بشمهندس كنت عايز أعرف سعر الجزء الي تحت زراير التكيف الي بيركب فيه السي دي بتاع البوما 2007 لونه بيج....وشكرا مقدما...
علبة السي دي تمنها 200 ج + 10%
طب دي لازم من الفرع الرئيسي ولا ممكن من حته تانيه ؟؟.....شكرا...
شكرا جزيلا على تعبك يا بشمهندس الف الف شكر
باشمهندس طارق بعد اذنك كنت عاوز اعرف سعر ترموستات الحراره " الترموستات الى بيشغل المروحه الاكترونى "
و سعر ثيرموستات الميه " او كوع الميه " ... ل لانسر 1600
شاكر مجهود حضرتك .
سؤال يا بشمهندس عن الشارك.
هل قوة اضاءة التابلوه بتختلف فى النهار عن اليل.
بمعنى لو شغلت اضاءة التاابلوه بالنهار نور الكمبيوتر بيضعف ولا دى تبقى مشكلة فى الكهرباء؟.؟؟
السلام عليكم يا بشمهندس طارق كنت عاوز اعرف من سيادتك اسعار البومه 2009 الكلاسيك والهاف سبورت الاتوماتيك عامله كام دلوقتي وهل في اي عروض او تخفيضات موجوده اليومين دول بخصوص موديلات 2009 وهل اسعار التوكيل زي اسعار المراكز المعتمده ارجو سرعة الرد من سيادتك ولك جزيل الشكر د\محمد
انا لسة جايب لانسر شارك 2009 خليجى وفيه سؤالين للمهندس طارق
هل يجب تغيير زيت المحرك بعد اول الف كيلو وما هو افضل نوع مناسب للسيارة هل موبيل ام شيل هيلكس؟
كيفية تليين السيارة مع العلم ان اول مجبتها مشيت على 120 كيلو وهل ده هياثر عليها بعد كده؟
وشكرااااااا
اهلا بيك .. العربية اللانسر 93 او البطة عربية كويسة جدا طبعا انما مش هاعرف اساعد حضرتك في شراء واحدة لكن لو اتوفقت في عربية كويسة ممكن تجيبها نكشف عليها في التوكيل علشان تتطمن
قطع الغيار الأصلية متوفر بعضها في التوكيل وحتى الغير متوفر ممكن يتجاب بالطلب انما بالطبع معظم محلات قطع الغيار عندها قطع غيار العربية
وبالتوفيق
هي في الفرع الرئيسي في قليوب انما ممكن لو فرع جسر السويس او الكيت كات اقرب لك انك تمر عليه وتطلب العلبة ويجيبها تاني يوم
وحدة تشغيل المروحة الالكتروني ودي بتتلف في اللانسر كتير نتيجة غسيل المحرك بالماء تمنها 335 جنيه + 10%
ثرموستات الكوعة بـ 100 جنيه وثرموستات الردياتير (صباع الحرارة) 220 جنيه
مفيش سنسور في اضاءة التابلوه انما ممكن خداع النظر هو اللي يحسسك ان اضاءة التابلوه ضعيفة بالنهار
الشارك بس هي اللي فيها في بعض الموديلات سنسور اضاءة وده بيخليها تنور اوتوماتيك مع حلول الظلام
اهلا يا دكتور محمد
سعر البومة لم يختلف خلال الشهور اللي فاتت
يعني 1300 مانوال 93000 ج واوتوماتيك 100 ألف ج
1600 مانوال 95000 ج واوتوماتيك 112 ألف والهاف سبورت اوتوماتيك 118 ألف والسبورت 124 ألف
المفروض سعر (المصري) التوكيل زي الموزعين انما ممكن يكون فيه فروق بسيطة 500 ج - 1000 ج من معرض لآخر
حاليا مفيش عروض خاصة على 2009 انما لما تنزل موديلات 2010 على آخر الشهر الحالي باذن الله بيكون دايما سعر الموديل الأحدث اعلى من السابق
فعلا بعد الألف كيلو متر الأولى بيتم تغيير زيت محرك وفلتر زيت
الموبيل والشل كويسين وكان فيه مواضيع كتير في المنتدى العام عن المقارنة بينهم
تليين العربية المفروض الـ 1000 كيلو الأولى ان سرعة العربية لا تزيد عن 90 وعداد الـ rpm لا يزيد عن 3000 لفة في الدقيقة ولا مشكلة من تشغيل التكييف
باذن الله ميكونش المشي على العربية بسرعة 120 كيلو في الأول اثر عليها طالما مش فترة طويلة ومبروك العربية
طارق باشا اشكرك وارجو تشرح لى عنوانك لانى انا ساكن امام النساجون فى شيراتون وبكدة تكون صاحب فضل كبير
مش سعر ال1600 مانوال ده غريب شوية؟؟؟؟
الفرق بينها و بين ال1300 مانوال ألفين جنيه بس؟!!! مع انه المفروض 10 آلاف جنيه؟
والفرق كده بين ال1600 مانوال و أختها الأتوماتك 17 ألف جنيه؟؟؟؟!!!! المفروض الأتوماتك بنفس الأوبشن تزيد 5 أو 6 آلاف بالكتير عن مثيلتها المانوال (112-95 = 17 ألف)؟؟؟؟
الف شكر يا بشمهندس علي سرعه الرد وجزاك الله خيرا
ده حضرتك شرح الطريق لمركز الخدمة الرئيسي عندنا في قليوب ت 42157629
http://www.nilemotors.net/Nile/9838-a.html
صح فعلا 105 مش 95
مهندس محمد مصحصح معايا تمام :verygood:
السلام عليكم
اود ان اسال مهندس طارق عن مشكله في سيارتي
في بداية تسخيني للسياره في الصباح بمجرد تشغيلي تعمل مروحة التبريد من البدايه مع ان مؤشر الحراره بيكون في اقل مستوي له ؟ فما المشكله وهل يجب عليا سرعة اصلاحها ولا انتظر موعد الصيانه وكم تتكلف ؟ وجزاك الله خيرا يا بشمهندس طارق علي مجهوداتك ربنا يبارك فيك
الف شكر بشمهندس طارق على المعلومات و على مجهودك الكبير .
جزاك الله خير .
مساء الخير يا مهندس طارق زويل أنا دكتور طارق مصطفى أخصائي الجلدية والتناسلية ،أنا سعيد بحضرتك جدا وحاسس إنك أخ وكتر الله من أمثالك وأنا لسة شارى لانسر بومة 2009 كويتى وعامل بيها دلوقتى 800 كيلو متر وصيانة الألف ستكون إن شاء الله على الإسبوع القادم وأتمنى أن اقابلك وشكرا
يا تري يا بشمهندس طارق لما يكون في خبط في العجل قدام عند المشي في المدقات ده يكون سببه عيب بعلبه الدركسيون و لا لأ
و لو كان لأ يبقي عيب ايه مع العلم بأني بحس بالتخبيط بيسممع بالدركسيون
و يا تري كمان لو مش هتتقال عليك سعر مساعدين ورا بكام و يا تري تنصحني باني اغير المساعد الاكتر تعبا و لا اغير الاتنين معا و يا تري في مراكز صيانه معتمده غير اللي في اعلان ميتسوبيشي اللي بالمنتدي؟
مع العلم بان سيارتي لانسر كريستاله موديل سنه 2000
و اشكرك
اهلا بيك يا دكتور طارق معانا في المنتدى والف مبروك العربية ربنا يديك خيرها ويكفيك شرها وتشرفنا باذن الله في الصيانات الدورية
اهلا يا استاذ نجيب
الخبط ده ممكن يكون سببه علبة الدركسيون وممكن بيض الدركسيون والتيش (اجزاء العفشة) واللي هيحدد ده التجربة والكشف على العربية
سعر المساعد الخلفي الواحد 410 ج + 10% وفي الغالب بيتم تغيير الاتنين مع بعض الا لو واحد مكسور مثلا ممكن يتغير لوحده
مراكز الصيانة المعتمدة هي اللي في اعلان ميتسوبيشي فعلا يمكن زاد عليها مركز في قنا فقط
السلام عليك يا بشمهندس طارق اندهشت بشده عندما قرات خبر على موقع contact carبيقول فيه وكيل ميتسوبيشي يتوقف عن طرح لانسر بومه فهل الكلام ده صحيح علي الرغم من تاكيد حضرتك بان البومه 2010 نازله اخر الشهر ياريت نعرف الخبر ده صح ولاغلط لاني ناوي اشتري ومنتظر نزول موديل 2010
الحقيقة انا كنت باحترم هذا الموقع لحد الخبر ده ما نزل عرفت واتأكدت ان معظم اخبارهم كاذبة وفقد الموقع احترامه ومصداقيته
شوف حضرتك الموضوع ده
http://www.nilemotors.net/Nile/105514-a.html
استاذنا الفاضل طارق، عندي سؤال، كم ثمن البربريز الامامي للسيارة لانسر 2008 الشكل القديم؟ وهل اللي موجود اصلي واللا د.جريش؟؟؟
الموجود في التوكيل هو الأصلي طبعا وسعره 1450 ج + 10 %
عند تركيبه في التوكيل بيتركب معاه باكته علوية ثمنها 55 ج + 10%
التركيب حوالي 300 ج
ازيك يا باشمهندس عامل ايه يارب تكون تمام
كل سنه وحضرتك طيب
انا كنت عايز اسأل على عمود الكامة سعره كام دلوقتى ؟ للانسر 1300 موديل 2007