المشاركة الأصلية كتبت بواسطة مصراوي جدا
انا عرضت السؤال على المهندس عبد الجليل مهندس الصيانة في مركز الخدمة الرئيسي وقال ( ان افضل اطار للسيارة هو اللي موجودة بالسيارة واللي تم على اساسها تجربة السيارة ومعرفة مدى كفاءتها على الطريق وتم قبول السيارة للاستعمال acceptance test)
يعني هو رأيه ان افضل كاوتش للعربية اللي بينزل معاها
عموما ممكن تبحث في المنتدى عن موضوعات مختلفة عن افضل الاطارات المناسبة للانسر وهتلاقي آراء كتير مفيدة
انا عرضت الموضوع على مدير قطع الغيار وطلب رقم الشاسيه كامل لتحديد رقم الصنف
وقال ان القفيز غير الكاوتشة اللي في الصورة
القفيز اسمه braket steering gear mounting rod side
والكوتشة اسمها cushion steering gear
طبعا حسب الصورة القفيز هو المعدن اللي ماسك الكاوتشة مع الماسورة تحتها
هو بالفعل تكبير حجم الجنط بيأثر على اجزاء العفشة المختلفة وعلشان كده اعتقد في أول 2007 لما جنط الـبومة 1600 أصبح 15 بوصة بعد ان كان مثل الـ 1300 مقاس 14 بوصة هذا التغيير صاحبه تغيير في مكونات العفشة لتتلاءم مع المقاس الجديد ولو سألت التوكيل او محلات قطع الغيار عند حضرتك في الكويت عن عفشة ال gt أكيد هتلاقيها مختلفة عن عفشة الـ glx , gls
لا ابدا السؤال مش غريب ولا حاجه - هو السعر ده يشتري لانسر موديل 2003 - 2005 شكل البومة على حسب الحالة والكماليات
افضل نصيحة ان بعد المعاينة المبدئية والاتفاق على السعر ان يتم الكشف عليها في التوكيل او مركز خدمة معتمد للتأكد ان مفيش حوادث وتحديد حالة المحرك والتكييف والفتيس والعفشة وده بيكون على حساب المشتري سواء اشترى ام لا وبتتكلف حوالي 200 جنيه في التوكيل
كولت 2009 مش موجودة اساسا في مصر - مفيش غير موديل 2007 واعتقد تم بيعها كلها خلاص
انا عرضت الموضوع على المهندس عبد الجليل وقال الآتي :
- ضبط الزوايا ليس ضمن الصيانة الدورية ولكن يتم حساب العميل عليها عند الشكوى من الزوايا وتكلفتها 88 جنيه
- نصيحتي راجع ضغط هواء الاطارات أولا قبل عمل الزوايا فان تلاشى الصوت فلا داعي للزوايا لأن السيارة جديدة
انا عرضت الموضوع على المهندس عبد الجليل ورد بالآتي :
- لمبة srs هي فعلا لمبة الايرباج airbag وعندما تضيء يفضل الذهاب للتوكيل لمعرفة السبب عن طريق جهاز تحليل الأعطال ويتم اصلاح العيب في نفس الوقت ولن ترجع ثاني
- هذا ليس عيب في السيارة كما قال لك الكهربائي وعند اصلاحه في التوكيل لا يرجع مرة ثانية كما قال لأن المشكلة تظهر على جهاز الكمبيوتر ويتم علاجها