وياريت سعر طنابير ال 1300 بالمرة يابشمهندس بومة 2007 برضة و نوعها و جزاك الله خير
عرض للطباعة
السلام عليكم ورحمة الله وبركاته
لى استفسار اذا سمحت أستاذ طارق
أملك سيارة لانسر 2007 الشكل القديم عامله 42000 ك أخر صيانة 40000 ك
أشعر ان الموتور صوته عالى عن الطبيعى عند الضغط على دواسة البنزين عند زيادة السرعة
فهل هذا طبيعى
وشكرا
طالما الموضوع كده يبقى الأفضل حضرتك تجيب العربية للتوكيل يتم الكشف عليها كويس وتحديد المشكلة فين
سعر الطنابير 484 جنيه شامل الضريبة
ومفيش عليها اي حاجه مكتوبة غير ميتسوبيشي
سعر طنابير 1300 نفس السعر
هو في صيانة الأربعين المفروض بيتغير فلتر الهواء وفلتر البنزين والبوجيهات (مع حاجات تانية) فهل حضرتك غيرتها ولا لأ لأن ممكن مثلا فلتر الهواء لو متغيرش يكون كاتم المحرك
أولا شاكر لحضرتك على سرعة الرد
ثانيا تم تغيير فلتر زيت وبوجيهات ولم يتم تغيير فلتر بنزين ولا فلتر هواء
السلام عليكم
إزاي حضرتك يا باشمهندس طارق
انا عملت صيانة ال 1000 كم في فرع موبيل المطار بتاريخ 31-5-2009 وكنت عاوز اعملها في قليوب للتعرف علي حضرتك بس ظروف الشغل والسفر وعندي بعض الملاحظات:-
1- انهم شدوا علي الفرامل الخلفية فهل دة بيتعمل في هذة الصيانة ؟وتلاحظ بعدها بسخونة الجنوط الخلفية
(انا رجعت لهم مرة اخري فاجابوا اننا بنعمل رجلشة للفرامل الخلفية علشان تبقي اقوي وتحسن اداء الامامية) فهل هذا صحيح وهل مكنتش مضبوطة في المصنع وهل دة (السخونة)في الطنابير الخلفية معناها بتاكل في التيل الخلفي0
2- هل الضمان لايتم ختمة بخاتم التوكيل في الصيانة ولا بيكتفوا بكتابة التاريخ وعدد الكيلومترات بة فقط .
3-عندي جانب في الاكصدام الامامي مريح شوية من تحت الفانوس وسألتهم علية فاجابو دة ملوش ضبط.
4-بعد شيل الاستكر العلوي من السقف وجدت دائرة حوالي 5 سم ساقطة من السقف عايزة ترد من الداخل مش عارف حد حمل عليها ولا دي جاية كدة من الشحن بس مكانتش باينة من الاستكر فكيف ترد (هي مش ملحوظة قوي ولكن انا بحب ادقق في كل حاجة)
وشكرا مرة اخري علي الاهتمام0
السلام عليكم ارجو معرفة هل هناك فرق بين عفشة اللانسر البومه الهاف سبورت وبين الرياضيه وبين الكلاسيك ؟
مساء الخير يا باشمهندس طارق
انا قدامي عربية لانسر 2008 بس مش عارف احدد انها خليجي ولا مصري ولا اردني بس المواصفات اللي فيها هي:
اتوماتيك - ايرباج - فيها جنوط وعتب والاوكر نيكل - والمرايات نفس لون العربية - ولا يوجد بها abs
مش عارف احدد هي اية بالظبط واتمني انك تساعدني
شكرا جزيلا
عصام
السلام عليكم :
مشكور على تواصلك مع ملاك الميتسوبيشي وجزاك الله عنهم خيرا.
ـ عندي باجيروا 2003 ناقل الحركة فيه تأخير شوية بيطول وبسمع صوت المحرك لمدة ثواني معدودة عند النقل بالأوتوماتك . ولو دوست بنزين يفضل كده على طول لغاية لما يعدي ال100 كيلو وبعدين يغير الرابع مباشرة. الأربي ام بيكون على 3 والمحرك على 100 وبعدين فجأة ينزل على 2 أو فوقها بشرطة واحدة . أو شرطتين . هل يحتاج الأمر غلى تجفيت الجير ولو حبيت أبدل جير كام تكلفته مع التركيب .