و السياره من غير ABS و فيها air bag 1
عرض للطباعة
و السياره من غير ABS و فيها air bag 1
السلام عليكم يا استاذ طارق لوسمحت كنت عايز اعرف انا ممكن اركب دركسيون بومه 2007 او كده على عربيه بومه اخر 2004 ولو ينفع هو الدركسيون ده بكام
في بداية الأمر أريد أن اشكر المهندس / طارق على مجهوده الرائع و الملموس و ربنا يكرمك .
على فكرة ده أول سؤال لي في المنتدى و أنا لسة عضو جديد .
السؤال هو :-
معي سيارة لانسر 2008 و مشية حتى الأن 24 ألف كيلو بس أنا بدأت اسمع صوت تصفير لما اجى أمشى في الكاوتش الأمامي ( الأيسر) و الصوت بداء يزيد و عند الضغط على الفرامل الصوت بيختفى تماماً تفتكر انه لازم أغير تيل الفرامل ؟ و ناس كتير نصحوني أغير التيل فى التوكيل .
و ألف ألف شكر
اريد ان اعرف تقيمكم عن السيارة لانسر 1300 اتوماتيك كويتى 2009 من حيث السحب و الاداء و الثبات و التكيف
حيث انى علمت ان الانسر 1300 سحبها يضعف مع التكيف
اعتقد السعر كويس لو كانت فابريكة ومفيهاش اي عيوب (بس انا برضه مش خبير في اسعار المستعمل)
محطات الخدمة السريعة في المعادي والاوتوستراد مش بتعمل فحص كامل للسيارة لأنه بيتطلب وجود فنيين سمكرة الى جانب فني الميكانيكا والكهرباء
ممكن تيجي المركز الرئيسي في قليوب بدون حجز لكن الصبح بدري
في التوكيل لا يتم تركيب قطع غير اصلية على العربية (قصدي لم تكن من اساسيات العربية وقت شراءها)
شكرا لك
هو فعلا تيل الفرامل بيحتاج يتغير عند حدود العشرين - 25 ألف كيلو ويجب تغييره علشان لا يؤثر على الطنابير ويفضل فعلا تركيب الأصلي في التوكيل وسعره 385 جنيه + 10%
هو بشكل عام اللانسر 1300 أوتوماتيك هتلاقي مواضيع كتير هنا في المنتدى بتتكلم عنها ومناقشات كتير بخصوصها لأن فيه اعضاء بتعتبرها ضعيفة في السحب (خاصة الاوتوماتيك) انا دايما باقول ان اللانسر طول عمرها 1300 سي سي سواء مانوال او اوتوماتيك الى أواخر عام 2004 لما تغيرت قوانين الجمارك وسمح بالمحركات 1600 سي سي ومن وقتها والناس عرفت بوضوح ان ال 1600 أقوى وسحبها اشد وخاصة في الاوتوماتيك
لكن بشكل عام لو سواقتك هادية ومش محتاج شد وجري ومناورات فالـ 1300 أوتوماتيك مناسبة وكويسة ولكن لو سواقة شبابي ومحتاج شد وجري ومناورات فاما 1300 مانوال او 1600 مانوال او اوتوماتيك
اما بخصوص الثبات فدي ميزة البومة الأولى
والتكييف ممتاز فيها كذلك لكن بيحتاج في الأول تنظيف الفلتر وبس
شكرى وسلامى للمههندس طارق وسؤالى هو هل توجد فروق بين عفشه الهاف سبورت وال سبورت وهل هناك اى ميزة لل سبورت فى تجاوز المطبات المرتفعه مع الشكر
يعنى ينفع اركب دركسيون 2007 ولا لأ يا استاذ طارق
يا بشمهندس طارق معلش سؤال سريع
هيا قواعد الموتور بتتغير بصفه دوريه و لا ايه اسباب ان تكون عربيه عامله 50000 كم و تكون غيرت قاعده الموتور
كل السبورت والهاف سبورت فرق كماليات فقط انما العفشة واحدة في الجميع وهي عفشة مرتفعة رياضية مناسبة للطرق المصرية
في التوكيل لأ مش هينفع
قواعد المحرك بتتلف من كتر المطبات انما ليس لها كيلو متر محدد لتغييرها وتتغير حسب الحالة
كل التحية لأعضاء المنتدى
ارجو الأفادة بخصوص السيارة ليونسيل شبيها الكريستالة من الوكيل الرواس ايه اخبارها انا سامع عنها كلام كتير وبفكر اشتريها عشان انا بفضل الموديل لانسر كريستالة ولو ليونسيل زى الكريستالة انا حشتريها بس عايز رايكم
هل صحيح انها يابانى من حيث الماتور والعفشة بس متقفلة فى الصين
ياريت تفيدونى