الحجز باسم حضرتك : مهندس محمد الدسوقي - لانسر 2002
انا باعمل كوبي وبست وبارسل لهم البيان كامل
عرض للطباعة
الحجز باسم حضرتك : مهندس محمد الدسوقي - لانسر 2002
انا باعمل كوبي وبست وبارسل لهم البيان كامل
اولا احب اشكر المهندس طارق زويل على مجهوداتة العظيمة ووقتة الثمين لأرشادنا على الطريق الصحيح في عالم سيارات متسوبيشي لانسر
ثاتيا انا جبت لانسر 1300 اتوماتك بضمان مصرية موديل آخر 2008 وعاملة 15000 ك بس لقيت محدش بيشكر فيها ياتري فيها عيوب فى الموتور وقوة تحملة وعمرة الأفتراضى مع العلم انى بعمل الصيانة الدورية بتاعتها فى اوقاتها ويمكن قبل وقتها وبحط زيت 10000 ك وبغيرة كل 5000 ك وبحط بنزين 92 وبستخدمها فى المشاوير الخفيفة ونادر جدا لما بسافر بيها بس فعلا لما بشغل التكييف بحس ان ماتورالعربية ضعف ويبان اكتر لما تكون العربية فيهااكثر من شخصين فبصراحة انا لما سمعت ان كلة بينصح ب1600 قلقت جدا وعاوز اغيرها واجيب السوبر اكشن الخليجي اللى بضمان الرواس او شيفورلية كروز او كيا سيراتو بس عايز اعرف لو حبيت ابعها تجبلى كام من غير مايتنصب عليا وخصوصا انها بحالة الفبريكة من برة وجوة ماعداالباب الأمامى الأيمن رشيتة لأن فية عيال ولاد ؟؟؟ حلال كتبوا علية اسميهم ولا الكتابة على الشجرة وطبعا بمسمار وبعدها حطيتها في جراج وكل اسبوع لما اركبها مرتين او تلاتة فياريت يااستاذ طارق ويا محبى اللانسر تدلونى على الصح وخصوصا انى لقيت ان كتير منكم على دراية جامدة وخصوصا االباشمهندس طارق بحكم عملةوهل بالأمكان تبديلها بسوبر اكشن بنفس الموديل وتقريبا عدد الكيلو مترات ولكم جزيل الشكر
ألف شكر مهندس طارق
اهلا وسهلا بيك معانا في المنتدى ومبروك العربية
- العربية ليس فيها عيوب في الموتور انما 1600 أقوى من 1300 وبالتالي لما الناس بتقارنهم ببعض بتطلع ال 1300 اوتوماتيك بطه خالص
- الموضوع يعتمد على المستخدم لو استخدام رياضي ومحتاج جري وسحب حيحس ان العربية ضعيفة ومش بتجمع معاه ولو استخدام عادي هاديء فمش هتفرق معاه وهيحس ان العربية كويسة جدا انما طالما حضرتك بتشتكي منها يبقى خلاص
- بخصوص السعر هو الزيرو منها دلوقتي موديل 2009 سعره 100 ألف فأعتقد عربية حضرتك تساوي من 88-90 ألف جنيه
- سوبر اكشن الزيرو منها تمنه 124 ألف (الوكيل مصرية) والمستعمل كسر زيرو زيها ممكن 110-114
انا متشكر جدا يا باشمهندس طارق علي اهتمامك بموضوعي وردك السريع عليه ربنا يبارك فيك ويكثر من امثالك المصروية اللانسرويةجدا بس كنت عايز اقولك حاجتين حصلوا معايا النهاردة انارحت اغسل العربيةفي موبيل انذا رن من برة البودي فقط والصالون من الداخل وتم نفخ التراب من على الماتور بهواءالكمبروسور لأنى مردتش اغسل الماتور ولو حتى بالفوم الجاف وقام عامل الخدمة بفك فلتر الهواء ونفخة وبعدين ركبة ولما مشيت لقيت صوت الماتور بقي عالى جدا وكأنى مركب تربو وكل مكبس بنزين الصوت يعلى جدا خصوصا مع نقلة الغيار الأتوماتيك فوقفت وشفت الفلتر متركب صح ولا غلط وفكيتة وركبتة حلو جدا بس لحظيت حاجة تانية وانا بركب العربية وكانت علي المور فلقيت عداد الأر بي ام مش في مستواة كان زايد كان تقريبا 9 بعد ماكان بيبقي علي 2 او تلاتة وبعدين ينزل وبعدين يطاع تاني فقلقت جدا فقولت اروح لأبن عمتى لأنة معاة لانسر بومة 1600 بس مانويل وعلى فكرة هو صديق ليك اسمة د محمد عفيفي في معمل طيبة للتحاليل الطبية في الدقي كان جايب لانسر خليجى اتوماتك 1300 جابت طقم سبيكة وحصلت مشكلة في التوكيل وحضرتك حلتها له وبعدين جرب العربية ولقى الصوت عالي فعلا والعداد مش مظبوط فنصحني انى اجى لحضرتك او أروح للبشمهندس احمد عناني في قليوب المركز الرئيسي بس لسة فاضل حوالي 5000 كيلو علي صاينة ال20000 ياتري فية مشكلة لواستنيت لحد معاد الصيانة ولو فية مشاكل هاتكون اية ارجو من حضرتك الأفادة في اسرع وقت واشكر حضرتك علي سعة صدرك فلك جزيل الشكر وكل عام وانت بخير
انا اسمي الفعلي احمد عبد العزيز
ممكن يا استاذ احمد تنتظر يومين ربما يكون فيه حاجه من تأثير غسيل العربية وهتروح لكن لو لسه فيه مشكلة يا ريت تيجي لنا قليوب يوم الأحد أو اي يوم بعده (بلاش السبت لأنه بيكون زحمة جدا)
شكرا جدا ليك يابشمهندس طارق ربنا يبارك فيك انا هستنى كام يوم ولو لقيت الموضوع زي ماهو هاجي يوم الأحد او الأثنين بس حضرتك مقولتليش لو فية مشكلة هاتكون اية وهاتتكلف كام ولك جزيل الشكر
الحقيقة مش عارف بالتحديد انما قولت طالما ان الموضوع لم يظهر الا بغسيل العربية فممكن المايه تكون وصلت لمنطقة معينة وسببت المشكلة ولما تنشف المشكلة هتروح انما لو استمرت المشكلة يبقى الكشف على العربية هو اللي هيحدد المشكلة وسببها وعلاجها
الف شكرا ليك يابشمهندس طارق بس انا مجبتش ماية ولاحتي فوم ناحية الماتور من فوق ولا من تحت انا غسلت العربية البودي فقط والصالون من جوة والمشكلة دية ظهرت بعد مافك عامل الخدمة فلتر الهواء وركبة تاني ولما ظهرت المشكلة انا فكيتة وركبتة تاني مش عارف طيب انا هاحاول افك الفلتر تاني وهاشوف العلبة محكومة القفل من فوق وتحت وهاجرب وهارد علي حضرتك معلش انا هاطول علي حضرتك ربنا يبارك فيك انا لما رشيت الباب اللون طلع مفارق فمعلش هاتعب حضرتك ممكن حضرتك تسألي عن اسم نوع اللون الممتاز اللى يجيب درجة لون عربيتى بالظبط انا كود اللون بتاع عربيتي r20 نبيتي وانا اسف لأزعاجك وبشكرك علي سعة صدرك ياريت كنت اشتركت في المنتدي قبل مااشتري العربية كنت هاعرف حاجات كتير جدا وكنت هاستفاد من حضرتك جدا بس عم جوجل الله يسامحة مدلنيش عليكم الا متأخر قدر الله وماشاء فعل