الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة mogacar

انا لما رشيت الباب اللون طلع مفارق فمعلش هاتعب حضرتك ممكن حضرتك تسألي عن اسم نوع اللون الممتاز اللى يجيب درجة لون عربيتى بالظبط انا كود اللون بتاع عربيتي r20 نبيتي

اهلا بيك في اي وقت وبأي اسئلة
احنا بنستخدم اكزو سيكنس SIKKENS

المشاركة الأصلية كتبت بواسطة aeltokhy

احب أشكر المهندس طارق زويل على المعلومات القيمه والتى استفدت منها كثيراولى أستفسر حيث انى اشتريت لانسر موديل2006 أتوماتيك 1600ccولكن معها مفتاح واحد فقط واريد عمل نسخه اخرى فى التوكيل فما هى التكلفه .العربية هاف اسبورت ورقم الشاسية 6337
السؤال الثانى انا جديد على الاتوماتيك فلما امشى على Ds ممكن اغير الى D
وانا ماشى ولا لازم من وضع الثبات فقط وشكرا لك

شكرا لك
العربية فيها ايموبيليزر (مفتاح مشفر) ولعمل مفتاح تاني لازم وجود العربية لاعطاء كود شفرة جديد للعربية والمفتاح الأول والجديد ، ولازم صاحب العربية اللي اسمه في الرخصة يكون موجود والعربية ميكونش عليها حظر بيع لصالح بنك
سعر المفتاح الجديد مع التشفير حوالي 750 جنيه

التحول من D الى Ds ممكن خلال المشي العادي انما يفضل استخدام Drive Sport لفترات محدودة وليست علطول حتى لا ترهق المحرك

المشاركة الأصلية كتبت بواسطة KSA2011

ازيك يا باشمهندس
انا كنت عايز اجيب صاموله 10 بس السن الناعم بتاعه التاكيهات لانه عندى العربيه وانا شاريها كانت تاكيهات مفتوحه مش عارف ليه صاحبها الى قبلى ربنا يسامحه
المهم وانا بقفلها لقيت صاموله مفوته
ودورت على الصاموله دى السن الناعم مش موجوده خالص
بس اكيد موجوده فى التوكيل ؟
ازاى ممكن احصل على الصاموله دى ؟

موجودة يا باشا باذن الله بس حددلي بالظبط العربية ويفضل رقم الشاسيه يعني مثلا (لانسر 1300 مانوال موديل 2005 شاسيه رقم 1234)

المشاركة الأصلية كتبت بواسطة mesyo75

لو سمحت يا باشا، عايز أعرف الفرق بين لانسر 1600 و 1300 مانوال وأوتو (2008 مثلاً) من حيث استهلاك البنزين والقوة والسحب ... الخ خاصةً أنى كثير السفر. نفسى أجيب عربية مستعملة ومحتار...

ميتسوبيشي مش بتعلن ارقام واضحة لاستهلاك البنزين في كتالوجاتها انما ده مش معناه ان استهلاك البنزين فيها وحش لأ هو كويس جدا وبشهادة ملاك اللانسر هنا في المنتدى انما طبعا 1300 استهلاكها افضل من 1600 بطبيعة الحال

كذلك طبعا الـ 1600 أقوى وسحبها افضل من 1300 وخاصة لو عاوز تجيب اوتوماتيك يبقى 1600 أفضل بكتير

لو مانوال وتفضل عربية اقتصادية في البنزين يبقى 1300 كويسة ومناسبة
وبالتوفيق في الشراء باذن الله

المشاركة الأصلية كتبت بواسطة mgk_tex

السلام عليكم
ازيك يا بشمهندس انا عربيتى لانسر 2005 وحاسس ان التكييف ضعيف والفريون بتاع العربيه مظبوط علما بان العربيه ليس لا تحتوى على فلتر تكييف وانا كنت عايز انضف التلاجه فى التوكيل لكن لو نضفتها هيبان ان الطبلوه اتفتح ولا هيرجع زى الاول ؟

لأ اطمن طبعا الناس دي محترفين وفكوا التابلوه وركبوه مئات المرات وبالتالي هيرجع باذن الله زي الأول