الموضوع: انت تسأل وإستشاري منتدى متسوبيشي يجيب (2)

لازم حجز لأن الفحص الكامل بياخد وقت حوالي 3 ساعات والتكلفة 200 جنيه

المشاركة الأصلية كتبت بواسطة littlepharoe

بومه 1300 مانيوال :-
1-فى اللون الكحلى هل يوجد لون فرش بيج و تابلوه بيج (أبنوس)
2-هل توجد و سائل أمان لحماية السياره ضد السرقه
3-هل يمكن تركيب كاسيت فى السياره دون اى ضرر أو تعديل للوصلات الكهربائيه للسياره
4-هل تركيب جهاز انزار من الموديلات المتعددة الأمكانيات (فتح الشنطه-تنك البنزين ...)يؤثر سلبيا على السياره او الضمان

و شكرا لسيادتك و كل عام وأنتم بخير

- تفاصيل لون الفرش والتابلوه دي ممكن حضرتك تسأل عليها مبيعات الشركة تليفون 19830
- في اللانسر 1300 مفيش ايموبيليزر وهو المفتاح المشفر لمنع السرقة
- تركيب الكاسيت أو جهاز الانذار لن يؤثر على السيارة لو تم تركيبهم في مركز متخصص للكماليات (لأن كلهم عارفين العربية كويس وعارفين اسلاكها وتوصيلاتها) وليس عند كهربائي عادي يكون مش عارف العربية وهيجرب الأسلاك مما قد يتلف وحدة الكمبيوتر

وكل عام وانتم بخير

المشاركة الأصلية كتبت بواسطة wellsh

انا معايا لانسر 2007 -1300 cc لو سمحت كنت عايز اعرف هل في مشاكل لو ركبتلها غاز بدل البنزين - هل الموتور هيتاثر ؟؟؟؟؟؟
ارجو الافادة

انا سألت مدير الصيانة بخصوص الموضوع ده وقال ان السيارات الانجكشن لا تصلح لتحويلها لغاز وانما السيارات اللي فيها كربراتير عادي
واذا تم تحويلها لغاز هتعمل لكن هتشتغل بصورة غير منتظمة
(طبعا كل اللانسر الحديث انجكشن)

المشاركة الأصلية كتبت بواسطة ksa2011

طب الفحص بيتضمن الصيانه او اصلاح العيوب لو فيه يا باشمنهدس ولا لا ؟
وكنت عايز اسأل عن تظبيط التاكيهات والموتور بيتكلف كام وصواميل مسامير التاكيهات موجوده ولا لا ؟

الفحص بيكون فحص وتحديد للمطلوب من الصيانة وقطع الغيار المطلوبة وممكن ذكر تكلفة الاصلاح انما الاصلاح نفسه بيكون في وقت تاني

المشاركة الأصلية كتبت بواسطة acute

بسم الله الرحمن الرحيم

لو سمحت انا عندي استفسار أتمني انه حضرتك تجاوبني عليه

أنا شوفت علي موقع علي النت أنه
لانسر 1300 موديل ( 2009 )
ب 94 ألف بدون أوبشن
وال فول اوبشن ب 100 ألف

هل الكلام ده صحيح ؟؟
وايه رأي حضرتك في العربية دي ؟؟
وهل اقتصادية في استهلاك البنزين أم لا ؟
وهل تتناسب مع معظم الشوارع الصعبة في مصر ؟؟
وهل حضرتك تنصحني أشتريها ولا لأ علما بأن الحد الأقصي ليا هو 100 ألف جنيه
ولو لأ هل يوجد بديل اخر كويس بنفس السعر ؟؟
ويا ريت حضرتك تحط صورة واضحة للعربية دي ؟؟
أنا دلوقتي في الخليج هل ممكن أشتري العربية دي وأرفعها لمدة سنة ولا استني لحد موديل 2010 ينزل ؟
وهل السعر ممكن يزيد لو استنيت سنة من غير ما اشتري ؟

معلش اسئلتي كتيرة بس أتمني انه حضرتك تجاوبني عليها

مرسي خالص
وكل سنة وحضرتك طيب

- في التوكيل اللانسر 1300 مانوال فول اوبشن بـ 93000 جنيه والاوتوماتيك فول اوبشن برضه بـ 100 ألف وكلمة فول اوبشن مقصود بيها تكييف وباور وسنتر وزجاج كهرباء ومرايات كهرباء

- العربية كويسة طبعا ومنتشرة جدا واقتصادية في البنزين المانوال ممتازة والاوتوماتيك تحتاج سواقة هادية انما لو سواقة حضرتك رياضية ومحتاج تجميع سريع وسحب سريع يبقى مش هتعجبك الـ 1300 أوتوماتيك وعموما فيه مواضيع كتير هنا في المنتدى بتتكلم عن مميزات وعيوب الـ 1300 المانوال والاوتوماتيك ممكن البحث عن تلك المواضيع من اداة البحث في المنتدى

- بخصوص البدائل اللي في نفس السعر حضرتك ممكن تشوف في الماركات التانية هنا في منتدى نايل موتورز وفيه قسم خاص للمقارنات ممكن تشوف فيه مقارنات بين اللانسر 1300 وما يماثلها

- طالما حضرتك في الخليج وقدامك سنة يبقى الأفضل تنتظر على الشراء لحين حضورك وتشتري موديلات 2010 بدلا من شراءها الآن ورفعها

المشاركة الأصلية كتبت بواسطة mimieg

عزيزى المهندس / طارق
كل عام و انتم بخير
املك سيارة لانسر بومه 1600cc موديل 2007 منذ يومين فقط و انا اسير بالسياره أضاءت لمبه srs الخاصه ب air bag و حتى الأن تضئ هذه اللمبه و تنطفأ فما هى المشكله ؟ و هل له تأثير على air bag ام لا ؟ رجا ء الرد بأقصى سرعه نظرا لأننى أسافر بإستمرار مسافات طويله ولا أستطيع الإستغناء عن السياره
و جزاك الله خيرا...

- موضوع لمبة الايرباج بيحصل لو تم تركيب جهاز انذار أو كاسيت بشكل مش صحيح ممكن يأثر على التوصيلات الكهربية أو تكون سوستة الايرباج محتاجه تتغير عموما بالكشف على العربية بيتم تحديد المطلوب عمله

- انما له تأثير طبعا على الايرباج بأنه غير جاهز للعمل الآن في حالة الاحتياج له لا قدر الله

- حضرتك هات العربية لمركز الخدمة للكشف عليها واصلاح العيب علطول