ورقم الموتور 4100
عرض للطباعة
يا ريت يا باش مهندس طارق تعلق على كلامى هذا
انا كان معايا مكواة 2001 ودلوقتى بومة 2009 1300 وبصراحة أنا شايف انها عربية ممتازة جدا صالونها شيك عفشتها نوعا ما كويسة وبتستحمل يمكن ضعيفة شوية أمام التويوتا مثلا بس مش كلنا بنخش حلبة سباقات فالسيارة على أد الغرض منها ممتازة جدا بس فيها بعض العيوب من وجهة نظرى وبعض العيوب الاخرى اللى جمعتها من مشاركة الاعضاء فى المنتدى :
أولا : العزل فيها مش كويس يعنى لما بقفل الزجاج بسمع الضوضاء الخارجية اللى فى الشارع وصوت الماتور العالى طبعا غير بعض التقفيل اللى مش كويس زى مثلا بعض الناس ومن ضمنهم أنا عندى صوت تكتكة خفيفة من الزجاج الامامى ولقيت كثير من الناس بيشتكوا من عيوب التقفيل هذه .
ثانيا : فيها عيب كثير من الناس اشتكوا منه وأولهم أنا إن عند كسر الدريكسيون فى الملفات ويكون الملف فيه مطبات أو مطبات عين القطط بسمع صوت خبطة أو تكة حديد فى الدريكسيون والصوت ده صادر من علبة الدريكسيون وبيسمع فى الطارة نفسها والمهم ان فى التوكيل نفسه قالوا ان الصوت ده طبيعى فى اللانسر البومة وخلونى أجرب عربية تانية لقيت فيها نفس الصوت وعلى فكرة الصوت ده كان عندى فى المكواة وبرده هو هو فى البومة اللى لسة مكملتش 2000 كيلو والغريب ان بعض الناس أسألهم هل الصوت ده مضايقهم يقولون ان الصوت ده مش موجود أصلا مع العلم ان فى شكاوى كتير فى المنتدى عن هذا الصوت والسؤال ازاى شركة عريقة زى متسوبشى عارفة العيب ده ومش بتحاول تحله من موديل 2001 وحتى 2010 .
ثالثا : بعض الناس بتشتكى من الفرامل بس يمكن أنا شايفها نوعا ما كويسة .
رابعا : العربية ممتازة جدا فى المنحنيات بس ثباتها بعد الـ 120 وحش جدا جدا جدا جدا .
خامسا : الاوتوماتيك رائع حسب علمى لان عربيتى مانيوال بس عيبه حسب الشكاوى منه ان فى بعض السيارات لما يجيب n أثناء وقوف السيارة الـ rbm بينزل إلى 400 وتترعش السيارة ثم يصعد مرة أخرى وأحيانا بتبطل السيارة .
سادسا : من أشد الاشياء استهلاكا فى السيارة هى قواعد الماتور وكل فترة بتحتاج تغيير مش عارف ليه حتى الاصلى منها .
سابعا : استهلاك البنزين فيها عالى جدا حتى يمكن الـ 1600 بتعمل حسب علمى 200 كيلو فى الصفيحة وانا بسمع ان السيارات القديمة مثل البيجو مثلا 2000 سى سى بتعمل نفس الرقم .
ثامنا : الـ 1600 الرياضية حسب علمى أيضا عفشتها ناشفة شوية على الطريق .
تاسعا : وده عيب تافه شوية ان لما لمبة فى التابلوه بتتحرق وتحاول تجيب غيرها من التوكيل بيكون لونها أصفر يعنى مافيش عليها الطربوش اللى بيدها اللون بتاع التابلوه فيتغير لون الاضاءه يبقى كوكتيل شوية أصفر والباقى نفس اللون اللى بتزل بيه .
10: موديل 2010 البومة غالى 10 الاف جنيه وكل اللى اتغير فى السيارة شكل ولون عدادات السرعة والبنزين والحرارة والـrbm أما التكيف والكاسيت فنفس اللون القديم يعنى بقيت كوكتيل واتغير أيضا شكل طارة الدريكسيون والجنوط فهل هذا يستحق ارتفاع السعر هذا انا شايف انها غالية جدا جدا يعنى ازاى اجيب عربية 1300 سى سى مانيوال بـ 100000 الف جنيه مع العلم ان فى سيارات اخرى منافسة للانسر فى السوق وأعلى أمكانيات ويمكن أقل فى السعر .
ازيك يا بشمهندس طارق و كل سنه و حضرتك طيب و أتمنى رؤيتك قريبا
عندى سؤال له علاقة بالصيانات و لا أعتقد انى شوفت إجابته فى منتدى متسوبيشى قبل كده............. تاكيهات البومه المفروض تتراجع و تضبط إمتى؟؟؟؟!!! يعنى فى صيانة الكام ألف كيلومتر؟؟؟ ده حتى صيانة ال 80000كم اللى بتغيروا فيها طقم الكاتينه كاملا محدش جاب سيرة التاكيهات........هل مش بتحتاج ضبط أو بتحتاج ضبط بعد فترة أو مسافه كبيرة جدا فا مش وارده فى الحسبان دلوقتى و لا إيه؟ و شكرا جزيلا لحضرتك:S_thum1[1]:
معلش انا النهارده الأربعاء خدت اجازة وفيه اسئلة كتير هتحتاج ارجع للمختصين فبدل ما اجاوب على البعض والبعض لأ ويتنسي .. باذن الله بكره الخميس اجاوب على كل الأسئلة .. مع الشكر
hi my dear brother tarek could you please send me your telephone no. because i lost it on my own
many thanks ahmad eltokhy
السلام عليكم معايا لانسر 2007 -1300- بتاعة صديق عزيز وعمل حادثة (دخل فى عمود اناره ع الطريق السريع فنتج عنها ( اكصدام امامى -كبوت- واكيد سربنتينة تكييف -ريداتير-فانوس امامى -شبكه اماميه- وكانت جايبه زيت من تحت الموتور انا وبرفعها بعد اذنك عايز اسعار الحاجه دى بره التوكيل ولكم جزيل الشكر
اللمبات تم طلبها ولسه ما جاتش - عموما ارجو الاتصال بي يوم السبت صباحا لبحث امكانية حصولك على اللمبات من الكمية القليلة المتاحة حاليا (سعرهم الاتنين حوالي 25 جنيه) ت 42157629
للأسف انا ما اعرفش مراكز بيع بويات العربيات انما اتوقع في الحرفيين
هو ممكن في المعادي يطلب العوامة من المركز الرئيسي ولما توصل له يركبها لعربية حضرتك او لو تحب تشوف مركز خدمة تاني معتمد فيه موضوع مثبت عن مراكز الخدمة المعتمدة وتليفوناتها وعناونينها
فيه موضوع مثبت عن صيانات العربية من الألف الى الأربعين ألف (وكذلك التمانين ) وعربية حضرتك طالما عاملة 45000 يبقى محتاجة صيانة الأربعين
الأفرب لحضرتك مركز خدمة فرع جسر السويس انما هو بالحجز ت 26981976 ولو مستعجل ممكن تشرفنا في المركز الرئيسي في قليوب في اي يوم بدون حجز ولو السبت لازم حجز ت 42157629 والجمعة اجازة
سعر الكشف الكامل 200 جنيه
للأسف مفيش امكانية لمعرفة بلد العربية بالتحديد من رقم الشاسيه وانما فقط انها gcc يعني خليجي
تم الرد في الموضوع الذي تم فتحه لنفس الأسئلة