السلام عليكم
بالنسبه لموضوع العوامه
ممكن أذهب إلى هناك بكره إن شاء الله فى مركز قليوب الساعه 8 : 8:30 حضرتك هتكون هناك. هل هذا الوقت سيكون مناسباً بالنسبة لك ويكون مدير الصيانه هناك بإذن الله
وجزاكم الله خيراً
عرض للطباعة
السلام عليكم
بالنسبه لموضوع العوامه
ممكن أذهب إلى هناك بكره إن شاء الله فى مركز قليوب الساعه 8 : 8:30 حضرتك هتكون هناك. هل هذا الوقت سيكون مناسباً بالنسبة لك ويكون مدير الصيانه هناك بإذن الله
وجزاكم الله خيراً
السلام عليكم يا بشمهندس طارق،،
أنا كنت فى مركز صيانة قليوب امبارح و عملت صيانة ال1000 كم و غيرولي زيت الموتور و فلتر الزيت. سؤالى هو ان الفنيين لم يضعوا جركن الزيت و الفلتر القديم في العربية علشان أعرف بس هو حط كام لتر زيت و انه فعلا غير الفلتر. أنا مش قصدي طبعا انه انا شاكك انهم اتغيروا أنا بس سؤالى هل ده عادي أم لا. أصل أنا متعود مع هيونداى انهم بيحطوا قطع الغيار القديمة في العربية بعد الصيانة. و شكرا جزيلا لتعاون حضرتك معانا
السلم عليكم اه راي حضرتك في تركيب مساعد او سوست koni في لانسر 1600 2007
هو صاحبي المساعدين عنده تعبانين شويه
هو اسئلته : هل ده هيثبت العربيه اكتر بالذات عموديا يعني مشهتتنطط العربيه ؟
هل في شيء يلزم تغييره غير السوست والمساعدين ؟
هل ذلك سيؤثر بالسلب علي الثبات في النحنيات؟
ولو فيه اي نصيحه تانيه ممكن اقولهالوا و الف شكر يا بشمهندس
الساعة 9 مناسب وهاكون في انتظار حضرتك باذن الله
حاليا قطع الغيار المستعملة بيتم وضعها في العربية للعميل اللي بيطلب كده ، كان الأول بتتسلم للجميع زي ما حضرتك ذكرتك انما عملاء كتير مش عاوزاها فتم تعديل النظام ان الديفولت عدم تركها في العربية الا لو طلبها العميل
الزيت اللي بتحاسب عليه هو اللي تم وضعه فقط في العربية يعني تلاته لتر وتلت وليس 4 لتر يعني الماستر فايل فيه رقم صنف للزيت عبوة لتر وعبوة 3وتلت لتر وعبوة 4 وتلت (للشارك) ومسعر على هذا الأساس
بشكل عام في التوكيل لا يتم تركيب ولا ينصح بتركيب اي قطع غيار غيراصلية او متعدلة او مختلفة عن الأصلي
انما ممكن تاخد رأي اعضاء المنتدى في الموضوع ده في قسم الورشة
أستاذ طارق العزيز
بعد التحية ,
كنت عاوز أسأل حضرتك عن لانسر بومة اللي معايا مش موجود فيها لمبة تحذير للحزام و كمان مش موجود صفارة تنبيه بعد سرعة معينة ؟ هل في انواع كده ولا عربيتي فيها عيب ؟
كل المصري بينزل بدون لمبة تحذير الحزام
اما صفارة تنبيه سرعة 120 كيلو متر فهي مواصفة خليجي لأن ده حد السرعة في الخليج وبالتالي برضه العربيات المصري وكذلك الأردني مفيهاش الصفارة دي
عايز معلومات عن scan tool
ولو ممكن ترشحلى واحد يشتغل على daewoo --mitsubishi
اكتب لي حضرتك رقم الشاسيه من الرخصة وهي 1300 ولا 1600 موديل سنة كام ومانوال ولا اوتوماتيك وهاقول لحضرتك هي مصري ولا خليجي ولا أردني
الخليجي تعرف من رقم الشاسيه بيكون غالبا 6 أرقام تبدأ بـ 7 أو 8 من الشمال
وبيكون رقم الشاسيه محفور على قطعة بلاستك مثبته على التابلوه على شمال السائق وتظهر من خارج العربية فوق المساحة
لو حضرتك تقصد جهاز تحليل الأعطال اللي بيتوصل بكمبيوتر العربية فللأسف ما شفتش منهم غير الأصلي اللي بنجيبه في التوكيل من ميتسوبيشي لمراكز الخدمة التابعة للتوكيل او المعتمدة ولا يباع لغيرهم
اما الأجهزة الموجودة في السوق فللأسف معنديش فكرة عنها
مهندس طارق
مكن استفسار
ممكن اعرف العربيه اللانسر 2001 لها موبينه ولا لأ
واحد قالي انها ملهاش موبينا
انا كنت راكب دايو قبل كده
ومعنديش فكره عن نظام الكهربا بتاع اللانسر
وكنت عاوز اسأل عن شئ اضافي
صوت الموتور عندي عالي..سألت ميكانيكي خبرة..قالي ان التاكيهات فيها مشكله ومش بتتصلح..والحل عمودين تاكيهات استيراد ..ولو هشتريهم ..لازم ييجي معايا عشان يختارهم
وللعلم ..انا معمر المكنه قريب -والعربيه مكنتش محتاجه عمره والله - بس الميكانيكي نصب عليا عشان يشتغل ..منه لله
.
.
.
وشكرا لللإفاده
انا عارف ان الأسئله دي ممكن تكون غبيه شويه..
بس انا معنديش خبره نهائي في السيارات الياباني..انا راكب دايو بقالي 5 سنين.