سلامو عليكم يا بشمهندس طارق , لو سمحت سؤال بالنسبة للشارك ٢٠٠٩ هل يمكن تركيب الإنذار فالتوكيل ولا أروح لأدريان هو ألي إن عنده الإنذار الاصلي بتاعها وبيشتغل مع المفتاح بتاعها . الرقوق ساعدني برأيك فالموضوع دة . Thank you
عرض للطباعة
سلامو عليكم يا بشمهندس طارق , لو سمحت سؤال بالنسبة للشارك ٢٠٠٩ هل يمكن تركيب الإنذار فالتوكيل ولا أروح لأدريان هو ألي إن عنده الإنذار الاصلي بتاعها وبيشتغل مع المفتاح بتاعها . الرقوق ساعدني برأيك فالموضوع دة . Thank you
وألي إن الإنذار بتاعها عنده با ٥٠٠ جنيه . thank you
اعتقد حضرتك عاوز تغير سير الكاتينة دلوقتي علشان تكون مطمن لو كان ملعوب في عداد الكيلو متر بتاع العربية لأن المفروض التغيير لسير الكاتينة من 80-100 ألف كيلو متر
اعتقد الأفضل حضرتك تجيب العربية التوكيل في مركز الخدمة الرئيسي في قليوب الطريق الزراعي الكيلو 16 مع العلم ان بيتغير مع سير الكاتينة اويل سيلات وبلية شداد المجموعة بتتكلف حوالي 1000 جنيه والتفاصيل مذكورة في الموضوع المثبت عن صيانات اللانسر من الألف الى الأربعين في قسم اهم موضوعات ميتسوبيشي
وممكن الحضور لقليوب في اي يوم بدون حجز لكن بدري من 8ص الى 10ص بالكتير
هو كده يبقى العربية اكيد أردني
موضوع التكييف عادي
بالتأكيد طبعا من الشكوى دي ان فيه مشكلة في العفشة ولازم يتكشف على العربية لأن الكاوتش ميعملش كل ده فعلا
في التوكيل مش بنركب اي كماليات وبننصح بالمراكز المتخصصة زي أرديان ، انما موضوع ان عنده الانذار الأصلي بتاعها انا مش متأكد منه لأن الانذار الأصلي بييجي مع العربيات السبورت والهاف سبورت ومش بنستورده كقطعة غيار او اكسسوارات منفصلة ، انما عموما هما عندهم اجهزة كويسة والفنيين عندهم فاهمين في العربية كويس
ازي حضرتك يا بشمهندس
اتمنى ان حضرتك تشوف الموضوع ده وخصوصاً ردي التاني
http://www.nilemotors.net/Nile/124878-a.html
هو كده يبقى العربية اكيد أردني
=============
سلم عليكو باشمهندس طارق ، أنا وجدت رقم الشاسيه تحت الكرسي اليمين . و أرجوك قولي اه عيوب الأردني والفرق بينوه وبين المصري و-الخليكي . وكمان المعرض ألي هديك أوراق مكتوب فيها انها مستوردة من الكويت. أرجوك فهمني علشان ميدحكش عليا بتوع المعرض لأنهم عايزين يبيعوا وخلاص . ألف شكر
طالما رقم الشاسيه مش مثبت على قطعة على التابلوه شمال السائق فهي مش من اي دولة من دول الخليج لأن دي مواصفة خليجية مينفعش عربية تدخل الخليج من غيرها
انما السؤال الأهم طيب ايه الفرق بين المصري والأردني والخليجي
كل اساسيات العربية مفيش اي فرق والعربية ياباني في الجميع
الفرق فرق كماليات أولا التكييف في الخليج وكذلك في مصر بنطلبه مخصص لدول المناطق الحارة انما مش عارف وكيل الأردن بيطلبه كده ولا العادي
العفشة مرتفعة واعتقد كله كده
الكماليات المذكورة في المصري مثلا كلها فيها فرامل abs , ebd وفيها ايرباج واحد على الأقل للسائق وفيها ايموبيليزر كل دي كماليات ممكن تكون في العربية او لأ - طبعا لازم تكون باور ستيرنج وسنترلوك (فيه عربيات مش سنتر في السوق المصري انما نادرة) و 4 زجاج كهرباء ومرابات جانبية كهرباء وراديو كاسيت على الأقل
موضوع الورق مذكور فيه انها مستوردة من الكويت ده يخوف هل الأفراج الجمركي بيقول انها جاية من الكويت وهي مش كويتي - شيء يخوف طبعا
سلموا عليكم يا بشمهندس طارق ، العربية فيها كل الكماليات الحضرتك ذكرتها معدة الراديو كاسيت و abs wa ebd . لكن بايت الكماليات موجودة . هي العربية أوتوماتيك كلاسيك مش فل اوبشن. وأعرف منين انها فيها ايموبيليزر. أنا شاكر جداً مسعدتك وبكره لم استلم افرج ال جمرك هاشوف مستوردة. منين بالظبط وحال حضرتك . هبلغ حضرتك . معلومة أخيرة رقم ال شاسية مكون من 17 رقم . بيبدأ با JM وبينتهي با 000519
ألف شكر ليك بجد ولمساعدتك
سلام عليكم اولا
معلش احنا تعابين حضرتك معانا ربنا يجعله في ميزان حسناتك ان شاء الله .
انا الحمد لله اشتريت لانسر موديل 2005 واللي انا اشتريتها منه قالي انها 1600
العربية كاملة سبورت اتوماتيك فيها وحدة cd و abs و ايرباج وفتحة سقف وصحابها قالي ان الرخصة اتكتب فيها غلط انها 1300 ولما روحت المرور لقيت الملف المؤقت برده موجود فيها انها 1300
لما فتحت الكبوت لقيت وحدة abs والموتور مكتوب عليه 1.5
ازاي اتأكد ان العربية فعلا 1600
السريال بتاع العربية بيبدا 3a
ارجوكم منتظر تفيدوني
السلام عليكم انا عندي لانسر شارك 2009 خليجي جيبها من دبي بس كل ما تطلع على 120 بتطلع صوت انذار و الصوت ده مش بيبطل خالص حتي على 140 ولا بعد وقت معين يفضل شغال و بيصدعني اية الحل في المشكلة دي ولكم جزيل الشكر