مشكلة الrpm حلها فى نظافة علبة الهواء و الحساس بتاعها كما حدث فى سيارتى
و شكرا
عرض للطباعة
مشكلة الrpm حلها فى نظافة علبة الهواء و الحساس بتاعها كما حدث فى سيارتى
و شكرا
تركيب الاكسسورات لا يخرج من الضمان طالما تركيبها تم بشكل سليم ولم يؤثر على شيء بمعنى ان لو التركيب تم لدى كهربائي عادي وسبب اي تلف لدوائر كهربية فهذه الدوائر الكهربية لن يتم تغييرها في الضمان لأن سبب التلف هو التركيب
اما لو ركبت اي اكسسوارات وتم تركيبها بطريقة سليمة وكل حاجه ماشية كويس فمفيش مشكلة على استمرار الضمان وعلشان كده بننصح بعمل التركيبات الكهربية دي لدى مراكز متخصصة
بخصوص غسيل العربية المفروض ان بودي العربيات الحديثة كلها مقاوم للصدأ انما بالتأكيد كتر غسيل العربية بمسدس الماية ممكن يوصل لنقط البوية اتحكت من عليها لأي سبب ويسبب صدأ انما مش هاقدر احدد فترات محددة لغسيلها
موضوع التشميع مرتبط كذلك بالغسيل وعمل طبقة عازلة ولامعة للعربية وبيخفي الى حد ما الخدوش اعتقد ممكن تعمله كل 6 شهور مثلا
وللأسف ما عنديش فكرة عن حد في الزقازيق
موضوع تسخين العربية رد عليه المهندس عبد الجليل بأن تدفئة السيارة قبل السير بها أمر ضروري لأي سيارة وليس للسيارة اللانسر فقط
وتدفئة وتسخين محرك السيارة قبل السير يساعد على ان العمر الافتراضي للمحرك يكون اكبر
ويساعد على عدم التآكل السريع لاجزاء الميكانيكية المتحركة داخل المحرك
لا يتم تركيب اي اكسسوارات في التوكيل انما بننصح بتركيبها لدى مركز متخصص مثل ادريان
السلام عليكم ورحمة الله وبركاته
بعد اذنك يا بشمهندس طارق
انا معايه بوما كلاسيك 1600 موديل 2009 اتوماتيك
كنت عايز اسال سؤالين بس
اول سؤال ليه لما بمشي علي نقلت الـ (d) مش بسمع صوت للماتور خلاص ولما باجي اغير النقله الي الـ (ds) بسمع صوت عالي اوي
بس بحس بفرق كبير
وياتري انهي الافضل للقيادة نقلت (d) ولا (ds)
السؤال الثاني كنت عايز اركب فوج لايت بس تكون الاضائة بيضا مش صفراء ده ممكن القيها في التوكيل
وكان الباب اليمين اتخبط عندي ياتري تكلفتوا ردوا في الصيانة غالية ولا اعملوا بره
واسف علي الازعاج لاني فعلا مش بفهم في العربيات اي حاجه غير اني اسوق وبس
بخصوص الفتيس الأوتوماتيك فبالطبع الـ ds أو drive sport بيكون صوت المحرك فيه عالي عن ال D drive العادي لأنه بيقوم بعمل ما يسمى (تسقيط نقلة) يعني مثلا كأنك بتتنقل من الرابع للتالت في فتيس مانوال على سرعة عاليه فأكيد الـ rpm بيعلى
وهو المفروض استخدامه بيكون للمساعدة في المواقف اللى بتتطلب تسارع سريع للخروج من موقف معين وبعد كده ترجع تاني على الd وطبعا بيكون استهلاك البنزين عالي معاه
وبالتالي الأفضل للقيادة هو D معظم الوقت واستخدام Ds عند الاحتياج له فقط
بخصوص الفوج لايت فالأصلي غالي في التوكيل وسعر الواحد 1650 جنيه وبلمباته الأصلية الصفرا ، ولا يتم تركيب اكسسوارات في التوكيل
بخصوص خبطة الباب اليمين حضرتك ممكن تجيب العربية التوكيل في قليوب او جسر السويس ومهندس السمكرة والدهان هيعاين الخبطة وانت واقف وهيقول لك دي تتكلف كذا وبعدها حضرتك تقرر تعملها او لأ (والمعاينة دي مجانية طالما خبطة بسيطة مش مقايسة لحادث لا قدر الله)
سؤال للمهندس طارق كنت ماشى فى طريق الاوتوستراد على نقلة d وبعدين كنت بجيب شنطة اللاب توب من الكنبة عشان احطها جنبى فخبطت فى الفتيس ونقلت على n وانا ماشى بسرعة:majd(4): فرحت ناقل على d بسرعة تانى فهل يحصل ضرر من الموقف ده.
ارجو الرد من حضرتك للاهمية.
لأ مفيش مشكلة
والحاجه اللي ممكن تعمل مشكلة صانع العربية مش بيسمح انها تحصل بالخطأ
وعلشان كده النقل من المور n الى r , p لازم يكون مع الضغط على الزرار علشان هو ده اللي ممكن يعمل مشاكل كبيرة
السيد المهندس / طارق
شكرا على المجهود الرائع لسيادتك
سؤالي عندي سيارة لانسر بومة 2007 مانيوال غيرت تيل الفرامل الامامي في التوكيل (جسر السويس) من شهر تقريبا من وقتها عندي مشكلة في الفرامل المفاجئة هناك صوت اهتكاك شديد في الناحية اليمنى امامي (زي زحف للعجلة الامامية يمين ) اتصلت بالتوكيل وروحتلهم واحد الفنين جرب العربية وقالي ده صوت ال abs بصراحة مش مقتنع بكلام ده اية رأي حضرتك
السلام عليكم و رحمه الله وبركاته
بعد الاشتراك في هذا المنتدي الرائع ارجو الرد علي سؤالي
عايز اعرف اسعار مساعديين لانسر 98 الامامي
صيانة 100000 بوما 2006 ؟؟؟؟؟؟؟
سؤال للمهندس طارق. ما هى اسعار و كماليات السياره ميتسوبيشى كولت و هل الوكيل عنده كولت شكل البومه و الشارك ام لا ؟
شكرا