انت تسأل وإستشاري منتدى متسوبيشي يجيب (2)

عرض للطباعة

عرض 40 مشاركات من هذا الموضوع لكل صفحة

20-03-2010, 02:29 PM
مصراوي جدا

اقتباس:

المشاركة الأصلية كتبت بواسطة ahms10

سلام عليكم
بعد اذن حضرتك كنت عايز اعرف سعر البارات او التيش بتاعت لانسر بومة 2006 كام وسعر طبق المساعد وسوال معلش هل طبق المساعد هوا البطاحة
والف شكر مرة تانية

سعر البارات او التيش (للواحد) 310 جنيه شامل ض.م
سعر البيض (للواحد) 150 جنيه شامل الضريبة
سعر البطاحة (للواحد) 310 ج شامل
سعر طبق المساعد وهو كاوتش فوق البطاحة (للواحد) 77 ج شامل

اقتباس:

المشاركة الأصلية كتبت بواسطة tigernet

السلام عليكم ياباشمهندس
انا عندى مشكلة لما اسافر بسمع صوت هواء جوة العربية و انا افقل الازاز و جربت اشغل الشفاط او التكيف بس الصوت مارحش و المشكلة دية مكانتش موجودة فى الاول و الصوت بيظهر حوالى على سرعة 100 110

هو حضرتك موضحتش العربية موديلها ايه والصوت بييجي منين بالظبط
انما بشكل عام موضوع الأصوات ده بيحتاج مهندس الاستقبال يجرب العربية لتحديد سبب الصوت

اقتباس:

المشاركة الأصلية كتبت بواسطة haytham306

انا معايا بومة 2008 1600 خليجي والمفتاح ضاع مني قبل كدة وبصراحة انا حاسس انة اتسرق مني وكنت عايز أأمن نفسي واغير مفتاح العربية اساسا واركب كونتاكت جديد دة هيكلفني كام او لو عند حضرتك فكرة أأمن بيها نفسي وتكون تكلفتها اقل يا ريت تفيدني بيها وشكرا جدا لزوقك وردودك ونصايحك شكرا

هو الحل الأمثل طبعا تغيير الكونتاكت مع طقم الكوالين والمفاتيح بالكامل وده طبعا هيكون حل مكلف

انما ممكن عمل مفتاح جديد يتم تشفيره بشفرة جديدة هو والمفتاح القديم الموجود والعربية (يأخذوا الثلاثة شفرة جديدة) وده يتكلف حوالي 700 جنيه
لكن وقتها المفتاح القديم الضائع هيفتح الأبواب انما مش هيدور العربية لأن فيه الشفرة القديمة اللي تم تغييرها

اقتباس:

المشاركة الأصلية كتبت بواسطة islam_hady

شكرا جامد جدا للمهندس طارق ياجماعه انا روحت التوكيل فى قليوب يوم الخميس وبصراحة مش قادر اقولكم ايه ولا ايه استقبال ومعامله مافيش بعد كده من المهندس طارق وشكر خاص للمهندس محمد عبد العال اللى فضل معايا لحد ما مشيت من التوكيل ووصلنى لحد الباب بجد ناس محترمة اخر حاجة الف شكر ياباشمهندس وسلامى للمهندس محمد

شرفتنا يا باشمهندس اسلام وسعدت بالتعرف عليك والحديث معاك والله
20-03-2010, 03:47 PM
مصراوي جدا

اقتباس:

المشاركة الأصلية كتبت بواسطة abcdefghi

Hello mohandes tarek , please i need the orginal CD for lancer shark el beynzel with the half sport . is it available and for how much ? thank you

لحظة واحدة :U_thin1[1]:
:018::018::018:
عربية حضرتك شارك 2009 أوتوماتيك كلاسيك أردني ودي المفروض بتنزل بالراديو كاسيت ده :

http://www10.0zz0.com/2010/03/20/13/913442114.jpg

انما السبورت او الهاف سبورت بيكون الراديو سي دي بتاعها شكله كده

http://www10.0zz0.com/2010/03/20/13/618846910.jpg

ويلاحظ من الصورتين اختلاف في المربع كله اللي فيه هوايات التكييف لأن الراديو سي دي بيكون معاه شاشة معلومات كجزء منه وبالتالي هو مش بيتباع لوحده الا في حالتين الأولى في الحرفيين لو فيه حد فكه من عربية
او لدينا بالطلب كقطع غيار وطبعا طلب خاص وهيكون غالي جدا
20-03-2010, 04:43 PM
abcdefghijk

السلام عليكم و رحمة الله
يا بشمهندس بعد سفرية طويلة على طريق من طرق المحروسة الجميلة ( مطبات بتظهر فجأة ، حتت عالية و واطية مكان العربيات النقل اتقيل ) و غيره
بدأت اسمع صوت خبطة بسيطة من العجلة اليمين الامامية و بيظهر عند كسر العجل ،قلت يمكن كوبلن و خدت ملف سريع بس مفيش صوت
و جربت و العربية واقفة احود يمين و شمال لقيت الصوت بيظهر حتى و العربية واقفة
بوما 1600 2007 هل ده فعلا كوبلن ؟ و عامة تمنه كام في التوكيل؟
و شكرا جزيلا
20-03-2010, 06:38 PM
tigernet

اقتباس:

المشاركة الأصلية كتبت بواسطة tigernet

السلام عليكم ياباشمهندس
انا عندى مشكلة لما اسافر بسمع صوت هواء جوة العربية و انا افقل الازاز و جربت اشغل الشفاط او التكيف بس الصوت مارحش و المشكلة دية مكانتش موجودة فى الاول و الصوت بيظهر حوالى على سرعة 100 110

العربية لانسر البومة 2008 هاف سبور خليجى
20-03-2010, 08:50 PM
justthink

سؤال عن زيت الفتيس

السلام عليكم ورحمه الله وبركاته

اشكر مجهودك الرائع يا باشمهندس طارق

كان عندي استفسار بسيط وهو عن زيت الفتيس الاتوماتيك بيتغير كل كام كيلو وايه هو احسن نوع زيت والعربيه بتاخد كام لتر زيت ؟
العربيه 1300 موديل 2006 وهل في البومه فيها فلتر لزيت الفتيس زي الكريستاله ولا لأ؟

ومعلش استفسار تاني بسيط ............ فلتر الهواء وفلتر التكييف سعرهم كام ؟
21-03-2010, 12:08 PM
onlyuprom

شكر خاص للسادة مشرفى المنتدى و مسئولى الصيانة فى التوكيل بقليوب - انا رحت التكويل الاسبوع اللى فات ولكن للاسف لم اقابل الاستاذ طارق لانه كان اجازة ولكن قابلت المهندس محمد عبد العال والمهندس عبد الجليل وبجد الناس اكثر من ممتازة فى كل شيء ( اسلوب الاستقبال -اللباقة -المهارة الشديدة فى التعرف على العيب اللى فى السيارة) احب اشكرهم جدا.
لى ملحوظة على التوكيل نفسه : مكانه غير مناسب من حيث الطريق المؤى اليه و كذا موقعه وكمان التجهيزات اللى
فيه بيتهيألى بقاله زماااااااااااان محصلش فيه تجديد او تطوير حاسس انه لا يليق باسم ميتسوبيشى -ياريت الشركة والادارة يحطوا ده فى اهتماماتهم لان ده برضو بيدى دعاية بطريق غير مباشر وللا ايه ؟؟؟؟؟
21-03-2010, 06:10 PM
abcdefghi

اقتباس:

المشاركة الأصلية كتبت بواسطة مصراوي جدا

لحظة واحدة :u_thin1[1]:
:018::018::018:
عربية حضرتك شارك 2009 أوتوماتيك كلاسيك أردني ودي المفروض بتنزل بالراديو كاسيت ده :

http://www10.0zz0.com/2010/03/20/13/913442114.jpg

انما السبورت او الهاف سبورت بيكون الراديو سي دي بتاعها شكله كده

http://www10.0zz0.com/2010/03/20/13/618846910.jpg

ويلاحظ من الصورتين اختلاف في المربع كله اللي فيه هوايات التكييف لأن الراديو سي دي بيكون معاه شاشة معلومات كجزء منه وبالتالي هو مش بيتباع لوحده الا في حالتين الأولى في الحرفيين لو فيه حد فكه من عربية
او لدينا بالطلب كقطع غيار وطبعا طلب خاص وهيكون غالي جدا

أشكرك يا باشمهندس طارق ، أنا اشتريت العربيه كلاسيك من غير كاست خالص ولا أبنوس ومش عارف إذا كنت أردني ولا لأ . هو رقم الشاسيه 9u000517 . مش عرف ديه اه . وبالنسبه للكاسيت هيكون في حدود كام . في سؤال تاني يا باشمهندس طارق . ال موتور صوته علي أوي ومسموع جامد هل دة طبيعي. شكراً يا بشمهندسنة العظيم
21-03-2010, 07:30 PM
Ruin Scud

هل هناك مشكله من تركيب فرش جلد لسياره لانسر شارك خارج التوكيل تؤثر على الضمان ؟
22-03-2010, 10:02 AM
مصراوي جدا

اقتباس:

المشاركة الأصلية كتبت بواسطة abcdefghijk

السلام عليكم و رحمة الله
يا بشمهندس بعد سفرية طويلة على طريق من طرق المحروسة الجميلة ( مطبات بتظهر فجأة ، حتت عالية و واطية مكان العربيات النقل اتقيل ) و غيره
بدأت اسمع صوت خبطة بسيطة من العجلة اليمين الامامية و بيظهر عند كسر العجل ،قلت يمكن كوبلن و خدت ملف سريع بس مفيش صوت
و جربت و العربية واقفة احود يمين و شمال لقيت الصوت بيظهر حتى و العربية واقفة
بوما 1600 2007 هل ده فعلا كوبلن ؟ و عامة تمنه كام في التوكيل؟
و شكرا جزيلا

هو لازم يتم تجربة العربية والكشف على الكوبلن للتأكد ان المشكلة مشكلة كوبلن مش حاجة تانية في العفشة
الكوبلن الأصلي في التوكيل يباع كامل وليس كل رأس لوحدها وسعره كامل حوالي 3000 ج + 10%

اقتباس:

المشاركة الأصلية كتبت بواسطة tigernet

العربية لانسر البومة 2008 هاف سبور خليجى

للأسف لازم يتم تجربة العربية لمعرفة مصدر الصوت لأن الموضوع ده مش متكرر في البومة

اقتباس:

المشاركة الأصلية كتبت بواسطة justthink

السلام عليكم ورحمه الله وبركاته

اشكر مجهودك الرائع يا باشمهندس طارق

كان عندي استفسار بسيط وهو عن زيت الفتيس الاتوماتيك بيتغير كل كام كيلو وايه هو احسن نوع زيت والعربيه بتاخد كام لتر زيت ؟
العربيه 1300 موديل 2006 وهل في البومه فيها فلتر لزيت الفتيس زي الكريستاله ولا لأ؟

ومعلش استفسار تاني بسيط ............ فلتر الهواء وفلتر التكييف سعرهم كام ؟

اهلا بك وشكرا لك
زيت الأوتوماتيك بيتغير كل 40 ألف كيلو متر وفي مراكز الخدمة في التوكيل بنستخدم زيت موبيل atf والعربية بتاخد 9 لتر بماكينة الشفط و 5 لتر لو اتفكت الطبة من تحت
ومفيش في البومة فلتر زيت فتيس
فلتر الهواء سعره 185ج + 10%
فلتر التكييف سعره 250 ج+10%

اقتباس:

المشاركة الأصلية كتبت بواسطة onlyuprom

شكر خاص للسادة مشرفى المنتدى و مسئولى الصيانة فى التوكيل بقليوب - انا رحت التكويل الاسبوع اللى فات ولكن للاسف لم اقابل الاستاذ طارق لانه كان اجازة ولكن قابلت المهندس محمد عبد العال والمهندس عبد الجليل وبجد الناس اكثر من ممتازة فى كل شيء ( اسلوب الاستقبال -اللباقة -المهارة الشديدة فى التعرف على العيب اللى فى السيارة) احب اشكرهم جدا.
لى ملحوظة على التوكيل نفسه : مكانه غير مناسب من حيث الطريق المؤى اليه و كذا موقعه وكمان التجهيزات اللى
فيه بيتهيألى بقاله زماااااااااااان محصلش فيه تجديد او تطوير حاسس انه لا يليق باسم ميتسوبيشى -ياريت الشركة والادارة يحطوا ده فى اهتماماتهم لان ده برضو بيدى دعاية بطريق غير مباشر وللا ايه ؟؟؟؟؟

شكرا لك وملاحظاتك في محلها واتمنى حدوث التطوير الشامل لمركز الخدمة قريبا

اقتباس:

المشاركة الأصلية كتبت بواسطة abcdefghi

أشكرك يا باشمهندس طارق ، أنا اشتريت العربيه كلاسيك من غير كاست خالص ولا أبنوس ومش عارف إذا كنت أردني ولا لأ . هو رقم الشاسيه 9u000517 . مش عرف ديه اه . وبالنسبه للكاسيت هيكون في حدود كام . في سؤال تاني يا باشمهندس طارق . ال موتور صوته علي أوي ومسموع جامد هل دة طبيعي. شكراً يا بشمهندسنة العظيم

ايوة الرقم ده غالبا اردني لأنه متقارب مع المصري وهو مش رقم خليجي
الراديو كاسيت الأصلي غير موجود انما ممكن تشتريه من الحرفيين او من حد يكون هيغيره
موضوع صوت الموتور لازم يكون في حدود المعقول والا هيكون فيه حاجة مش طبيعية .. ممكن حتى تمر على اي مركز خدمة قريب منك ومهندس الأستقبال يسمع الصوت ويقول رأيه هل عادي ولا محتاج كشف فني عليه

اقتباس:

المشاركة الأصلية كتبت بواسطة ruin scud

هل هناك مشكله من تركيب فرش جلد لسياره لانسر شارك خارج التوكيل تؤثر على الضمان ؟

لأ خالص .. ولا تركيب كاسيت او جهاز انذار كمان بيخرج من الضمان انما دايما بننصح بتركيبهم في مراكز متخصصة مش عند كهربائي عادي
22-03-2010, 10:18 AM
manmax_3

سؤال صغير أمتنى اجابته بسرعة ..

عربيتى لانسر 2007 بومة 1300 خليجى
عملت حادثة بسيطة كده فمضطر اغير اكصدام و كبوت و فانوس امامى و خلفى
وطبعا لان التامين عندنا فى مصر ناصح حبتين فبيدفعو العميل 10 % من قيمة فاتورة قطع الغيار لانه بيعمل حسابة ان العميل حرامى بالفطرة وانه اكيد ناصب عليه فى الفاتورة ومغلى السعر شوية
- واحد مصلح العربية ب 10.000 جنيه هيغلى فى كل قطعة 100 جنيه دمااااغ-
المهم انهم قالولى الفواتير الوحيدة الموثوق فيها هى فواتير الرواس
فكنت عاوز اعرف اسعار القطع غيار دى واجيبها منين تحديدا ويا سلام لو اقرب مركز خدمة معتمد للرواس يكون قريب من مصر الجديدة او النزهة يبقى شئ عبقرى وخدمة جليلة يا بشمهندس
:satelite:

عرض 40 مشاركات من هذا الموضوع لكل صفحة