اقتباس المشاركة الأصلية كتبت بواسطة mfarouk5 مشاهدة المشاركة
ارجو الافاده من المهندس طارق
عندي العربيه مره سخنت والمؤشر وصل للاخر وبطلت المهم كان مفيش ميه في الرداتير والخزنه ضربت وغيرتها وزودت ميه ومشيت عادي بس في ملحوظه
في طحينه في ميه الرداتير وكل مامسحها تظهر
ميه الرداتير مش بتنقص
العربيه مش بتسخن وعاديه جدا
الزيت مش بيقل
هل ده جوان وش السلندر ولا ممكن يكون في سبب تاني؟
ولو جوان تكلفته كام علشان يتصلح؟؟
ملحوظه : العربيه لانسر 2007 خليجي اوتوماتك سوبر اكشن
انا عرضت السؤال على المهندس احمد عناني مدير الورشة في مركز الخدمة الرئيسي لشركة مصرية وقال الآتي :
للأسف لازم يتفك وش السلندر ويتشكف عليه وفي ابسط الحالات يتغير جوان وش السلندر بعد ما يكون الوش اتقاس وطلع سليم ومش محتاج تغيير أو قشط
التكلفة تقريبا لو الوش محتاج قشط ويتغير جوان حوالي الف ومائة جنيه تقريبا

اقتباس المشاركة الأصلية كتبت بواسطة ahms10 مشاهدة المشاركة
سلام عليكم
والله كنا مفتقدين حضرتك يا استاذ طارق فى ازمة المنتدى دى والحمد الله انى المنتدى رجع بالسلامة تانى عشان يلم الشمل الجميل دا من تانى

كان عندى استفسار عن شوية الحاجات دى


اولا:تنضيف البوابة هل فى مشاكل لو عملتة كل 5000 كيلو

ثانيا:اة الحساسات الى ممكن تتنضف فى العربية انا كل الحساسات الى اعرفها فى العربية حساس الايدل واعرف انى دا الى بيتنضف وحساس الtps ودا مش بيتنضف وفكة بيعمل مشاكل
الاهم بقا فين حساس الايدل دا وطريقة تنضيفة اة لانى العربية عاملة فوق ال50 الف وعمرى ما نضفتة

اخر استفسار كنت عايز اغير البوجيهات بنفسى عشان اتعلم بس مش اكتر هل تغيرها ممكن يعمل مشاكل فى اى حاجة واة الى اخد بالى منة وانا بغيرها وعندى المفاتح ال 16 بتاعها جاهز بس خايف من التجربة
سوال مهم كنت عايز اجيب بوجيهات ايريديوم كذا واحد قلى غلط جدا على العربية لانى العربية مش مجهزة على التحميل والاحتراق العالى دا وواحد قلى دى تخرم الماتور فى عربيات معينة بتنزل ب الاريديوم و مش اى عربية تتركبلها
انا عرضت السؤال على المهندس احمد عناني مدير الورشة في مركز الخدمة الرئيسي لشركة مصرية وقال الآتي :
- تنظيف البوابة ليس فيه مشاكل لو تم على كل 5000 كم ولكن هل هو بيتم بالطريقة الصحيحة او لا
- حساس الأيدل اسمه Idel Speed Control Servo ويوجد اسفل فتحة البوابة وننصح بعدم فكه
- تغيير البوجيهات يفضل المنصوص عليها من جهة المصنع لأن كل شيء محسوب عليها
اقتباس المشاركة الأصلية كتبت بواسطة HANYCAR مشاهدة المشاركة
مساء الخير وعودا حميدا للمنتدى
كونت عاوز اسال البشمندس عن عيب فى عربيتى لانسر مكواه 2002 سافرت بيها طنطا وكانت زى الفل ما عدا عيب ترصيص قابلنى عند السرعة من 90 الى 100 ولكن بعد ما وقفت فترة ساعتين جيت امشى لاقيت :
انه على السرعة من 35 الى 40 وجدت هزة غريبة فى الدريكسيون ولما رفعت ايدى عنه لاقيته بيتهز يمين وشمال فما سبب هذا العيب مع العلم انه لما بتزيد السرعة بيثبت الدريكسيون
العربية انا شريها جديد من شهر وحبيت اطمن عليها فزودت السرعة لحد ما وصلت 125 ودواسة البنزين جابت الاخر وحسيت بعديها ان السرعة مابتزيدش وحسيت انه عداد السرعة توقف تقريبا عند سرعة 125 او 127 ما زادش فما سبب هذا العيب وما هو علاجه مع العلم ان البوجيهات دينسون 3 شمعة جاءت فى العربية والماتور حالته كويسة جدا وبحط بنزين 92 والطلعة على الاول ممتازة ومفيهاش اى رعشة
وبعيدن لما بدور العربية وابطلها وهى باردة بتفضل تتنفض جامد ولكن وهى سخنة بتبطل زى الفل 0
غطاء البنزين لما باجى افتحه والعربية مبطلة بلاقى كمية هواء مكبوسة فى التنك فواحد قالى انه ممكن الفايظ بتاع البنزين يكون مسدود وده سبب كبس الهوا فى التنك فهل الكلام ده صحيح
حبيت اغير مياه الريداتير علشان كانت مياها عادية فجبت مياه موبيل من البنزينة وفضيت الريداتير والماتور من المياه وفكيت ترموستات الكوعة وحطيت مياه تبريد موبيل وركبت ترموستات الكوعة تانى ولكن
الرجل بتاع البنزينة ادانى المياه لونها اخضر غامق وشفافة وقومها خفيف جدا وجبت عدد 2 جركن ادانى واحد بغطاء اخضر وواحد بغطاء ازرق وقالى الاتنين واحد فهل الكلام ده صحيح والا يكون واحد اخضر وواحد ازرق وهل خلطهم غير مضر بالريداتير والماتور وهل ترموستات الكوعة له فائدة فى العربية علشان الراجل بتاع غسيل الريداتير فى البنزينة قاللى اشيله
ارجو الافادة 0
انا عرضت السؤال على المهندس احمد عناني مدير الورشة في مركز الخدمة الرئيسي لشركة مصرية وقال الآتي :
- لازم اولا تفحص الكاوتش والجنوظ وترصص العجل كويس لو حصل العيب تاني فالأفضل تجيب لنا العربية للتجربة والفحص حتى لا يكون العيب في الكوبلن
- شرفنا نظبط المحرك ونظبط التشوك المسئول عن الادارة والسيارة باردة ولازم تركب ثرموستات الكوعة تاني لأنه مهم في دورة التبريد خاصة عند التدوير صباحا
- استخدم مياه ردياتير موبيل الخضراء ونسبة تركيزها مناسبة للردياتيرات الألمونيوم الخاصة بميتسوبيشي وقبل استخدامها يجب عمل غسيل دورة التبريد
- بالنسبة للتنك يجب الحضور للفحص والكشف على غطاء التنك وبلف البيئة على التنك ان وجد
اقتباس المشاركة الأصلية كتبت بواسطة Ramytoyota مشاهدة المشاركة
السلام عليكم يا بشمهندس / طارق

* انا هغير زيت الفتيس (اوتوماتيك - 1600 سى سى - موديل 2007) و ناوى اجيبه من التوكيل و اغيره بره
* روحت سالت عليه فى الرواس الى فى شارع رمسيس قالى مش موجود وعلى العموم بتحط بداله (موبيل) ولو عاوز الاصلى ممكن تسال عليه فى قليوب
كنت عاوز اسال حضرتك:
1- هل الزيت الاصلى موجود فى قليوب (بخلاف زيت موبيل البديل)
2- سعره كام
3-الفتيس بياخد كام كيلو زيت بالظبط
انا عرضت السؤال على المهندس احمد عناني مدير الورشة في مركز الخدمة الرئيسي لشركة مصرية وقال الآتي :
زيت الفتيس ميتسوبيشي الأصلي موجود في قليوب وسعر الكيلو 40 جنيه + 10% ض.م
والسيارة تحتاج 8 كيلو لو تم التغيير لدينا بماكينة الشفط التي تغير الدورة كلها وفي محطات البنزين يحتاج من 4 الى 5 لتر لو تم التغيير من الطبة