انت تسأل وإستشاري منتدى متسوبيشي يجيب (2)

**مصراوي جدا** · 10-03-2009 10:09 AM

بخصوص موضوع التكييف فلا يتم عمل اي تعديلات غريبة على العربية لتحسين اداء التكييف انما بشكل عام لو التكييف مظبوط مش هيكون فيه منه شكوى

حضرتك هات العربية المركز الرئيسي في قليوب وهنكشف على التكييف ولو فعلا التكييف مظبوط هيتم مقارنة العربية مع عربية تانية زيرو امامك اما لو فيه مشكلة بالفعل هيتم اصلاحها

**مصراوي جدا** · 10-03-2009 12:47 PM

المشاركة الأصلية كتبت بواسطة aratux

مهندس طارق
كنت عايز أسأل على أسعار المساعدين و طقم جلب كامل و طنابير أمامية
و هل صحيح إنى لازم أجيب المقصات الأمامية كاملة علشان الجلب اللى بتتباع لوحدها مابتكونش مقاساتها مظبوطة؟
لو كدة, بكام المقصات؟
العربية لانسر 2002 مانيوال كاملة
مصنعيات الكلام ده فى التوكيل كام؟
و مصنعية تغيير سير الكاتينة كام برضه؟ و سعره؟

أسف على الأسئلة الكتيرة و ألف شكر

سعر المساعد الأمامي الواحد 825 ج
سعر المساعد الخلفي الواحد 410 ج
سعر جلب المقص الأمامي 83 ج
سعر المقص الأمامي الواحد 660 ج
سعر الطنبورة الأمامية الواحدة 484 ج

سعر تركيب 2 مساعد امامي 170 ج
سعر تركيب المقص الأمامي 80 ج

(جميع الأسعار يضاف عليها 10% ض.م)

طبعا الكشف هو اللي هيحدد العربية محتاجة ايه من الكلام ده يعني مقص كامل ولا جلب

**مصراوي جدا** · 11-03-2009 02:37 PM

المشاركة الأصلية كتبت بواسطة popeto

أ / طارق
مشكور جدا لحضرتك لمجهودك و سعه صدرك فى الرد على استفسارات الأعضاء
مش عارف اذا كان استفسارى مكانه هنا و الا لا ؟
انا جديد فى سوق السيارات و مش عارف اى حاجه غير ان العربيه باربع عجلات
و كنت عاوز اشترى عربيه فى حدود 90 الف بالمواصفات التاليه :
1-فول اوبشن 1600 سى سى
2- اتوماتيك
3- فتحه سقف
4- موديل 2008 و طالع
5-طبعا استخدام نظيف و كيلو مترات قليله
فهل ده متوافر فى الانسرلان فيه انواع كتير شارك و بومه و ..... و انا تهت الصراحه
و شكرا ليك

هو المواصفات دي يعني اعلى حاجه (هاي لاين) يعني في البومة السبورت (طالما فتحة سقف) وفي الشارك السبورت برضه

سعر البومة سبورت 2009 زيرو 126000 ج وسعر الشارك سبورت 2009 زيرو من 150 الى 160 ألف ج

لو استغنيت عن فتحة السقف يبقى في البومة بنتكلم عن الـ 1600 اوتوماتيك تكييف وباور وسنتر وزجاج ومرايات سعرها زيرو 2009 بـ 111000 ج المصري واقل شوية الخليجي

يبقى كسر الزيرو منها هيتراوح ما بين 95 الى 100 ألف حسب الحالة والكيلومتر وكده نبقى قربنا من الميزانية اللي حضرتك حددتها

الافضل تراجع العربيات المعلن عنها في منتدى البيع والشراء او تفتح فيه موضوع تطلب عربية بالمواصفات المطلوبة وبالتوفيق باذن الله

المشاركة الأصلية كتبت بواسطة aratux

ألف شكر يا باشمهندس
طب المساعد ده نوعه إيه؟ يعنى ممكن ألاقيه بيتباع فى السوق عادى؟
و بالنسبة للجلب, كان فيه جلب ورا, ماعرفش إسمها إيه, دى ممكن أعرف أسعارها؟؟
هوة الراجل قال إن كل الجلب محتاجة تغيير

و لو عايز أكشف عليها عندكم, إمتى و فين و بكام؟

المساعد ده هو الأصلي وموجود في السوق انما الافضل تشتري الاصلي من احد مراكز الخدمة المعتمدة او من محل قطع الغيار التابع للتوكيل في الكيت كات

ممكن تجيب العربية للكشف على العفشة (كشف فقط) وتحديد المطلوب لها بدقة مع سعر قطع الغيار والمصنعيات
تكلفة الكشف 40 ج +10%
المكان في مركز الخدمة الرئيسي في قليوب بالطريق الزراعي الكيلو 16 ت 42157629
والزمان اي وقت الكشف مش محتاج حجز

**مصراوي جدا** · 11-03-2009 09:34 PM

المشاركة الأصلية كتبت بواسطة aratux

ممكن حد يوصفلى الطريق من مدينة نصر لهناك؟؟

وصف الطريق الى مركز خدمة قليوب

**aratux** · 12-03-2009 09:59 AM

المشاركة الأصلية كتبت بواسطة مصراوي جدا

وصف الطريق الى مركز خدمة قليوب

ألف شكر
وصفة جميلة :10D5C8~1107:

**مصراوي جدا** · 12-03-2009 02:30 PM

المشاركة الأصلية كتبت بواسطة hti

الأستاذ / طارق
السلام عليكم ورحمة الله وبركاته
كل سنه وانت طيب
وشاكرين لك مجهوداتك فى خدمة أعضاء نايل موتورز
كنت عايز اعرف أسعار قطع غيار عشان حصلت لى حادثة أمبارح و ألف شكر ليك على الوصلة الحلوة دى بيننا و بين التوكيل
لانسر 2008 بوما هاف أسبورت
1-تابلوة +أير باج(2 أماميين فى التابلو)
2-مقص أمامى شمال
3-كوبلن أمامى شمال
4- و كنت عايز أعرف طالما الأيرباج فتح يبقى لازم أغير الحساسات بتاعته ولا بدون و لو لازم سعره كام
5-بالنسبة لحزام الأمان ما بقاش شغال بس ما أتقطعش بيرجع تانى ولا بيتغير

وفى النهاية مش عارف أشكرك أزاى لأنى دايما باخد بنصيحتك و أنا كنت سألتك قبل كده على البرابريز الأمامى و جيت غيرته

اولا حمدلله على سلامتك

واضح من كلامك ان العربية مش متأمن عليها

في الحوادث اللي من النوع ده لا يمكن تحديد سعر للايرباج الا بالمعاينة وعمل مقايسة حيث خلال المعاينة يتم تحديد الأصناف التالفة بدقة

ممكن حضرتك تجيب العربية في اي وقت ويتم عمل مقايسة بالمطلوب لها قطع غيار واصلاح وبعد المقايسة لك حرية الموافقة او الرفض (في حالة الموافقة لا يتم احتساب مقابل للمقايسة وفي حالة الرفض تكون تكلفة المقايسة حدود 1000 جنيه حسب حجمها)

-

-

الموضوع: انت تسأل وإستشاري منتدى متسوبيشي يجيب (2)

LinkBack

أدوات الموضوع

عرض

-

-

-

-

-

-

المواضيع المتشابهه

انت تسأل وقطب يجيب

أنت تسأل وإسـتـشـارى منتدى متسوبيشى يجيب

الكلمات الدلالية لهذا الموضوع

المفضلات

المفضلات

ضوابط المشاركة