بعد ال 100 الدركسيون مياه

**MMamdouh** · 01-03-2009 01:04 PM

المشاركة الأصلية كتبت بواسطة Drift_Lover

إسمح لي يا استاذ ممدوح أرد من نفس المرجع اللي انت كاتبه.
http://www.aa1car.com/library/tirepres.htm
وراجعني لو كنت غلطان.

وده النص بالكامل.

ونراجع الرد بتاعي واحده واحده:

1-

To accurately inflate a tire, you have to compensate for changes in temperature. For every 10 degrees F change in ambient temperature, tire pressure will change a little more than half a pound.
وعلي سبيل المثال :
A tire that contains 32 psi of air at 70 degrees F will have a little over 35 psi at 100 degrees F - even if the vehicle has not been driven. Take a quick drive down the freeway and heat up the tires even more, and the pressure may read 38 to 40 psi.

2 -

أظن مافيش اختلاف علي ان ضبط الاطارات بالنتيروجين بيقلل ان لم يكن بيلغي التغير في خواص الهوواء داخل الاطارات مع الحرارة.

3-

للاسف اختلط عليا الامر في هذه النقطه. زي ما الاخ محمد ممدوح وضح... والمقصود هو العكس.

طبعآ الكلام هنا في حالة السفر...
وكلامي من منطلق نقطتين:
الاوالي ,,, من تعريف الضغط الجوي:
الضغط الجوي هو وزن عمود من الهواء مساحة مقطعه وحدة المساحات بارتفاع يعادل سمك الغلاف الجوي.
الثانية ,,, ان الضغط داخل الاطار غير ثابت مع الحمل او الوزن. يعني لو سيارة ما تم ضبط ضغط الاطارات علي 32 بدون حمولة. وجيت تقيس الضغط لحظيآ بعد وضع حمولة 1 طن حتلاقي القياس بين زيادة في الضغط وليكن 34 او 35

وده بيأكد كلامي:

How much air is the right amount to use? It depends on the application, the vehicle, the size of the tires and how much weight is on the tires

يا سيدي الفاضل. اللي صمم العربيه مش هو اللي بيستعملها.
واحنا عندنا 3 من المتغيرات لازم نتعامل معاهم " كقائد للسيارة مش حاوقفها في الاجنس اتفرج عليها "
1- حمولة السيارة. It depends on the application, the vehicle, the size of the tires and how much weight is on the tires
2- درجة حرارة الرصيف. Take a quick drive down the freeway and heat up the tires even more, and the pressure may read 38 to 40 psi.
3- درجة حرارة الجو المحيط. you have to compensate for changes in temperature. For every 10 degrees F change in ambient temperature

لان ضغط الهواء داخل السيارة هو مقياس نسبي لل 3 عوامل وبيتغير معاهم وليس بثابت.

اعمل اللى يريحك

MMamdouh

**MMamdouh** · 01-03-2009 03:35 PM

يا سيدى ربنا يخلليك و انت اخ ليا

الفكرة ان الجزئيات اللى ذكرتها مينفعش تتطبق فى عربيات الركوب... الكلام دة للعربيات النقل اللى ممكن الصبح تبقى فاضية و لما تحملها بليل وزنها يزيد كذا طن مش 80 او 90 كيلو للنفر زى الملاكى

كمان فرق الحرارة مش كبير اوى للدرجة اللى تعمل كل التاثير اللى بتقولة... و مازال اقتراح استخدام النيتروجين بديلا للهواء حل مثالى للقصة دى

الاهم من دة كلة... لو انت حتمشى على قيم مختلفة حسب ظروف التشغيل... حتحسب القيم دى ازاى؟؟

يعنى لو انت فى يوم الصبح صحيت لقيت الحرارة 23... حتضبط الكاوتش على كام؟... طيب لما تمشى على الاسفلت و الكاوتش يسخن حتعمل اية؟... طيب افرض ركب معاك حد و بعد كدة الجو برد... ايه العمل؟

و لو فردة نامت فى وسط الطريق و لحمتها... حتقول للعامل يضبطها على كام قبل ما يركبها؟؟ هل حتعيد حساباتك من الاول عشان تعرف كام الضغط المناسب؟؟

انا شايف انك بتعقد على نفسك الامور و هى سهل من كدة بكتير و عن تجربة... محدش اشتكى من النايتروجين و الكتالوج بيقول 32... ليه بقى نصعب الحوار على نفسنا و نحسب فرق حرارة الجو و الحمل عشان فى الاخر ننفخ العجل على 31.25 بدل 32 و احنا ماشيين بسرعة 10 كيلو فى الساعة فى زحام ميدان التحرير؟؟؟؟

انا مش زعلان منك لا سمح الله ولا حاجة... بس الفكرة انى بحاول اسهل على الناس و ابعد عن التعقيدات... الكلام اللى بتقولة يبقى صح لو احنا بنتكلم فى عربيات سباق زى F1 او NASCAR اللى بتمشى على سرعات كبيرة و الثبات بالنسبة ليهم حياه او موت و كل كسر ثانية يفرق كتير اوى و فعلا فيه ناس بتحسب كل المتغيرات دى... انما فى عربية ملاكى!!.... يبقى انت عايز مدرس فزيا يقعد جنبك فى كل مشوار

MMamdouh

**bishoy02010** · 01-03-2009 06:19 PM

متهيقلى ابل صيانة ال 5000 روح صلح الجنط اللى اتخبط فى الرصيف لآنة أكيد بقى فية رفة :)

**zeka127** · 01-03-2009 06:36 PM

المشاركة الأصلية كتبت بواسطة Drift_Lover

انا فعلا كنت باستغرب الناس اللي بتسخن الكاوتش في سباقات التسارع علي Gear One
سواء دراجات بخارية او سيارات.

تلاقي المتسابق قبل السباق "طبعآ اغلبها سيارات دفع خلقي"
تلاقيه دايس فرامل وبنزين في الارض "الاتنين سوا" علشان يكتف العربية من قدام وفي نفس الوقت الاطارات الخلفية تفرك في الأرض... وتلاقي دخان التيل والكاوتش عامل حريقة ورا.
وكنت باقول الناس دي بتعمل كده ليه... وكان تفكيري في التيل وان ده للاستعراض.

ماعرفتش الهدف من كده الا في المشاركة دي.

وتسلم يا باشا.

ده بيبقى فعلا استعراض مش بيسخن الكاوتش

**MMamdouh** · 02-03-2009 10:31 AM

المشاركة الأصلية كتبت بواسطة zeka127

ده بيبقى فعلا استعراض مش بيسخن الكاوتش

لا دة تسخين للكاوتش عشان زيادة تماسك الكاوتش مع الاسفلت

القصة دى بتبقى واضحة جدا فى الدراج لان 90% من السباق هو الطلعة و لو العجل امرك كتير نتيجة ضعف التماسك يبقى كل سنة و انت طيب عشان جدة فى الدراج لازم تحصل عملية التسخين فى الاول

نفس القصة بتحصل فى الفورميولا 1 بس مش من خلال الامركة... ساعات كدة حتلاحظ العربيت عمالة تروح يمين فى شمال فى يمن و هكذا بالرغم من ان الطريق مستقيم...

دة بيحصل لتسخين الكاوتش و بيبان اوى لو حصل حادث و عربية الامان طلعت على التراك و العربيات كلها ماشية بطىء... فى الحالة دى الكاوتش بيبداء يبرد و لازم السواق يعمل الحركة بتاعت التحويد بشكل مستمر عشان يحافظ على حرارة الكاوتش

فيه اقاويل ان الحادث اللى حصل لايرتون سينا كان بسبب برودة الكاوتش... كان حصل حادث و طلعت عربية الامان على التراك شوية و هو مسخنش الكاوتش و بعدها كان ماشى حوالى 200 كيلو فى الساعة و حاول يدخل ملف و العربية محودتش و عملت under steer... طبعا الكلام مش اكيد 100% بس طالما اتحط من ضمن الاحتمالات المسببة للحادث يبقى الموضوع يفرق جدا جدا

MMamdouh

**swimmer25** · 02-03-2009 10:41 AM

المشاركة الأصلية كتبت بواسطة bishoy02010

متهيقلى ابل صيانة ال 5000 روح صلح الجنط اللى اتخبط فى الرصيف لآنة أكيد بقى فية رفة :)

انا فعلا فكرت انه ممكن يكون اتلوح او حاجة بس تقريبا الخبطة جت في الكاوتش نفسه مع جزء من الطاسة مش عارف ممكن يكون اتلوح ولا لا

**MMamdouh** · 02-03-2009 10:42 AM

راجع علية احتياطى... مش حتخسر حاجة

MMamdouh

**swimmer25** · 02-03-2009 10:46 AM

المشاركة الأصلية كتبت بواسطة MMamdouh

راجع علية احتياطى... مش حتخسر حاجة

MMamdouh

اعمل ايه عشان اراجع عليه

-

-

الموضوع: بعد ال 100 الدركسيون مياه

LinkBack

أدوات الموضوع

عرض

-

-

-

-

المواضيع المتشابهه

مشكلة في قواتيش علبة الدركسيون و بارات الدركسيون

محتار بين فلتر مياه تانك وفلتر مياه باناسونك

كيفية تغير مياه الرادتير من مياه عاديه الى خضراء ؟؟

ايه الفرق بين بيض الدركسيون و علبة الدركسيون

صوت تكتة في الدركسيون فضلا علي اهتزاز الدركسيون

الكلمات الدلالية لهذا الموضوع

المفضلات

المفضلات

ضوابط المشاركة