الموضوع: الحمد لله اشتريت الميجان ملاحظاتى وما لا نعرفه عنها(الموضوع قديم)

المشاركة الأصلية كتبت بواسطة محمود

اشكركم مرة اخرى على الردود والنصائح هل السيارة التى اشتريتها هى ميجان 1 ولا ميجان 2 ؟ الجيل الاول ام الجيل الثاتى ؟ هى انوار تابلوهها برتقالى وليس ابيض وشبكتها الامامية كتلك الموجودة فى الصورة فى الرد السابق . للعلم الرخصة من اول ديسمبر 2006 وعلى حد علمى الضمان 3 سنوات للدفعة ميجان 2 النصف الثانى من 2006 هل يسرى على سيارتى؟
اعتقد انها دفعة 2005 ولكن اشتراها مالكها اخر 2006 تماما كما يحصل الان الموجود دفغة 2007 ومن اول 2008 سترخص على انها موديل 2008
سؤال اخر .... اين توجد بصمة الشاسية عشان المرور عندنا غشم ولا يعرفون اماكن اخذ البصمة ؟ بصمة الموتور شفتها خلاص
هل يوجد مؤشر زيت الهيدرولك يجب فحصة يوميا او اسبوعيا قبل التحرك ؟
يوجد درج صغير اسفل ال CD وامام الولاعة لا يمكننى فتحه وهو غير مذكور بالكتالوج ما هو هذا الدرج؟

أولا :كل موديلات الميجان إبتدأ من 2004 هى ميجان 2

ثانيا : كل موديلات 2006 ضمانها 3 سنوات أو 60.000 كم و ممكن تعرف السيارة موديل 2005 أو 2006 من رخصة السيارة بيكتب بها الموديل.

ثالثا: بالنسبة لموشر الزيت إنت لست فى حاجة إليه لإنك بمجرد ما تشغل العربية بتقيس الزيت فى شاشة الكمبيوتر و بيقولك ok لو مستوى الزيت تمام أو بيظهر أنها ناقصة.

رابعا : الدرج الضغير دا لا تحاول فيتحه دا خاص بوصلة الكمبيوتر الموجودة فى التوكيل - يعنى بيوصه العربيةبـLaptop فى الصيانة علشان يعرفه فيها أعطال و لا لأ.

خامسا : الف مبروك و متحاولش تبيع العربية صدقنى دى تحفة و جربها من غير قلق و حتستمتع بيها

المشاركة الأصلية كتبت بواسطة محمود

الحمد لله وفقنى الله لشراء الميجان التى كنت ابحث عنها من 4 اشهر وهى موديل اخر 2006 ماشية 21 الف كم فى 8 اشهر فرش جلد بيج ومثبت سرعة وفتحة سقف وملاحظاتى المبدئية عنها:

المشاركة الأصلية كتبت بواسطة محمود

ثبات رائع فى السرعات العالية وصلت بها الى 200 بالراحة بدون عناء
مثبت السرعة ومحدد السرعة بها أكثر من رائع السيارة تتسارع لوحدها حتى تصل للسرعة المطلوبة
السيارة بها اشطراطات ومواصفات لحماية البيئة تحملنا تكلفتها على الفاضى ( لا يطبق فى مصر)
فتحة تانك البنزين لا تسمع بمرور بنزين بالرصاص فقط بنزين خالى الرصاص
الCD بها ممتاز وبه خاصية تعلية وخفض الصوت حسب سرعة العربية
استهلاك البنزين لا باس به بالنسبة للاوتوماتيك
الكلاكس مش بيخجل ولازم يتغير او يتزود له فردة تانيه
تيل الفرامل يتآكل بسرعة وهذا عيب الاوتوماتيك فى اغلب العربيات
كتالوج السيارة ذكر فيه أشياء لا أعلم ان كانت موجودة بالسيارة أم لا :
1- نظام الثبات الالكترونى electronic stsbility programm ESP وأشار اليه بلمبه فى التابلوه وهى موجودة ولكن لاتضيئ ابدا فهل هى مجهزة بذالك ام فقط فى مواصفات دول اخرى؟
2-نظام التحكم فى الشد (الحك) traction control ASR وهوالنظام الذى يمنع دوران العجل على الفاضى عند التسارع على ارض مزحلقة - ثلج مثلا - وله زر ابطال تحت الدركسيون كما فى الصورة فى الكتالوج (غير موجود ايضا )
3-نظام مراقبة ضغط الهواء فى الاطارات هل هو موجود فعلا!!
4- نظام اغلاق ابواب السيارة من الداخل والخارج -كما ذكر ضغطتين على زر الغلق فى الريموت- يغلق الابواب من الداخل والخارج عشان لا احد يفتحها عند كسر الزجاج من الداخل-
وهذا النظام غير موجود فى السيارة او غير مفعل ( الله اعلم)
5- هل المرآة بتاعة الصالون فعلا electrochrome بمعنى انها تعتم عند النور المبهر القادم من السيارات الى خلفك؟
هذه بعض ملاحظاتى من اول يوم ركبتها فيه
والعربية لازم تكون راكبها جنب التوكيل وهى مصصمة للشعوب والاجواء والطرق والقوانين الاوروبية وليست مناسبة بتاتا لمصر وطرقها وجوها وقوانينها وهى عربية عظماء لو عطلت يديها للسواق يوديها التوكيل ويركب هو العربية التانية وانا بفكر ابيعها تانى لهذه الاسباب
شكرا د.محمود المنيا

أولا:فعلا السيارة ثباتها و تسارعها رائع جدا و أنا جبت بيها 210 كم/ساعة .

ثانيا: الكلاكس بتاعا فردة واحد كعادة السيارات الفرنساوى

ثالثا : غير موجود نظام مراقبة ضغط الهواء لكن ممكن تركبه فى التوكيل فى حدود 2.000 جم.

رابعا: لا يوجد نظام electrochrome فى العربية.

خامسا: العربية تحفة و مش لازم تكون ساكن جنب التوكيل علشان إن شاء الله مافيش حاجة حتعطل هو معظم اللى جابوها كانوا منبهرين من التكنولوجيا اللى فيها و كانوا بيخافوا زيك كده لكن بمرور الوقت تأكدوا إن العربية تحفة و لا يوجد بها أعطال

سادسا : ما تقلقش لإن فيه نمرة اللى هية 16202 دى نمرة الكول سنتر و شغال 24 ساعة أنا ليه واحد صاحبى كان الساعة 2 باليل و هو طالع من المطعم اللى كان سهران فيه جى يشغل العربية ماشتغلتش كلم الكول سنت و جولوا و قالولوا دى بطارية و سحبوا العربية على التوكيل و قالولوا تعالى الصبح إستلمها و فعلا إستلمها الصبح و غيرولوا البطارية ببلاش و كان نفس الموقف دا حصل معايا فى مارينا السنة اللى فاتت و جالى مهندس من فرع التوكيل فى الأسكندرية و غيرولى البطارية و أنا واقف و ببلاش يعنى من الأخر ماتقلقش نهائى العربية زى الفل و التوكيل بتاعها رائع و فى أى وقت تلاقيه جاهز.

المشاركة الأصلية كتبت بواسطة tandeshaker

الف مبروك يا باشا ويديلك خيرها يا رب
و علشان التوكيل عارف ان ما ينفعش تفتح الكبوت بره عمل خدمه عملاء 24 ساعة وعلى فكره فعلا بيجوا لغايه عندك وبسرعة وده في اي مكن نمرتهم :16202
والتوكيل الى يعمل كده يكون توكيل محترم وعلى فكره هما عندهم 2 محطه خدمه واحده في المقطم والثانيه في مدينه العبور
بس فعلا العربيه محترمه جدا ووسعه جدا من الداخل وفيها كماليات لو موجوده في اي عربيه هتكون غليا جدا
ومن وجهه نظري بلاش تبيع العربيه علشان الحاجات الي انت قلتها ديه لان مفيش عربيه كامله . الكمال لله وحده
ومبروك مره تانيه

كلامك مظبوط يا باشا و بأيد كلامك دا

المشاركة الأصلية كتبت بواسطة karim_monir

انا شايف انك خدت عربيها فيها كفاءة وكماليات عربية جيتا او باسات بتمن اقل
وعمر افتارضي اقل الا لو احسنت اليه وخليتك مع التوكيل
وانا ليا صديق مهندس اتصالات وعملة بيخلية دائم التنقل في كل محافظات مصر وممكن يعمل اكتر من 50 الف في السنة
هيا معاه موديل 2005 وقاللي عربية روعة ومش بفكر ابيعها ابدا رغم انه قبلها كان راكب بورا الا انه بيشكر فيها جدا جدا

فعلا يا كريم باشا كل اللى معاه العربية دى معجب بيها جدا و معظم اللى باعوها باعوها خوفا من الإشاعات اللى عليها

شكرا يا أعزائى على الردود والنصائح وقد اثلجت صدرى عندما قلت ان ضمانها 3 سنوات مش سنتين

يا باشا لا شكر على واجب عربية حضرتك لو موديل 2006 يبقى ضمانها 3 سنوات و ممكن تتأكد من التوكيل كمان


.

اكتشفت ايضا ان بها نظام Anti - pinch facility ( عند رفع زجاج السيارة وتصادف وجود عائق مثل يد طفل مثلا يتوقف رفع الزجاج وينزل بضع سنتيمترات لتحت ويسرى على فتحة السقف ايضا وجرب ذالك بقطعة كارتون)

فعلا دى موجودة فى كل الميجان

ايضا وجدت ان النظام الفتيس اليدوى يمكن اهدئ به العربية بدون الضغط على الفرامل باعطاء غيارعكسى وذلك يخفف الحمل عن الفرامل شويه

دى إحدى مميزات الفتيس التبترونيك

هل يمكن جعل الساعة بنظام 12 ساعة بدلا من ال 24 ساعة الموجود ؟

بصراحة مجربتهاش :)

هل يمكن وضع جهاز انذار فى السيارة يعمل مع الكارت بتاعها ؟

ممكن وضع جهاز إنذار لكن معرفش ممكن على الكارت و لا لأ ممكن تسأل التوكيل

ما هى تكاليف تركيب سنسور فى التوكيل؟

فى حدود 700.00 جم

كتيب الضمان لا يوجد به كود الكاسيت , فقط فى اول صفحة يوجد تكت عليه ارقام وحروف كثيرة ومكتوب جنبها يدويا بالجاف كود كاسيت , أين أجد الكود؟

ما هو حضرتك لقيته مكتوب يدويا بالجاف :)

ما هو ثمن الكارت لو لا قدر الله فقد او اتكسر ؟ سمعت عنه ارقام فلكية واشاعات مغرضة وأبحث عن حقيقة ثمنه

تمن الكارت فى التوكيل 1400.00 جم يعنى تقريبا نفس أسعار المفتاح المشفر فى العربيات الجديدة