المشاركة الأصلية كتبت بواسطة samirayad
الله يخليك يا أسامه باشا وياباشا ضيف براحتك
وأنا فعلا بأحب التحاور معاك بجد
أعتقد ال A/F RATIO ده دور حساس الO2
:S_thum1[1]:
ده تمام لما بحس الماب فعلا بقيمة التخلخل بعد بوابة المحرك
ويودى أشاره لوحدة التحكم معبره عن قيمة التخلخل
هى بتعرف السواق دايس على الأكسراتير قد أيه
يعنى بتعرف الحمل المطلوب من المكنه فى الوقت ده وبالتالى بتتحكم فى زمن أرسال الشراره الى البوجيهات لضبط نغمة الحريق بقدر الأمكان ENGINE TUNNING
دى غريبه فعلا عليا وأزاى وحدة التحكم حتتحكم فى شدة الشراره المنتجه فى البوبينا
فهل خط أنتاج البوبينا رايح لها وبعد كده هى بتتحكم فيه
بس ده صعب على أساس أنه فولت عالى جدا وممكن تشيع منه
ولا بتتحكم(أى وحدة التحكم ) فى فولت البطاريه اللى رايح للدايره الأبتدائيه للبوبينا
بحيث تقلله عن 12 فولت (حسب الحمل اللى قادم أليها فى صورة أشاره من الماب أو الماف مثلا )
وطبعا لما حتقلل الداخل للبوبينا (حسب الحمل ) خرج البوبينا حيقل برضه
بصفة العلاقه بين الداخل والخارج من البوبينا (مع أعتبارها كمحول كهربى )
أعتقد التفسير الأخير ده منطقى شويه
وشكرا على المداخله
أسامه باشا
وبأحييك على المناقشه البنائه