الموضوع: اسطوانة الدبرياج

السلام عليكم
الدبرياج عندى ثقيل جدا و مؤخرا النقلات مش سهلة ( صوت نخع ) المهم رحت عند الباشا الميكانيكى قالى لازم يتم تغيير أسطوانة الدبرياج و الدسك و الرلمان بلى , بس الباشا مش فاضى فهل أمشى بالعربية عادى ولا فى خطر على أجزاء الجير بوكس ؟
تانى حاجة قلى ثمن هذه الأجزاء 750 جنية , فهل السعر معقول بالنسب’ لأبيزا 99 ولا مغالى فيها ؟
شكرا و أسف للاطاله

الاسطوانه لو بايظه ممكن انت تعرفها ازاي..؟؟؟؟
هات الفتيس علي الغيار الرابع و حاول تطلع بالعربيه لو طلعت و مشيت يبقي كده الاسطوانه سليمه ولو بطلت يبقي كده الاسطوانه انتهت بس ما تعملش الحركه دي كتير

لأ أنتهت :? طيب لو مشيت بيها هل يؤثر على أجزاء الجيربوكس ؟؟؟

يا باشا انا من كلامك كدة فهمت انها مش مشكلة طقم دبرياج خالص لان مشكلة الطقم بتظهر فى احدى هذة الحالات :
1- لو فى الطلعة الاولانى بتلاقى العربية بترعش جامد جدا (مشكلة ديسك )
2- جرب تطلع من الثبات على السرعة الرابعة علطول من غير اول ولاتانى ولاتالت لو لقيت العربية مش بتطلع يبقى فى مشكلة (مشكلة اسطوانة دبرياج)
3-وانت فى الثبات (سلانسية) جرب دوس على الدبرياج لو لقيت صوت الماتور بيتغير عندما تضغط وتسيب على الدبرياج تبقى فى مشكلة (مشكلة بلية)

وبكدة افتكر ان مشكلتك فى النخع اللى بتسمعة ايما زيت الفتيس ناقص او نوعيتة غير نظيفة او ان فى مشكلة فى الفتيس نفسة

الميكانيكى قام بتعلية الدبرياج ما بقاش ينخع بس بيلقط متأخر أوووى
و أنا لسة مغير سلك الدبرياج قريب لأنة أنقطع :?
جربت موضوع الغيار الرابع و العربية طلعت ما بطلتش يبقى كدة أيه ؟؟

شكرا للافادة :) بجد منتدى رائع