اسطوانة الدبرياج

**Ahmad** · 03-09-2007 04:22 PM

أحب أزود حاجة كمان لأني تعرضت لها .
خلي الميكانيكي يكشفلك علي دواسة الدبرياج نفسها من داخل الصالون.
أنا كان عندي ثقل في الدواسة, و بعد الميكانيكي غير طقم الدبرياج, لقيت الدواسة ما زالت ثقيلة جدا.
قام الميكانيكي فك الدواسة من جوة الصالون, لقي في أجزاء فيبر يمكن أو حاجة كدة مكسورة و تعيق حركة الدواسة. قمت عملت عند الخراط بديل للجزء المكسور و ركبتها و الدواسة أصبحت خفيفة جدا مثل السيارات الزيرو.

**Nile Heart** · 03-09-2007 11:11 PM

انا العربيه عندى بترعش عند بدء التحرك بس لما العربيه بتكون سخنه (وهى بارده لا تحدث المشكله دى). انا عارف انها مشكلة ديسك وانا ناوى اغير طقم الدبرياج كله

سؤالى هو ما هى مدى خطوره تاجيل الخطوه دى بضع شهور علمآ بأن الموضوع ده بدآ يظهر من حوالى 4-5 شهور؟ انا على فكره 80% من سواقتى على السريع يعنى استهلاك الدبرياج بسيط والعربيه عامله 92 الف

شكرآ شباب

**Abdallah** · 03-09-2007 11:44 PM

يبقى اعمل حسابك على اسطوانة مع الديسك

**hazem_khidr** · 04-09-2007 03:59 AM

يبقى اعمل حسابك على اسطوانة مع الديسك

و بالمره غير البليه كمان

**Nile Heart** · 04-09-2007 07:32 AM

شكرا عبد الله وحازم باشا

انا بالفعل ناوى على طقم دبرياج جديد بالكامل مره واحده عشان وجع القلب

بس انا عايز اعرف اقدر استنى كده قد ايه؟ وايه العلامات اللى تخللينى اروح اغير فورآ؟

**hazem_khidr** · 04-09-2007 01:25 PM

بس انا عايز اعرف اقدر استنى كده قد ايه؟ وايه العلامات اللى تخللينى اروح اغير فورآ؟

العفو يا باشا علي ايه.
لو استعمالك هادي بالعربيه يعني بتعامل العربيه براحه ممكن تستني عادي لحد ما العربيه ما تتحركش و تكون الاسطوانه انتهت تماما :)
اما لو بتسوق باسلوب عصبي يبقي الاحسن انك تغير علشان ما تأثرش علي الموتور.

**شريف** · 04-09-2007 07:01 PM

العفو يا باشا علي ايه.
لو استعمالك هادي بالعربيه يعني بتعامل العربيه براحه ممكن تستني عادي لحد ما العربيه ما تتحركش و تكون الاسطوانه انتهت تماما
اما لو بتسوق باسلوب عصبي يبقي الاحسن انك تغير علشان ما تأثرش علي الموتور.

ممكن يا حازم باشا توضح لية الارص على العربية مع الاسطوانه و الديسك مش بيقفلوا على بعض كويس ممكن ياثر على الموتور (عشان التسقيف ولا اية)

انا العربيه عندى بترعش عند بدء التحرك بس لما العربيه بتكون سخنه (وهى بارده لا تحدث المشكله دى). انا عارف انها مشكلة ديسك وانا ناوى اغير طقم الدبرياج كله

مش ممكن تكون مشكلة كهرباء (احتمال الاسطوانه و الديسك اكتر بس ممكن تكون مشكلة كهرباء )

**tmz9111** · 04-09-2007 07:21 PM

معلومات رائعة

**hazem_khidr** · 04-09-2007 07:43 PM

ممكن يا حازم باشا توضح لية الارص على العربية مع الاسطوانه و الديسك مش بيقفلوا على بعض كويس ممكن ياثر على الموتور (عشان التسقيف ولا اية

مش قادر افهم ايه المقصود.بس عموما لما تبقي الاسطوانه تعبانه و العربيه ما بتسحبش ف دا بيحمل علي الموتور لكن لازم برضه تبقي رجلك حساسه و ما تعليش صوت العربيه اوي يعني تنقل عند 4 علي ال rbm مش تزود اوي و بكده تمسك العصايه من النص

**Nile Heart** · 05-09-2007 08:10 AM

الف شكر ياحازم ربنا يكرمك

انا فعلا سواقتى معقوله جدا وما بقرصش على الموتور الا نادرآ.. وكمان 80% من سواقتى على طريق سفر

على أى حال انا ناوى أغيره فى أقرب فرصه