جدل حول البيجو 305

**el3awaam** · 24-03-2009 05:59 AM

انا اللى انا شايفة بقى انه فعلا زى ما انت نويت للموضوع من عنوانه
(جدل حول بيجو 305 ).
و انه جدل و خلاص .
انت فى الاول كنت بتاخد رأى الناس و دلوقتى زعلان ان الناس بتقول رأيها .و عاوز الناس توافق رأيك انت .!!!

و مجعلتش الكلام فيه مرونه ....!!!
و بعدين الصراحه ماتزعلش اوى كدة..
انت نفسك اعترفت ان ال305 تعتبر اقل منتجات بيجو (هنا فى مصر).
و الناس ماقالتش انها عربيه و حشه لاسمح الله .
كل اللى اتقال انها قطع غيارها مش متوفره .
و انت بنفسك اللى قايل مش كل الصنايعيه اللى بتفهم فيها...
و قطع غيارها غاليه.
طيب انا اجيب عريبه تعذبنى بين الصنايعيه كل واحد يخرف فيها شويه.
لغايه ملاقى الباشمهندس اللى يظبطها...!!!!!؟؟
و ادور على قطع غيارها و ملاقيهاش الا عند فلان و فلان بس....!!!؟؟
و هو ده اللى مخلي الناس مش حباها...
ايه المشكله هنا بقى..؟؟؟
انا شايف ان الموضوع كدة جاب اخره و كتر الكلام فى الموضوع ده هيسبب مشاحنات ..

و طالما العربية ماشية معاك زى الفل و انت معاك تصرف عليها .و لاقيت الصنايعى التمام اللى بيظبطها.
يبقى انت كدة حليت مشاكل العربية .و مافيش مشكله بالنسبالك و العربية كده تمام..
و ربنا يباركلك فيها و يكفيك شرها.....أمين

**amr mokhtar** · 26-03-2009 03:38 PM

يا أستاذ el3awaam مفيش جدل و لا مشاكل إن شاء الله
انا كان غرضى من الموضوع ده هو معرفة جودة هذه السيارة اللى ناس كتيييير و انا منهم مكنش عندى عنها اى علم غير كلام من بعض الناس إنها عربية سيئة

الحقيقة بعد المشاركات اللى شفناها من الأعضاء ملاك العربية عرفت إيه هى عيوبها و إيه هى مميزاتها
انا شايف من وجهة نظرى ان الموضوع كان مفيد

على العموم يا ريت نخلى الكلام على الهادى و مفيش داعى للعصبية

**زهير فكري** · 26-03-2009 07:34 PM

مع احترامي لكلام الاستاذ هشام , الا انه حاسبها من ناحيه اقتصاديه
( بحته) , البيجو سياره محترمه و كل طراز انتج منها استهدف شريحه استهلاكيه معينه زيها زي اي ماركه تانيه , و مش من الانصاف انها تتقارن بموديلات البيجو التانيه سواء الفئه الاقل او الفئه الاعلي , كل موديل له عيوبه و مميزاته , حتي المرسيدس في منها موديلات لم تلقي النجاح المطلوب . و شيء طبيعي ان كل واحد يدافع عن عربيته لانها بتمثل فكره الشخصي يعني لما حضرتك اشترتها فكرت كتير و توكلت علي الله بعدها , و انا شايف ان حضرتك تنظر الي الناحيه الاقتصاديه و تكاليف التشغيل ان تكون اقل و يكون معك وسيله ركوب تحميك و اسرتك من متاعب المواصلات و تجدها عند الضروره . ده تفكير سيادتك و لااختلف معك فيه , فيه واحد تاني عايز عربيه بها اعلي معدلات الامان و تمتاز براحه الركوب لانه دايما علي سفر دون النظر لتكاليف التشغيل , ده تفكير و زي ما قلنا لولا اختلاف الاذواق لبارت السلع .

**hesham_shousha** · 26-03-2009 08:36 PM

المشاركة الأصلية كتبت بواسطة ZOZODERAZ

مع احترامي لكلام الاستاذ هشام , الا انه حاسبها من ناحيه اقتصاديه
( بحته) , البيجو سياره محترمه و كل طراز انتج منها استهدف شريحه استهلاكيه معينه زيها زي اي ماركه تانيه , و مش من الانصاف انها تتقارن بموديلات البيجو التانيه سواء الفئه الاقل او الفئه الاعلي , كل موديل له عيوبه و مميزاته , حتي المرسيدس في منها موديلات لم تلقي النجاح المطلوب . و شيء طبيعي ان كل واحد يدافع عن عربيته لانها بتمثل فكره الشخصي يعني لما حضرتك اشترتها فكرت كتير و توكلت علي الله بعدها , و انا شايف ان حضرتك تنظر الي الناحيه الاقتصاديه و تكاليف التشغيل ان تكون اقل و يكون معك وسيله ركوب تحميك و اسرتك من متاعب المواصلات و تجدها عند الضروره . ده تفكير سيادتك و لااختلف معك فيه , فيه واحد تاني عايز عربيه بها اعلي معدلات الامان و تمتاز براحه الركوب لانه دايما علي سفر دون النظر لتكاليف التشغيل , ده تفكير و زي ما قلنا لولا اختلاف الاذواق لبارت السلع .

الحقيقه : كلامك عجبنى جدا ولخص حاجات كتير عايز أقولها
بس عايز أضيف عليه حاجه
الموضوع ماهوش حرب ولا دفاع عن عربيه معينه
لإنى فى الحقيقه باكره كل العربيات بلا إستثناء لإنها من إنتاج ( أعداؤنا المحتلون القدامى ) , ولا يشرفنى أن أدافع عن منتجات هؤلاء القوم , كما يحزننى بشده ويعتصر قلبى الشديد من الألم أن بلادى لا تستطيع إنتاج سياره واحده أستطيع أن أتكلم عنها وأدخلها هذه المقارنه
لكن فى كلامى كله هو تحليل للأسباب اللى تخلينى أستخدم هذه السياره عن غيرها والتى بالطبع أسباب ترجع إلى ظروف المعيشه الإقتصاديه الصعبه فى مصر وترجع إلى كيف يفكر المواطن المصرى إنه ( يمشى ) أموره بالموارد المحدوده التى يمتلكها
والحقيقه الغايبه عن الكثير من قراء كلامى - إن اللى ساعدنى كثيرا على تشغيل هذه السياره إن من أكبر هواياتى هى ميكانيكا السيارات ( والتنطيط والجرى على صيانه السياره عند الميكانيكيه والكهربائيه وغيرهم )
فأنا باحب مشوار الميكانيكى وأى مشوار خاص بصيانه العربيه , وأحب أقف على إيده وأتابع كل مسمار بيفكه أو يركبه - وفى ذاكرتى كل شئ تم على هذه السياره وكل ميكانيكى عمل فيها ايه وغلط فى ايه أو صلحه كويس امتى
والهوايه دى موش موجوده عند ناس كتير وبالتالى عربيه ذى دى موش مناسبه ليهم وأحسن لهم عربيه سهله فى الصيانه زى كادر السيارات الفيات أو أى سياره على الزيرو
لكن أنا باعتبر إننى نجحت نجاح كبير فى التمكن من توفير خدمه توفير سياره جيده ونظيفه وقويه ومشرفه لأسرتى المتواضعه بأقل التكاليف وبالتالى وفرت إستثمارات موجوده عندى لغرض أخر ( والحمد لله ربنا كارمنى وممكن أجيب بيجو 307 على الزيرو لو حبيت ) وذلك بالإستفاده من هوايه حب ميكانيكا وإصلاح السيارات الموجوده عندى
وعشان كده بأعتبر أى حد بيشترى عربيه على الزيرو ( ظروفه الماديه نص نص ) إنه إنسان فشل فى المحافظه على موارده الماليه

**walids** · 27-03-2009 01:20 AM

المشاركة الأصلية كتبت بواسطة hesham_shousha

الحقيقه : كلامك عجبنى جدا ولخص حاجات كتير عايز أقولها
بس عايز أضيف عليه حاجه
الموضوع ماهوش حرب ولا دفاع عن عربيه معينه
لإنى فى الحقيقه باكره كل العربيات بلا إستثناء لإنها من إنتاج ( أعداؤنا المحتلون القدامى ) , ولا يشرفنى أن أدافع عن منتجات هؤلاء القوم , كما يحزننى بشده ويعتصر قلبى الشديد من الألم أن بلادى لا تستطيع إنتاج سياره واحده أستطيع أن أتكلم عنها وأدخلها هذه المقارنه
لكن فى كلامى كله هو تحليل للأسباب اللى تخلينى أستخدم هذه السياره عن غيرها والتى بالطبع أسباب ترجع إلى ظروف المعيشه الإقتصاديه الصعبه فى مصر وترجع إلى كيف يفكر المواطن المصرى إنه ( يمشى ) أموره بالموارد المحدوده التى يمتلكها
والحقيقه الغايبه عن الكثير من قراء كلامى - إن اللى ساعدنى كثيرا على تشغيل هذه السياره إن من أكبر هواياتى هى ميكانيكا السيارات ( والتنطيط والجرى على صيانه السياره عند الميكانيكيه والكهربائيه وغيرهم )
فأنا باحب مشوار الميكانيكى وأى مشوار خاص بصيانه العربيه , وأحب أقف على إيده وأتابع كل مسمار بيفكه أو يركبه - وفى ذاكرتى كل شئ تم على هذه السياره وكل ميكانيكى عمل فيها ايه وغلط فى ايه أو صلحه كويس امتى
والهوايه دى موش موجوده عند ناس كتير وبالتالى عربيه ذى دى موش مناسبه ليهم وأحسن لهم عربيه سهله فى الصيانه زى كادر السيارات الفيات أو أى سياره على الزيرو
لكن أنا باعتبر إننى نجحت نجاح كبير فى التمكن من توفير خدمه توفير سياره جيده ونظيفه وقويه ومشرفه لأسرتى المتواضعه بأقل التكاليف وبالتالى وفرت إستثمارات موجوده عندى لغرض أخر ( والحمد لله ربنا كارمنى وممكن أجيب بيجو 307 على الزيرو لو حبيت ) وذلك بالإستفاده من هوايه حب ميكانيكا وإصلاح السيارات الموجوده عندى
وعشان كده بأعتبر أى حد بيشترى عربيه على الزيرو ( ظروفه الماديه نص نص ) إنه إنسان فشل فى المحافظه على موارده الماليه

بشمهندس هشام ، بجد بدون مجاملة والله ، أعجبني جداً طريقة تفكيرك بخصوص العربيات و حسبتك البحتة

**زهير فكري** · 27-03-2009 08:49 AM

بس احب انبه علي شيء مهم نسيت اقوله . انه ما ينفعش نقارن سياره من 20 سنه مثلا بسياره زيرو و نقول الزيرو اقل جوده و ان القديم زي الحديد و يخبط في الحيط و يرد تاني الكلام ده من الناحيه الفنيه خطأ !!
السياره صناعه معقده و تقام عليها اقتصاديات الدول و يتولاها مؤسسات قويه تضم صفوه العقول الاداريه و الفنيه , يعني اذكر مثلا انه قيل ان السيارات الجديده الصاج بتاعها ضعيف( مقارنه بالجديد ) و في الحوادث لا تحمي ركابها, فثبت بالتجربه ان الفلسفه القديمه في التصميم و التي تعتمد علي استخدام الفولاذ القوي يضر بل ينقل الصدمه الي مقصوره الركاب اما اذا جعلنا المقدمه ( كما في السيارات الحديثه) اقل في نسبه الفولاذ ( عن السابق ) فده يجعلها تمتص جزء من الصدمه و تشتتها بعيدا عن مقصوره الركاب بعض الشيء !!! ده بخلاف الابداعات التكنولوجيه في زياده معدلات الامان التي تتحفنا بها السيارات الالمانيه و السويديه .
يعني وجه المقارنه هنا غير عادل و لا يصلح ان نقول انه يتساوي شخصان احدهما اشتري سياره ب 30000( مستعمله) الف مثلا و التاني 120000 الف ( زيرو) و نقول انهم اتساوو في الآخر !!! لو جينا حسبناها و عملنا مقارنه بسيطه ظاهريه بين سياره ياباني قديمه من 20 سنه و سياره تانيه ياباني من نفس الماركه ( زيرو) و عملنا استطلاع علي المواصفات الفنيه هنلاقيها لصالح التانيه ( الزيرو) , تكاليف التشغيل ( بنزين خلافه , قطع غيار ) لصالح الزيرو و ليس المستعمل ! ليه؟ لان ببساطه المستعمل احنا بنفرح ونحطله بنزين 80 و نقول رخيص. و الجديد 90 و نقول ده غالي لكن 80 بيبقي في شوائب و استهلاك السياره ( القديمه) بيبقي كتير نظرا لحاله الموتور طبعا ده غير تلوث البيئه و متاعبه الاقتصاديه المعروفه , يعني انا شايف انه علي المدي الطويل المقارنه لصالح الزيرو علي جميع الاصعده , نيجي لنقطه الاعطال و اعتماديه السياره بين المستعمل و الزيرو , لو المشتري يعتمد اعتماد كلي علي السياره و يتحرك بها كثيرا طبعا المستعمله مش هتسعفه و هتبقي اعطالها كثيره و لا يمكن الحصول علي اعتماديه تعادل الزيرو الا في حاله تفكيك السياره بالكامل و عمل فحص لكل جزء و تغييره اذا استلزم بالجزء الاصلي ده لو توافر ! طبعا الحل ده غير عملي و هيستهلك وقت و جهد رهيب و النتيجه غير مضمونه .
الخلاصه . المستعمل نلجأ اليه اذا استدعت الضروره و الحاجه الاجتماعيه و ايضا اذا كانت اول تجربه لقياده السياره و التعامل معها مصاحبا لعدم توافر الامكانات الماديه المطلوبه و تصبح مرحله انتقاليه و لما ربنا يكرمنا و نقدر نشتري زيرو علي حسب الامكانيات ايضا لا نتردد . دي وجهه نظري و ارحب بالنقاش و النقد . و شكرا

**ams** · 27-03-2009 04:11 PM

ال 305 كانت عندنا على مدار 10 سنوات
مميزاتها :
اعتمادية جيده جدا
اوسع من العربيات فى نفس تمنها و شكلها حلو
قوية بالنسبة لعربيات جيلها تقريبا 75 حصان موديل 80 1500cc
عيوبها :
اكبر عيب هو غلو قطع الغيار و ندرتها نسبيا حاليا (و غيرنا لها فارغة موتور و ووش السلندر و عملنا عمره ده غير الاجزاء اللى بتحتاجها-قطع الغيار معمره ) وده سبب بيعها مش معقول ادفع حوالى سدس تمن العرية فى السنة للصيانة
مفيهاش وسائل راحة (اوبشنز) التى تتماشى مع هذه الايام

-بعد 120كم\ساعة بتبقى ريشة فى مهب الريح وانا مش شايف ان ده عيب

**ams** · 27-03-2009 04:26 PM

المشاركة الأصلية كتبت بواسطة hesham_shousha

والهوايه دى موش موجوده عند ناس كتير وبالتالى عربيه ذى دى موش مناسبه ليهم وأحسن لهم عربيه سهله فى الصيانه زى كادر السيارات الفيات أو أى سياره على الزيرو

لكن أنا باعتبر إننى نجحت نجاح كبير فى التمكن من توفير خدمه توفير سياره جيده ونظيفه وقويه ومشرفه لأسرتى المتواضعه بأقل التكاليف وبالتالى وفرت إستثمارات موجوده عندى لغرض أخر
وذلك بالإستفاده من هوايه حب ميكانيكا وإصلاح السيارات الموجوده عندى
وعشان كده بأعتبر أى حد بيشترى عربيه على الزيرو ( ظروفه الماديه نص نص ) إنه إنسان فشل فى المحافظه على موارده الماليه

المشاركة الأصلية كتبت بواسطة ZOZODERAZ

الخلاصه . المستعمل نلجأ اليه اذا استدعت الضروره و الحاجه الاجتماعيه و ايضا اذا كانت اول تجربه لقياده السياره و التعامل معها مصاحبا لعدم توافر الامكانات الماديه المطلوبه و تصبح مرحله انتقاليه و لما ربنا يكرمنا و نقدر نشتري زيرو علي حسب الامكانيات ايضا لا نتردد . دي وجهه نظري و ارحب بالنقاش و النقد . و شكرا

انا شايف ان رايكما واحد وهو على حسب حاجتى باحدد اللى هادفعه فى المنتج

و دى بتختلف بين واحد و التانى
يعنى مثلا ايه الفرق بين انى اشترى شقة بالدفع فورى مثلا ب100 الف او اجر نفس الشقة ب300 مثلا فى الشهر
انا شايف انه الامان و الاستقرار لما تبقى قاعد فى حاجة ملكك
يعنى لو واحد اهم حاجة عنده الاستقرار والامان و عاوز يشترى راحة باله بعيدا عن الخلافات بين المالك و المستأجر هيشترى تمليك طبعا

نفس الكلام عالمستعمل والزيرو فى العربيات

يعنى لو فى واحد بيحب ميكانيكا العربيات هيستمتع فعلا بان فى عطل فى السيارة وهو يقدر يصلحة

و ده الفرق بين التمنprice والقيمة value
التمن : هى الفلوس اللى بطلعها للحصول عالمنتج او الخدمة
القيمة : هى الفايدة اللى راجعه عليا من المنتج او الخدمة

مثلا لو اخدنا علبة سجاير تمنها وليكن 7 جنيه
فى واحد مدخن شره بيحب يدخن جدا تكون قيمة العلبة دى عنده اكتر من 100 جنية
و واحد تانى غير مدخن شايف انها مدمره للصحة و بيكرهها هتكون قيمتها عنده يالسالب يعنى لو اديتله فلوس ممكن مايخدهاش برضه

**sohagy** · 09-04-2009 09:43 PM

نقدر نستخلص من مشاركات الأعضاء الأعزاء
أن الـ 305 سيارة جيدة اذا استطعت ، تحصل علي قطع غيار متوفرة وبأسعار معقولة وميكانيكي شاطر ومتخصص فيها

وبالنسبة لتجربتي مع الـ 305 في سوهاج اقدر اقول ان كل ده متوفر ما عدا الميكانيكي الشاطر وعلشان ما اظلمش الميكانيكي بتاعي هو كويس بس مش متخصص