تعمل إيه لو إشتريت سيارة و لقيت بصمة الموتور مختلفة عن الرخصة !!

**khater87** · 05-03-2009 10:03 PM

المهم ياجماعه انا عامل الموضوع ده فعلا .
علشان نبقي صاحين لاي حد
فنصيحه مني لاي حد هيشتري عربيه وبالذات لو فيها توكيل او من تاجر
ياريت تأخد وتطمن من البصمه وبالاخص الموتور لانه هو المعرض انه يتغير .
ده غير ان احب اطمنكوا ان انا سألت انه لو اتعمل محضر بالموضوع ده ...الشخص الي بايع العربيه هيتضر جدا جدا ...ومش بعيد تبقي تزوير ويلبس اكتر من قضيه لان للاسف الموضوع ده انتشر جدا ..
ربنا يسترها معانا كلنا وإن شاء الله اقولكوا علي اخر الاخبار

**samirayad** · 05-03-2009 10:10 PM

وطبعا ما اختلفناش على ان اللى باع له العربيه نصاب

بدون شك ده نصاب كبير

ومن حقه يدعى عليه بس مش هيعرف يشتكيه لانه ماضى على انه عاين السياره معاينه نافيه للجهاله

أبقى قابلنى لو مشى وراء موضوع نافيه للجهاله وخد حاجه غير مصاريف على الفاضى

يا باشا انا قصدى انه هيدفع هيدفع

من الناحيه دى أطمن حيدفع فى كل الأحوال.....يبقى خليها بالمره

لاء يدفع ويستفاد بموتور تانى

أنت عارف لو عمل زى مابتقول وأشترى موتور تانى ....مش حيبيع اللى عنده الا يمكن ب500 جنيه......كلمت خد (أنت عارفها )

احسن ما تروح لواحد مرتشى وقليل الذمه والضمير

دول أكتر من الهم على القلب

لاننا كده بنشجع الحراميه والمرتشين وبنرجع نشتكى

هما محتاجين تشجيع دول معلمين كبار ياريس

يعنى خلى الرشوه دى اخر حل

ما أحنا قلنا قبل كده فى الزمن ده أسمها مش رشوه ....دى العصايه السحريه فى زمن الفن الجميل

**samirayad** · 05-03-2009 11:41 PM

ده غير ان احب اطمنكوا ان انا سألت انه لو اتعمل محضر بالموضوع ده ...الشخص الي بايع العربيه هيتضر جدا جدا ...ومش بعيد تبقي تزوير ويلبس اكتر من قضيه لان للاسف

ولا حينضر ولا حاجه.........بسهوله حينكر وقت الساعه ويقول أنا بايع لهم العربيه عشره على عشره............أنت ناسى نص القانون.......وبصراحه أستحى من أن أكمل المقصود......

**khater87** · 05-03-2009 11:44 PM

وصلت
القانون لا يحمي المتعلمين
صح

**samirayad** · 05-03-2009 11:51 PM

القانون لا يحمي المتعلمين

مش بقولك أنت أستاذ كبير......أمال الروقان والفرفشه دى ببلاش...............ماهو لازم الرقص دا كله يطلع ناس مصحصحه

**Hany A Fattah** · 06-03-2009 12:11 AM

الحل الاسهل انه يشترى فارغه ماتور بورقها وينقل فيها باقى الموتور بتاعه
والاسهل من كده كمان اى محل استيراد فى بورسعيد يديله ورق وده حل ارخص كتير

**samirayad** · 06-03-2009 10:28 AM

أو تتصرف في المرور سواء بمعرفه او بطرق اخرى حد يدورلك على الافراج لانه موجود عندهم والعثور عليه حياخد وقت لكن مش مستحيل.

خللى بالك حته طرق أخرى دى مش عاجبه ناس (وفعلا لازم الطرق الأخرى ).......

**msobhy** · 07-03-2009 09:31 AM

اللهم لك الف حمد والف شكر
نفس الموقف حصل معايه / وبالمناسبة ناس محترفة كانت واقفه وانا باشترى العربية ومحدش اخد باله
كنت بشترى لانسر والعربية كانت بجد بسعر تحفة لدرجة انى بدأت اشك فى الموضوع
الاول جبت ناس تبص على العربية الكل يقول العربية ممتازة
روحت عند واحد قريبى فى شركته ميكانيكى شاطر جدا قعد يقلب فى العربية بدون مبالغة ساعة كاملة وفى الاخر قال العربية زى الفل (العربية كانت نازلة عن ثمنها 6000 جنية تقريبا او 7000 كمان)
روحت البنزينة ورفعت العربية الناس بتقول العربية زيرو طيب وكبس الموتور قالوا ولا الزيرو كبس الموتور 85%
نسيت اقول لكم انى كنت بشترى من معرض
المهم توكلت على الله وجت اخلص صاحب المعرض قالى بمنتهى الادب والاخلاق ان معاه توكيل من صاحب العربية تحب انا اللى ابيع لك ولا صاحب العربية نجيبه ونخلص على طووووول
طبعا انا مش باشترى بتوكيلات خالص وقلت له لأ لازم صاحب العربية قال خلاص لازم تدينى 5000 مقدم ونكتب عقد ابتدائى
طبعا انا رفضت وقلت له انا بشترى فى الشهر العقارى واخلص وارخص باسمى فى ساعتها
الراجل اول لما سمع كده وشه جاب الوان وقال خلاص على ميعادنا بكره
اكلمه مختفى
اروحله المعرض العربية موجوده لكن هو مش موجود
فى النهايه قلت خلاص العربية ديه فيها حاجة ومليش نصيب فيها
بالصدفة البحتة اكتشفت ان واحد دكتور جار اختى اشترها بسعر اقل من اللى انا كنت هاشترى بيه وقالوا له ان صاحب العربية مزنوق جدا ومحتاج فلوس حالا واكتشف موضوع ان الموتور مش بتاعها والكلام ده
واللى عرفته انه ما أخدش ولا حق ولا باطل من المعرض
النصيحة لأى شخص يدخل فى الموضوع ده انك تشترى بلوك موتور بورقه وتركب فيه الموتور بتاعك (لازم ميكانيكى محترف بالاضافة انه يكون عارف انواع المواتير كلها مش شغال بالشكل )
اعتذر للأطاله

-

الموضوع: تعمل إيه لو إشتريت سيارة و لقيت بصمة الموتور مختلفة عن الرخصة !!

LinkBack

أدوات الموضوع

عرض

-

-

-

-

المواضيع المتشابهه

تعمل ايه لو لقيت عيش محطوط على عربيتك ؟

مكان بصمة (رقم) الموتور جراند بونتو 1.4 مانيوال 2009

بصمة الموتور ارجو الاهتمام بجد

خلط انواع مختلفة من زيت الموتور

تعمل اية لو لقيت ثعبان فى السيارة!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة