الموضوع: تعمل إيه لو إشتريت سيارة و لقيت بصمة الموتور مختلفة عن الرخصة !!

المشاركة الأصلية كتبت بواسطة samirayad

دى مش رشوه....دى تسليك حال........هو أنت مش شايف الراجل مظلوم.........أمال تقول أيه على اللى غشه وباعله العربيه والموتور متغير (ومش مثبوت فى الرخصه ).............هو أنت مش من مصر برضه زينا وعارف الليله كلها.......................دا أنا علشان أرخص عربيتى (طلعت من المرور ومطلع جيوب البنطلون لبره .....علشان اللى يشوفنى يعرف أن خلاص مبقاش فى جيبى ولا مليم تانى....هههههههههههه )

طبعا ده غير شرايط الفياجرا وكروت الشحن والاجندات والاقلام والشاي والدخان...............الخ وده تحت شعار كل سنة وأنت طيب يابيه

المشاركة الأصلية كتبت بواسطة Sherif Khalifa

حضرتك قلت صحبك كلم الناس

معرفتش كان اية ردهم ؟

تانى حاجة اى حد يشترى عربية مستعملة بيطابق رقم الشاسية و المتور مع الرخصة

أ ب شراء مطابقة أرقام الشاسيه والموتور مع الرخصة

المشاركة الأصلية كتبت بواسطة khater87

المهم ياجماعه انا عامل الموضوع ده فعلا .
علشان نبقي صاحين لاي حد
فنصيحه مني لاي حد هيشتري عربيه وبالذات لو فيها توكيل او من تاجر
ياريت تأخد وتطمن من البصمه وبالاخص الموتور لانه هو المعرض انه يتغير .
ده غير ان احب اطمنكوا ان انا سألت انه لو اتعمل محضر بالموضوع ده ...الشخص الي بايع العربيه هيتضر جدا جدا ...ومش بعيد تبقي تزوير ويلبس اكتر من قضيه لان للاسف الموضوع ده انتشر جدا ..
ربنا يسترها معانا كلنا وإن شاء الله اقولكوا علي اخر الاخبار

طبعا ده تزوير بس عقبال ما تثبت وتمشي في الاجراءت ربنا يديلك طولت العمر أمشي ودي وشاور بالسلاح ده من بعيد لأانك مش حا تعرف تستخدمه

المشاركة الأصلية كتبت بواسطة samirayad

ولا حينضر ولا حاجه.........بسهوله حينكر وقت الساعه ويقول أنا بايع لهم العربيه عشره على عشره............أنت ناسى نص القانون.......وبصراحه أستحى من أن أكمل المقصود......

القانون في صف الاقوياء والعيار ال ميصبش يدوش

المشاركة الأصلية كتبت بواسطة hadhad

السلام عليكم
على فكره يا أخي ورق الموتور موجود في المرور
أي تاجر بيبيع موتور استيراد بياخد منك الرخصه ويروح الجمرك يخلصه والجمرك بيبعت الافراج على المرور الصادره منه الرخصه. كل اللي بيبقى معاك فاتورة الشراء

يعني عندك حل من اتنين
اما تعرف صاحب العربيه جايب الموتور منين وتروحله يكتبلك فاتوره تانيه
أو تتصرف في المرور سواء بمعرفه او بطرق اخرى حد يدورلك على الافراج لانه موجود عندهم والعثور عليه حياخد وقت لكن مش مستحيل.

المشاركة الأصلية كتبت بواسطة samirayad

خللى بالك حته طرق أخرى دى مش عاجبه ناس (وفعلا لازم الطرق الأخرى ).......

ده أساسي ياباشاااااا

المشاركة الأصلية كتبت بواسطة khater87

تسلم ياباااشا والله انت الي استاذنا

موضوع الفارغه دي مشكله كبيره جدا
هنكلف تقريبا نص تمن موتور اولا
ثانيا منين اجيب فرغه بورقها محتاجه وقت
ثالثا الورق مبيطلعش من محل لمحل او من شخص لشخص
دي اوراق حكوميه تسلم بالبريد
ع فكره الفاتوره الي المحل بيديهالك بتكوون ع بياض ومختومه بتم النسر
طبعا عارفين ختم النسر
مش اي حد ياخد ختم النسر
من الاخر ياجماااعه ربنا يبعدنا عن الروتينيات وقرف الورق
والمستندات
لفينا لف

أسهل حاجة ختم النسر خصوصا مع تفتيح الدماغ..........

المشاركة الأصلية كتبت بواسطة msobhy

بمناسبة ختم النسر يا أساتذه
ممكن الموتور يكون بتاع عربية مسروقة وفى اللحظه ديه اعرفوا انكم وديتم الراجل صاحبنا وحببنا ده ورا الشمس
يوم ما هيحاول يطلع الرخصة / هنحاول بعده نقدم على طلب وصلة انترنت فى السجن علشان يقول لنا ايه اللى حصل

مش الاول كنا بنجيب عيش وحلاوة؟؟؟؟؟ الدنيا أتطورت؟؟؟؟؟؟

وغلاوتك ولا بيدوش ولا حاجه ....دى كله أعيره غير موجهه وبتطلع فشنك فى النهايه (يعنى على الفاضى طالما مفيش وراها خط دفاع من الدرجه الأولى )

يعني الراجل ده لو ليه عضمة كبيرة العيار مش حا يدوش ده حا يجي في المليان

المشاركة الأصلية كتبت بواسطة samcar

من الاخر لو يعرف حد فى الشرطه او النيابه - واحد تقيل يعنى خليه يكلم الناس دول فى التليفون بس مكالمه واراهنك ان الورق حيكون عنده بعد نص ساعه -
وحصلت والله وكل اللى الضابط عمله جاب الاخ اللى نصب النصبه وسابه فى مكتبه ساعتين بس يتفرج على اللى بيحصل فى القسم - ههههههههههه
الراجل قال خدوا فلوسكم وهاتوا العربيه او خدوا الفلوس ومش مهم العربيه - ههههههههههههههه

لو ما يعرفش يبقى يفتح مخه فى المرور - يعنى يلحلح وهى تترخص لورى مش ملاكى

انا فوجئت لما بعت عربيه مره - وكان معايا رخصه كمبوتر ان عربيتى ما كانش لها ملف - الارشيف كان اتحرق-
مالهاش ملف من كام سنه - عشر سنين

اللى اشترى راح لقائد المرور وقاله - الرجل كان بيجدد 10 سنين من غير ملف
الراجل جاب الناس بتوعه وقال لهم على اخر النهار لو الموضوع ده ما تلمش حاوديكم فى داهيه - بقدرة قادر العربيه بقى لها ملف - هههههه- والله الكلام ده حصل

هى دى مصر - واللى مش عجبه يقلب فلبينى -

هي دي مصر

المشاركة الأصلية كتبت بواسطة khater87

السلام عليكم
ازيكوا ياجماعه في الحقيقه هو موضوع خطير جدا حبييت اقولكم عليه يمكن لا قدر الله تحصل مع حد فينا. اهو نبقي عارفين الحل . وكمان اعرف ايه رأيكم في الموضوع ده
فيه واحد صاحبي اشتري عربيه لانوس من تقريبا سنه
المهم الرخصه خلصت . راح علشان يفحص ويجدد الرخصه . بياخد بصمات الوتور والشاسيه وكده وطبعا بيطابق الي بالملف انتو طبعا عارفين الطريقه .
المهم بيطابقوا لقوا ان بصمه الموتوووووووووووووووور مش هي والموتور متغير . ومفيش لا افراج ولا حاجه للموتور الي فيها .
طبعا الراجل لايص مش عارف يعمل ايه . اتصل بالناس الي كان شاريها منهم وقالهم ع الموضوع ده
وبيفكر يقدم بلاغ فيهم والحكايه توصل للقضايا والحوارات دي لان طبعا فيها تزوير . بس احنا عارفين احبال المحاكم طويله .
المهم نصحته قلتله نقعد معاهم ونخليها قعده وديه نشوووف الناس دي هتعمل ايه ..
طبعا هو فيه حل من الاتنين
1- الموتور الي في العربيه ده يكوون له فاتوره مع الناس دووول ونسيوا يديهوا للاشتري العربيه .
2-الموتور طبعا يتغير علي حسابهم
بس هو فيه احتمال ان الناس دووول لايرضوا يدفعوا ولا يكوون معاهم فاتوووره ..
لو انتو مكانه تعملوا ايــــــــــــــــــه
مستي ردودكم يمكن ربنا يجعل الحل في رأي حد منك
وشكرا ليكوا واسف ع الاطاله

السلام عليكم
الموضوع ده حصل معايا فى عربيه اشتريتهامن واحد على انها بتاعته وطلع تاجر
المهم
الموتور كان محطوطله حاجه عشان لما اكشف عليه معرفش انه خفيف او انه صوته فى حاجه وعرفت الموضوع ده لما غيرت زيت وشككنى انه اكد عليا انه لسه مغير زيت وحاطط شل الترا فمغيرش الزيت دلوقتى خالص ومن حركاته مصدقتش انه ممكن فعلا يكون حاطط زيت ب 200 جنيه
ولما رحت اعمل عمره اكتشفت بالصدفه ان الموتور مش هوه اللى فى الرخصه
خلاصه الموضوع صاحبك مش هايقدر يعمل مع البايع اى حاجه الا ودى و ممكن لو هما مش لبط شئ من التهديد
غير كده مالوش عندهم اى حاجه ولو عندك اى اسئله اتفضل

طبعا مفهوم انه معندوش حل غير انه يجيب فاتوره وافراج الجمرك بتاع الموتور ده
او يشترى بلوك موتور بالافراج وبتوع الاستيراد بيسموها فارغه واهم حاجه تاخد مع البلوك كراسى الكرنك عشان متطبعه معاه