رابطة مالكي وعشاق التمبرا (الجزء الأول)

**heshamzaky** · 07-07-2010 02:42 PM

المشاركة الأصلية كتبت بواسطة hany121

يا جماعه انا امبارح دبست استاذ هشام معايا في مشوار العزبه وكنت حاسس بالذنب لان الراجل راح معايا بعد الشغل علي طول وما روحش غير الساعه 10 .. انا اسف يا هشام باشا ومتشكر جدا علي زوقك وانا كان ليا الشرف اني اتعرف بيك امبارح..

انا اشتريت 4 جنوط حديد من عند فاروق والعربيه عندي لما كنت بركنها نص ساعه بعد مشوار طويل واجي ادورها تاني المرش بيفضل شغال والعربيه ما بتدورش غير بعد وقت طويل. انا كنت شاكك ان الموبينه تكون بتقطع لما تسخن مع انها طول ما العربيه دايره وماشيه ما بحسش بمشكله غير ان ال rpm بيوطي علي السلانسيه اوقات واوقات مش عارف ده عيب كهرباء ولا بيك السلانسيه..

فاروق كان تفسيره ان ده عيب مشط الاليكتروني لما بيسخن بيخرف ..عموما انااشتريت موبينه من عند فاروق وركبتها هناك وخليت القديمه في العربيه احتياطي بس لسه ماجاتش فرصه اشوف عيب التاخير انتهي ولا لأ..

جاليليو باشا يا ريت تقولي رايك الفني في الكلام ده..

يا باشا العفو على اية و زى ما قلتك لو العيب مش من البوبينة رجعها لة و غيرها بحاجة تانية الراجل مش ممانع زى ما قال لك امبارح كدة

**caysersosaih** · 07-07-2010 04:21 PM

بص يا أسامه باشا انا كنت مركب لمض 160 وبعدين جبت بعدهم فيليبس رالي مع انهم اقل في الوات بس نورهم احسن بكتير مع الغلم اني ماباسافرش غير بالليل

**heshamzaky** · 07-07-2010 04:30 PM

صباح الفل يا دوك

**caysersosaih** · 07-07-2010 05:12 PM

صباح الفل يا هشام اخويا وحبيبي

**eng_tefa** · 07-07-2010 06:05 PM

يارجاله انا كنت عايز اسال على موضوع المبات دا
انا النور عندى ضعيف اوى مش عارف ليه حتى العالى انا بفكر اشترى لمبات جديده
انا واحد صاحبى شغال ف توكيل هيونداى جابلى لمبات flosser halogen h1 100w
بس انا طلع عندى h4
انا قلقان من موضوع الوات دا...لازم اغير الكتاوت ولا ايه ؟؟؟

**caysersosaih** · 07-07-2010 06:30 PM

لو مافيش في عربيتك كتاوت للنور اعملها كتاوت وما تقلقش من حاجة

**heshamzaky** · 08-07-2010 01:47 AM

المشاركة الأصلية كتبت بواسطة eng_tefa

يارجاله انا كنت عايز اسال على موضوع المبات دا
انا النور عندى ضعيف اوى مش عارف ليه حتى العالى انا بفكر اشترى لمبات جديده
انا واحد صاحبى شغال ف توكيل هيونداى جابلى لمبات flosser halogen h1 100w
بس انا طلع عندى h4
انا قلقان من موضوع الوات دا...لازم اغير الكتاوت ولا ايه ؟؟؟

أزيك يا باشا معلش الخلاصة فى موضوع النور لما سألت عن موضوع اللمض الهيلوجين انا قلت ما أعرفش و بعدين جبت علبة اللمض بتاعتى لما غيرت اللمض انا مركب لمض بتدى أضاءة بيضاء و شكلها من وجهت نظرى حلو و المفاجأة لقيت مكتوب اية على العلبة ((( هيلوجين )))) بص هى اللمض لونها أزرق و بتدى أضاءة الاسم الداج فى السوق بتاع الاضاءة بتاعتها أبيض ثلجى و الصور موضحة و للعلم هى 90/100 وات و الصينة الجوز ب 40 جنية و الالمانى تقريبا 80 جنية و الكورى ب 50 جنية تقريبا و الصور خير دليل

**eng_tefa** · 08-07-2010 02:42 AM

يا سبحان الله انا فعلا لسه سائل على اللمبات دى وفعلا ب 40 جنيه والاسم الدراج فى السوق بتاع الاضاءة بتاعتها أبيض ثلجى
انت موسوعه يا استاذ هشام وفعلا نفس العبيه بالظبط
انا عايز اسال سؤال تانى
انا اللمبات اللى عندى 60/55 وات العادى بتاع التمبرا واللى مكتوب كمان ف كتاب المانوال
هل لازم اغير الكتاوت ولا ايه؟
وسؤال كمان انا اسمع ان الفلبس منها ب 90 جنيه هل فى فرق كبير ولا عادى
وهل اضاءتها احسن من النور القديم
شكرا يا باشا

**heshamzaky** · 08-07-2010 09:17 AM

المشاركة الأصلية كتبت بواسطة eng_tefa

يا سبحان الله انا فعلا لسه سائل على اللمبات دى وفعلا ب 40 جنيه والاسم الدراج فى السوق بتاع الاضاءة بتاعتها أبيض ثلجى
انت موسوعه يا استاذ هشام وفعلا نفس العبيه بالظبط
انا عايز اسال سؤال تانى
انا اللمبات اللى عندى 60/55 وات العادى بتاع التمبرا واللى مكتوب كمان ف كتاب المانوال
هل لازم اغير الكتاوت ولا ايه؟
وسؤال كمان انا اسمع ان الفلبس منها ب 90 جنيه هل فى فرق كبير ولا عادى
وهل اضاءتها احسن من النور القديم
شكرا يا باشا

بص يا باشا لو ركبت كتاوت للنور خارجية مصلحة مفيدة مش حا تخسر و هات النوع التركى بالنسبة لموضوع الفلبس احسن دة خامة نوع عن نوع يعنى متوسط عمرها اطول بس الى ب 40 جنية الميزة انك ممكن تشترى لمبة واحدة مش لازم الجوز يعنى لو لمبة اتحرقت مجرد 20 جنية و السلام

**heshamzaky** · 08-07-2010 09:25 AM

فية زميل نشيط بيحب الصور زى كدة عامل موضوع عن اللمبات الفيلبس الموضوع بأسم http://www.nilemotors.net/Nile/123975-philips.html و المشاركة للسهولة اهية

المشاركة الأصلية كتبت بواسطة funnymickey

الحمد لله
ربنا وفقني انهارده واشتريت لمبات كريستال فيجن لعربيتي الكريستاله
اشتريتها من توكيل لمبات فيليبس هاشم باص
الناس هناك صراحه محترمه جدا واسعارهم رخيصه ارخص من بره
انا رحت يوم الاحد وملقيتش هناك وقالولي هتيجي بكره تلاقيهم
لو مستعجل روح لارابكوم
وياريتني ما رحت
سألت هناك علي h4 تلاته ريشه
لقيتهم ب130 جنيه
اقوله ياعم ده انا شاريهم ب95
يبصلي اوي كده
طب اللمبات السهاري ابيض
50 جنيه
يانهار اسود
عند التوكيل ب27
فصراحه لقيت الموضوع تهريج
ورحت انهارده اشتريتهم من هاشم باص
وسبت لمبات السهاري دلوقتي عشان انا حركب رينجات اللي حنعملهم ان شاء الله
قلت اقولكو عشان محدش يشتريهم من ارابكوم ويفتكر ان فيه فرق سعر ولا حاجه عشان الخامه
وانا صورتلكو اللمبات وكمان الكتالوج عشان لو حد حب يبص علي حاجه تانيه
ارقام التليفونات للفرع وعنوانه في مدينه نصر
34 شارع محمد عوض متفرع من مكرم عبيد خلف بنزينه شل اللي في مكرم عبيد
تليفونات : 22742770 - 22870845
ولو ممنوع العنوان والارقام ياريت بعد اذن الاداره تشيلهم وتقبل اعتذاري
بس انا شفت فايده وتوفير اكتر من 50 جنيه
وشكرا
اسيبكم مع الصور

صوره اللمبات

صوره الكتالوج

باقي الكتالوج

الموضوع: رابطة مالكي وعشاق التمبرا (الجزء الأول)

LinkBack

أدوات الموضوع

عرض

-

-

-

-

-

المواضيع المتشابهه

رابطة مالكي وعشاق التمبرا (الجزء الخامس)

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثالث)

رابطة مالكي وعشاق التمبرا (الجزء الثاني)

الكلمات الدلالية لهذا الموضوع

المفضلات

المفضلات

ضوابط المشاركة