أول خطوة في المشروع الكومي لتدمير التعليم (إمتحانات الكادر)مش كادر أصدق هذه الإهانة!

**AshTurbo** · 19-03-2009 02:35 AM

طبعاً إهانة للمعلم ... بمنتهي البساطة كان بأستطاعة وزير التربية والتعليم الفصل بين زيادة المرتبات وبين رفع مستوى المعلم يعني كان زود المرتبات بنسبة 50 % زي ما حصل وبعد كدة يعمل دورات تدريبية لرفع المستوى المهني للمعلمين داخل فروع الأكاديمية المهنية للمعلم في كل محافظة ثم يحدد ميعاد لأمتحانات تحديد مستوى لكل معلم وليس أمتحانات نجاح ورسوب وتكون فقط داخل أكاديمية المعلم (مش زي ما عملوا في الكليات والمدارس والطلاب كانوا بيشوفوا المدرسين واقفين مستنيين لجنة الأمتحان طبعاً منتهى الأحراج للمدرس ) بعد ما يحدد مستوى كل مدرس يقوم برفع المرتبات تاني بس على حسب مستوى كل مدرس مع ترك الباب مفتوح لأي مدرس يرغب في رفع مستواه في أي وقت وبكامل حريته وأرادته وبعد ما يوصل للمستوى اللي يقدر يوصله كل مدرس يآخد مرتبه على أساسه ساعتها محدش يزعل من حد ببساطة كان في طرق كتير يتعمل بيها الموضوع دة إنما مرة واحدة أمتحانات مجهولة المصدر ونص المدرسين يسقطوا وصورة المدرس تتهز أمام تلاميذه دة بغض النظر عن النتيجة في النهاية التي لم تحقق الهدف المقصود منها وهو رفع كفاءة ومستوى المعلم في مصر .

**zobaaa** · 19-03-2009 05:55 AM

انا مقرتش الردود بس دا رايي يا جماعه كالاتي
انا مهندس اوكيه
عشان اترقى بزاكر وامتحن
وانا بتعامل مع مكن صامت ورغم كده بيطوروا من امكانياتنا
ما بالك المدرس اللي بيتعامل مع اجيال
انا اعرف ان المدرسين بره فالدول المتقدمه بياخدو كورسات وبيمتحنو وبيبقى ليهم رخصه بيجدوها كل فتره
انا مؤمن بحاجه ان كل مهنه لازملها حدود لياقه
يعني الطيار لياقه بدنيه
المهندس لياقه في تشخيص المشاكل الهندسيه ووضع تصميمات لحلها
الطبيب لياقته في علاج المرضى
المدرس لياقته التربويه والقدره على توصيل المعلومه
يعني لو امتحانات الكادر بتنمي الموضوع ده اوكيه لو كورسات وورد واكسيل وبعيد عن تاهيل المعلم للتعامل مع الطلبه نفسيا وكده

يبقى عليه العوض

**zobaaa** · 19-03-2009 06:01 AM

المشاركة الأصلية كتبت بواسطة amrico

نرجع تاني للموضوع بتاع إمتحانات الكادر

انا رأيي الخاص إن ياريت يبقى في إمتحانات في كل القطاعات
لأن مثلا المعلم إللي ساقط في الإمتحانات دي إزاي تخليه يعلم أولادك بعد كده؟
يبقي أكيد الأولاد هايبقوا مش متعلمين كويس
ويبقى في إمتحان كمان في طريقة التدريس، لأن مش معنى ان الواحد عارف شوية معلومات يبقى هايقدر يوصلها للطلبة
عندنا في الشغل(بشتغل مهندس بترول في شركة أجنبية) عشان تترقى لازم تعمل إمتحان مهما كانت سنين خبرتك، ولو أخدت دورة تدريبية لازم يبقى في إمتحان بعدها. ومحدش بيقول إن دي إهانة ولا يحزنون واللى فعلا بيسقط في الإمتحانات أو مش قادر يطور نفسه فعلا مالوش مكان في الشغل لأنه مش هايفيد المكان وممكن يعمل مشاكل بقلة علمه.

إللي بيرفض موضوع الإمتحانات دي في رأيي زيه زي إللي عاوز الناس تسوق من غير إختبار سواقة قبل الرخصة

وأسف للإطالة

==
عمرو
==

زميل اهه زيي انا بردو مهندس فشركة بترول اجنبيه وبيحصل معايا زيه
وليا نفس الراي
ولا تعتبر اهانه بالعكس
انت بتاخد ترقيتك و بتحطها فعين التخين

**Terrible_DaRsH** · 19-03-2009 06:30 AM

الله يمسيك بالخير يا سيد يا ابو حفيظة ... :)

**ahmed1981** · 19-03-2009 06:49 AM

المشاركة الأصلية كتبت بواسطة zobaaa

انا مقرتش الردود بس دا رايي يا جماعه كالاتي
انا مهندس اوكيه
عشان اترقى بزاكر وامتحن

المشاركة الأصلية كتبت بواسطة zobaaa

انت بتاخد ترقيتك و بتحطها فعين التخين

موضوع الكادر لا علاقة له بالترقية

أين المدرسين

**amrico** · 19-03-2009 07:07 AM

المشاركة الأصلية كتبت بواسطة zobaaa

زميل اهه زيي انا بردو مهندس فشركة بترول اجنبيه وبيحصل معايا زيه
وليا نفس الراي
ولا تعتبر اهانه بالعكس
انت بتاخد ترقيتك و بتحطها فعين التخين

اهلا بالرجالة الحلوة
هو حضرتك في شركة ايه؟
انا في شركة Baker Atlas
وبشتغل WireLine Logging Engineer

==
عمرو
==

**سمير يونس** · 19-03-2009 10:40 AM

المشاركة الأصلية كتبت بواسطة zobaaa

انا مقرتش الردود بس دا رايي يا جماعه كالاتي
انا مهندس اوكيه
عشان اترقى بزاكر وامتحن
وانا بتعامل مع مكن صامت ورغم كده بيطوروا من امكانياتنا
ما بالك المدرس اللي بيتعامل مع اجيال
انا اعرف ان المدرسين بره فالدول المتقدمه بياخدو كورسات وبيمتحنو وبيبقى ليهم رخصه بيجدوها كل فتره
انا مؤمن بحاجه ان كل مهنه لازملها حدود لياقه
يعني الطيار لياقه بدنيه
المهندس لياقه في تشخيص المشاكل الهندسيه ووضع تصميمات لحلها
الطبيب لياقته في علاج المرضى
المدرس لياقته التربويه والقدره على توصيل المعلومه
يعني لو امتحانات الكادر بتنمي الموضوع ده اوكيه لو كورسات وورد واكسيل وبعيد عن تاهيل المعلم للتعامل مع الطلبه نفسيا وكده

يبقى عليه العوض

مع إحترامي لوجهة نظر سعادتك إلا إني أختلف معك في هذا الشأن

لازم يا أخواني نعرف إن مرتبات المدرسين تبدأ من 150 جنيه شهرياً و المدرس الي بقى له 20 سنة خدمة في وزارة التربية و التعليم

مرتبه قبل الكادر كان 500 جنيه

لازم الأول ندي له المرتب اللي يكفل له حياة كريمة و بعدين نمتحنه عشان نرقيه أو نزوده في مرتبه (اللي هو المفروض إنه مكفيه أصلاً)

إنما إني أربط زيادة مرتب المدرس عشان أوصله لحد الكفاف و بين مستواه العلمي فأنا أعتبر كل هذا ذل ما بعده ذل و هوان ما بعده هوان

و بعدين ليه نربط بين رفع المستوى المادي للمعلم و بين المستوى العلمي ؟؟؟؟

هل الكلام ده بيطبق مع باقي موظفين الدولة ممن يتقاضون عشرات بل مئات الآلوف من الجنيهات شهرياً؟

و المفروض كمان نختبر وزير التربية و التعليم و نشوف هل مستواه العلمي يؤهله إنه يكون وزير أم لأ

**zobaaa** · 19-03-2009 12:44 PM

المشاركة الأصلية كتبت بواسطة سمير يونس

مع إحترامي لوجهة نظر سعادتك إلا إني أختلف معك في هذا الشأن

لازم يا أخواني نعرف إن مرتبات المدرسين تبدأ من 150 جنيه شهرياً و المدرس الي بقى له 20 سنة خدمة في وزارة التربية و التعليم

مرتبه قبل الكادر كان 500 جنيه

لازم الأول ندي له المرتب اللي يكفل له حياة كريمة و بعدين نمتحنه عشان نرقيه أو نزوده في مرتبه (اللي هو المفروض إنه مكفيه أصلاً)

إنما إني أربط زيادة مرتب المدرس عشان أوصله لحد الكفاف و بين مستواه العلمي فأنا أعتبر كل هذا ذل ما بعده ذل و هوان ما بعده هوان

و بعدين ليه نربط بين رفع المستوى المادي للمعلم و بين المستوى العلمي ؟؟؟؟

هل الكلام ده بيطبق مع باقي موظفين الدولة ممن يتقاضون عشرات بل مئات الآلوف من الجنيهات شهرياً؟

و المفروض كمان نختبر وزير التربية و التعليم و نشوف هل مستواه العلمي يؤهله إنه يكون وزير أم لأ

على فكره يا استاذ سمير انا لما قريت كلامك مفهوش ادنى تعارض بين كلامي
بالعكس دا يؤكده يعني انا وانت متفقين على ان ربط تطوير المعلم بالامتحانات وربط ترقياته وزياداته الماديه بالتطريقه التقيميه الدوريه بلاش امتحان دي اللي بتنرفز الناس

ومعاك فان الحكومه بتهين اي حد شغال عندها اللهم الا شوية هيئات بترول- كهرباء - ضرايب - ماليه - خارجيه

يعني مالاخر انتم قصدكم زيادة الرواتب بلاش ذل ازكيه انا معاكم فدا

بس مبدا التقييم ده صح فكل الوظايف وكل الوظايف بره مصر برخص وبتتجدد دوريا

طب بلاش انتو عارفين انا قصدي ايه ان المدرس عندنل مش مفتقد لمعلومات مفتقد للتربويه وطريقة الالقاء(الا من رحم ربه) فبالنسبه باه للاخ كاتب الموضوع ما افادناش فايه نوعية الامتحانات اللي بيمتحنوها هل هي عن موادهم؟!! يبقى هجص وبيذلو المدرسين
لو حاجه ناقصه المدرس وبيدوهالو يببقى اه الحكومه اول مره فحياتها بتعمل حاجه صح

ويبقى احنا اللي لازم نغير عنوان الموضوع الى زيادة الاجور كبل ان يذلوا المدرسين بالكادر

**Terrible_DaRsH** · 19-03-2009 01:11 PM

http://www.youtube.com/watch?v=RU4ujz2vxhA

شوفوا كادر المعلمين فى نشرة اخبار الخامسة والعشرين ...

**tutankhamoun** · 19-03-2009 01:28 PM

هي أيه الإهانة هنا يا باشمهندس أحمد ؟؟؟
في كل الدول المتقدمة بيتم أختبار المدرسين من آن لأخر ( لا أعرف ما هي المدة ) علشان المدرس على طول يطور نفسه .
و فعلا فيه مدرسين مش عارفين حاجة و أحنا الدليل و أحنا تلامذة في المدرسة زمان
فيهم الكويس المثقف اللي بيعرف يشرح و فيهم و لا مؤخذة الغبي اللي حافظ زي البغبغان .

خليهم يمتحنوا و يذاكروا علشان يرفعوا من مستواهم العلمي .

أنا مش شايف أي أهانة في الموضوع أطلاقا ( و لكن شايف تكبر من المدرسين على المذاكرة و الدراسة !!!)

ممكن فعلا يكون التطبيق على غير المستوى كما هو الحال في ج ع ع دائما .
و لكن الفكرة نفسها لا يوجد فيها أي اهانة في رأيي الشخصي البحت ( على فكرة لي أقارب كثير يعملون في التدريس )

مشاهدة نتائج الإستطلاع: هل إمتحانات الكادر إهانة للمعلم

الموضوع: أول خطوة في المشروع الكومي لتدمير التعليم (إمتحانات الكادر)مش كادر أصدق هذه الإهانة!

LinkBack

أدوات الموضوع

عرض

-

-

-

-

-

-

-

المواضيع المتشابهه

بالتفصيل والصور: كيف تقوي نور الفوانيس الامامية وتركب كتاوت خطوة خطوة (جميع السيارات)

شراء سيارة معاقين من بور سعيد أو إستيرادها من الخارج خطوة خطوة (للسادة المعاقين)

فك وتنظيف الردياتير وتغيير المبرد - خطوة خطوة بالصور

خطوة خطوة بالصور : تغيير وحدة صوت النيو سيراتو سي دي بوحدة 6 اسطوانات

أول خطوة في المشروع الكومي لتدمير التعليم (إمتحانات الكادر) مشاركات خارج الموضوع!

الكلمات الدلالية لهذا الموضوع

المفضلات

المفضلات

ضوابط المشاركة