الموضوع: حاجة غريبة حصلت النهارده (مياة التبريد نقصت جامد)

المشاركة الأصلية كتبت بواسطة tananybasha

بص فى ميه تحت الردياتير لتكون علبة او تروموستات بيسرب

شكرا يا باشا بس الموضوع طلع حاجة في الخرطوم و رحت لاحمد عبد الراضي عنده جهاز كده بيكبس بيه دورة الميه و بيشوف لو في حاجة مخرومةو خلصت الحمد لله

المشاركة الأصلية كتبت بواسطة abdelaziz-waleed

الف مبروك يا احمد باشا والحمد لله انها طلعت بسيطة
بالنسبة للشيخ محمد فا هو راجل محترم جدا واسعاره كويسة جدا سواء المستعمل او الجديد
هو عموما بيشتغل في قطع الغيار فقط. يعني في التركيب هو هايبعتك لواحد ميكانيكي او متخصص هايركبلك الحاجة وياخد مصنعيته. فبالتالي موضوع التركيب ده حرية شخصية ليك لأنه هايكون بعيد عن الشيخ محمد.
هو بصراحة الحاجة الحاجات اللي عملتها هناك كانت تركيب موتور لزجاج الباب اليمين وبصراحة الصنايعي اللي جابه الشيخ محمد شاااااطر جدا وفاهم شغله كويس قوي قوي ووفر عليا مصاريف كتير.

الله يبارك فيك يا باشا الحمد لله طلعت حاجة صغيرة
و بالنسبة للشيخ محمد انا اصلا مش فاضي عشان اروح فماجل الموضوع شوية و العربية ماشية اصلا الحمد لله يعني مفيش مشكله في الفتيس الحمد لله
و شكرا على تعبك يا وليد انا على طول عامل دوشة

المشاركة الأصلية كتبت بواسطة hellboy

مبروك يا ابو حميد . وربنا يعينك علي اللي جاي

شكرا يا فادي و ربنا يسهل ان شاء الله