الموضوع: لمبة التشك بتنور فى السرعه العاليا تويوتا كورولا 1997

الصراحه هى حاجه غريبه جدا.............طيب ماتحسب أستهلاك البنزين كويس الأول......لأن كده العمليه مش مظبوطه.....والمفروض شيل الحساس يزود الأستهلاك بتاع البنزين مش العكس .....وده اللى ممكن يكون مديك أيحاء بأن العربيه سحبها أحسن (لأن الحريق دلوقتى عندك غنى بالبنزين )....وأنا حاسس أن البنزين مش متحدد صح

السلام عليكم يا م/ سمير
انا موافق انا احسب استهلاك البنزين تانى انا مسافر دلوقتى الى القاهره و ارد تانى فى نفس اليوم اظن هذا مشوار كافى من الاسماعيليه الى القاهره والعوده حوالى فوق 300 كيلو وانا فاصل الحساس

دا أحنا طلعنا بلديات ....ياسعيد باشا : تروح وتيجى بألف سلامه............ولنا كلام كتير ومتقلقش كله بأمر الله ( وفرجه قريب أن شاء الله )...........وربنا يسترها معانا ومعاك...

_ ياريت برضه تفول وتأخذ قراءة عداد الكيلومترات ولتكن مثلا 50000

_ ولنقل لما تعود بالسلامه نفترض القراءه بقت 50300 وساعتها برضه فول مره تانيه.... وشوف هتأخذ كام لتر.....وبلاش الأعتماد على عداد تنك البنزين المره دى (يمكن يكون فيه حاجه فى العداد ....وكده أضمن برضه فى التقييم )

احلى سلام اسمعلاوى للمهندس /سمير
والله انا اتشرفت بمعرفتك و فرحان اكتر بيك لانك اسمعلاوى و يارب اسماعيليه تكون كلها ذيك انا سفرت امبارح وصفرة العداد واخذت قراءة العداد الثانى
المسافه كانت 264كيلومتروهذه القراءة مظبوطه على العدادين طبعا قبل كده كنت فاولت العربيه بنزين و لما رجعت فاولت العربيه مره اخره بعشرين لتر
يعنى تقريبا عملت السياره فى اللتر حوالى 13.2 مع مراعة ان داخلت القاهره بعد العبور كانت زحمة حتى الطريق الدائرى اخذت هذه المسافه فى ساعه تقريبا

طبعا م/سمير لك التقدير فى هذه النسبه بين البنزين و المسافه

انتظر ردك الجميل ذيك

احلى سلام اسمعلاوى للمهندس /سمير

أنا علشان غرباوى وعايش فى الأسماعيليه برضه حقول لأخويا سعيد أحلى سلام أسمعلاوى برضه ( علشان لما سألو جحا قالوله ......بلدك فين يا جحا قال اللى فيها أكل عيشى .....وبلاش المقوله التانيه )

والله انا اتشرفت بمعرفتك و فرحان اكتر بيك لانك اسمعلاوى و يارب اسماعيليه تكون كلها ذيك

الله يخليك يا أستاذ/ سعيد

يعنى تقريبا عملت السياره فى اللتر حوالى 13.2 مع مراعة ان داخلت القاهره بعد العبور كانت زحمة حتى الطريق الدائرى

طيب ما كده ميت فل وأربعة عشر........وربنا يديمها نعمه ولا تنسى أن سيارتك ذات فتيس أوتوماتيك كمان ( والأوتوماتيك بتأكل بنزين شويه عن المانيوال ).........................وممكن تكون مشكلة تقييمك السابق فى أستهلاك البنزين بسبب أخفاق فى دايرة قياس نسبة البنزين بين العداد ومنظومة العوامه.................................... .....................وأهم حاجه دلوقتى حمدا لله على سلامتك ( وايه أخبار لمبة التشيك وكنت برضه فاصل فيشة حساس الشكمان ولا أيه )

انا اهم حاجه عندى انك عيش فى الاسماعيلية وبقول لك ان سماعيليه كلها بتشرف بيك و على فكره عائلتى كلها من الزقزيق بس انا من مواليد اسماعيليه
اشكرك جدا على حسن اهتمامك بمشكلتى بس انا كان عندى الاول قبل هذا العطل كانت السياره بتعمل فى لتر البنزين من 16 الى 17 كيلو
طيب انته بتقول كده كويس استهلاك العربيه للبنزين ما هو سبب اضاءة اللمبه التشك فى السرعه العاليه فقط وليس فى السرعه البطيئه!!!!!!!!!

معلش انا اسف نسيت ان اقول لك فى هذه المسافه كنت فاصل الحساس
انتظر ردك الجميل يا م/ سمير

شوف يا أستاذ/ سعيد........ممكن يكون مركز الصيانه اللى أنت روحتله ده وطلعلك كود العطل على أنه حساس الأكسجين ( مركز أى كلام ومبيعملش الفحص صح )................................................. والمفروض كان يقولك برضه على الأكواد الثانيه اللى مخزنه فى ذاكرة وحدة التحكم ...لأن أكيد فيه أكواد أخرى حتوصلنا لأسباب أخرى..............................بدليل أنك لما شيلت الحساس اللمبه مانورتش عندك الا فى السرعات العاليه .....واذا أستندنا الا كلام أخينا صاحب التجربه حيبقى فيه سبب أو أسباب أخرى حتبان مع الفحص فى مكان أكثر دقه.....................وممكن برضه دلوقتى تعمل نفس التجربه بتاعة السفر اللى فات وأنت مركب الحساس علشان نشوف حيكون فيه فرق فى الأستهلاك ولا الوضع حيبقى ثابت زى دلوقتى ......وبعده كده حنفكر تانى............وياريت تبقى تقولى على جميع أنواع الحساسات اللى عندك (وهل عندك حساس ماف ولا ماب )......وأوعدك بالأستمرار معك فى التفكير علشان نشوف سبب موضوع اللمبه ده مع السرعات العاليه .......بس ياريت تعمل التجربه تانى وأنت مركب الحساس بنفس الطريقه اللى فاتت...........وتقولى على اللى بيحصل وأيه اللى أنت لاحظته