لمبة التشك بتنور فى السرعه العاليا تويوتا كورولا 1997

**samirayad** · 19-03-2009 06:54 AM

طيب جرب الأول الرحله تانى وأنت موصل الحساس وشوف الأستهلاك وربنا يسهل ..........وأعتقد أن فيه مركز فى حى السلام (بس حقيقى مرحتلوش خالص .....ويارب ما أروحله )

**said_ghaber** · 20-03-2009 08:36 PM

لك كل شكر وتقدير يا م/ سمير
انتظرنى فى اقرب وقت بعد التجربه

**samirayad** · 20-03-2009 08:46 PM

ربنا يوفق يا أستاذ / سيد......وأنا حاسس أن الأداء حيتحسن مع تركيب الحساس والمشكله اللى عندك هتكون بسبب فيشة حساس آخر الفيشه بتاعته مش متوصله كويس وبتفصل مع السرعه العاليه نتيجه الهزه الزياده على المحرك فى الوقت ده................عموما أنا فى أنتظارك برضه للتشاور

**said_ghaber** · 26-03-2009 07:02 PM

اذيك يام/سمير اتمنى ان تكون بصحه جيده
انا جربةالعربيه وانا موصل الحساس كما قولت لى مع السفر عملت العربيه فى لتر البنزين حوالى 12كيلو يعنى اقل وانا فاصل الحساس لان وانا فاصل الحساس عملت العربيه في لتر البنزين 13.2 كيلو في السفر
انتظر ردك و ايه العمل علشان انا احترت اللمبة التشك ليه بتنور فى السرعه العليا فقد

**samirayad** · 26-03-2009 07:28 PM

اذيك يام/سمير اتمنى ان تكون بصحه جيده

الله يخليك أخونا سعيد..................

انا جربةالعربيه وانا موصل الحساس كما قولت لى مع السفر عملت العربيه فى لتر البنزين حوالى 12كيلو يعنى اقل

طيب كده معناه أن الحساس مش مظبوط.......وعوزك تشوف الحساس عندك من أى نوع (شبه أنبوبة الأختبار ولا مقفول ومفيهوش تجويف زى بتاع الحراره )

و ايه العمل علشان انا احترت اللمبة التشك ليه بتنور فى السرعه العليا فقد

هى دى المشكله يا أستاذ سعيد......وشكلها فيه فيشه من اللى على المكنه بتتهز وتفصل مع زيادة الأهتزاز على السرعات العاليه (ولازم تراجع على كل الفيش بتاعة الحساسات )....

**said_ghaber** · 26-03-2009 09:30 PM

اشكرك على ردك السريع يا م/سمير
الحساس اللى عندى هو شبه حساس الحراره بس عليه مصفاءه مخرمه من النحاس وهو اثنين طرف كهرباء اما بالنسبه للفيش الحساسات الموجوده عندى فهى بحاله جيده جدا و للامان هراجع عليا كلها تانى بس انا متؤكد انها كويسه

**samirayad** · 26-03-2009 09:36 PM

الحساس اللى عندى هو شبه حساس الحراره بس عليه مصفاءه مخرمه من النحاس وهو اثنين طرف كهرباء

حاول تنظفه بمنظف ألكترو كلينر....وفك الفيش ونظفها برضه بنفس المنظف وراجع على الأتصال الأرضى للبطاريه .....وياريت برضه تطمن على أن شحن الدينامو كويس ومش أقل من 12 فولت

**said_ghaber** · 26-03-2009 09:44 PM

انا فكيته قبل كدة ونظفته فعلا اما بالنسب لشحن الدينمو فهو 14 ولمبه الدنيمو عمرها لم تنور معايا خالص والبطاريه لسه جديده
ممكن اعرف اذى اختبر حساس العادم بالضبط اكيد ليه طريقه للقياس وانا عندى افوه

**samirayad** · 26-03-2009 09:56 PM

هوحساس الأكسجين بيخرج فولت لوحدة التحكم وبيخرج من 0الى1000 مللى فولت وبيعتمد على الحراره بتاعة المكنه وكل ما الفولت زاد كل ماكان كويس.....وبرضه حشوف لو فيه جديد حقولك عليه.....

**samirayad** · 26-03-2009 10:10 PM

شغل المكنه يا أستاذ/ سعيد وسخن كويس قوى .....وحل الفيشه وقيس الفولت اللى خارج من الحساس (وهو ليه طرفين فقط ).....وشوف الفولت عامل كام مللى فولت....................المفروض يزيد عن 500 مللى فولت فيما فوق.....وقوللى برضه علشان نتشاور...........