لمبة التشك بتنور فى السرعه العاليا تويوتا كورولا 1997

**said_ghaber** · 14-03-2009 08:39 PM

هذة المشكلة عرضها من قبل فى المنتدى و هى لمبة التشك بتنور فى السرعةالعاليا ذهبت الى مركز صيانة للسيارات بالكشف بالكمبيوتر و قال لى المتخصص ان حساس العادم تالف وانا خايف اغيره مع ارتفاع ثمنه ويطلع العيب مش منه

قال لى احد المهندسين الموجودين فى هذا المنتدى الرائع على طريقة لاختبار الحساس و هى نزع احد اطراف البطاريه وتركيبه مره اخرى لكى تطفىء لمبة التشك ثم بعد ذلك افصل سلك الحساس و اجرب السيارة فى السرعه العاليا ان لم تضىء اللمبه التشك فان الحساس تالف وهو العطل اكيد و اذا اللمبة التشك اضاءة قان الحساس سليم ويوجد عندى عطل اخر
فعلا جربة هذه الطريقه و للاسف لمبة التشك اضاءة فى السرعه العاليا والحساس مفصول ارجو الرد من مهندسين المنتدى على هذه التجربه وما هو العطل الموجود عندى علشان انا قلقان جدا جدا ولكم جزيل الشكر

**samirayad** · 14-03-2009 08:45 PM

أيه أخبار الفتيس يا أستاذ/ سيد

_ وهل فيه عندك زياده فى أستهلاك البنزين ملحوظ

**said_ghaber** · 14-03-2009 09:04 PM

الحمد لله الفتيس الهيدرومايك ضبط مستوى الزيت على البارد مثل ما قولت لى وزال العيب الحمد لله
اما بالنسبه لاستهلاك البنزين فهو عالى بتعمل فى التر 9كيلو داخل البلد وكانت الاول بتعمل 11.4فى التر داخل البلد مع العلم قوة الماتور 1600cc
اشكرك جدا على اهتمامك بالامر ارجو الافاده منك على العطل

**samirayad** · 14-03-2009 09:19 PM

الحمد لله الفتيس الهيدرومايك ضبط مستوى الزيت على البارد مثل ما قولت لى وزال العيب الحمد لله

طيب الحمد لله وأنا سعيد جدا بهذا الخبر .....وألف مبروك......................

اما بالنسبه لاستهلاك البنزين فهو عالى بتعمل فى التر 9كيلو داخل البلد وكانت الاول بتعمل 11.4فى التر

ماهو الكلام ده بيدلل على وجود أخفاق فى آداء حساس الأكسجين (الشكمان )........وبعدين طالما الأسكانر حدده يبقى الموضوع منتهى........................................ ...............

*** شوف برضه حا أقولك على حاجه يا أستاذ/سيد

_ فك فيشة الحساس ونظف كويس الفيشه من الداخل بمزيل صدا wd40

.....وأنفخها بالهواء بحيث تخليها عشره على عشره.......وبرضه خللى كهربائى ينظفلك أرضى البطاريه ووحدة التحكم .......وأهى محاوله (يمكن يكون فيها خير )......................وأبقى قول على اللى حصل

**said_ghaber** · 14-03-2009 10:07 PM

اشكرك جدا يا م/سمير
بس فصلت الحساس نهائيا من كهرباء العربيه ورغم كدة نورت لامبة التشك فى السرعة العاليا كما فى التجربةالتى قولتها فى الاول وده يدل ان العطل بعيد عن حساس العادم

عاوز اعرف ردك يا م/سميرعلى هذه التجربة وايه مدى صحتها من المشكلة
على فكره ردك يهمنى جدا جدا وبثق فيك جدا وفى كلامك لى

**samirayad** · 14-03-2009 10:31 PM

على فكره ردك يهمنى جدا جدا وبثق فيك جدا وفى كلامك لى

الله يكرمك وأنا معاك لحد ما نلاقى حل أن شاء الله

اشكرك جدا يا م/سمير

الله يخليك

بس فصلت الحساس نهائيا من كهرباء العربيه ورغم كدة نورت لامبة التشك فى السرعة العاليا كما فى التجربةالتى قولتها فى الاول وده يدل ان العطل بعيد عن حساس العادم

لو دى التجربه يبقى مش مظبوطه ......لأن كده أشارة الحساس أتلغت من عملية التحكم ولازم اللمبه تنور لأن الكنترول مش شايف الأشاره......ماهو فصل الحساس زى مايكون راكب ومفيش أشاره طالعه منه لوحدة التحكم............ولوعارف الموضوع هاته تانى ونشوف الزميل كان قايل أيه (لأن ممكن يكون فيه حلقه مفقوده ) ولا أنت تقصد لما فصلت الحساس اللمبه نورت فى السرعه العاليه فقط ومنورتش فى السرعات البطيئه مثلا (لأنها كده تفرق )

عاوز اعرف ردك يا م/سميرعلى هذه التجربة وايه مدى صحتها من المشكلة

لا كده أنا مش مقتنع بصحتها فعاوزين تجيب الموضوع تانى ونقراه سويا

**said_ghaber** · 15-03-2009 04:23 PM

السلام عليكم يا م/سمير
اخوك سعيد بشكرك جدا على اهتمامك انا فعلا قصدى ان اللمبة لم تضىء فى السرعه البطيئه داخل البلد مع الرغم ان هذه التجربه استمرت اكثر من عشر ايام وعلى فكره صوت العربيه بقى كويس قل وكان فى رعشه بسيطه فى الماتور راحت وسحب العربيه بقى احسن
قلت لنفسى اجرب العربية فى السرعه العاليا للاسف نورت لمبة التشك فى اول ثلاثة كيلوعند سرعة 80 كيلو ده اللى حصل بالضبط
منتظر منك الرد م/سمير
ولك كل الشكر
اما بالنسبه لموضوع التجربه جارى البحث عنه

**said_ghaber** · 15-03-2009 05:07 PM

يا/سمير
كما و تاريخ الانضمام: 26Jan2009
محل السكن: Cairo
Car: Fiat Brava 2001

شكرا: 0
شكرت 0 مرة في 0 مشاركة

بص أنا كان عندى نفس العيب فى البرافا 2001 وكل لما أجيب بعد 120 مثلا أو 140 بلاقى العربية بتقطع ولمبة الشيك بتنور لو عاوز تحصر العيب أعمل كدة أفصل حساس الشكمان وأجرى بالعربية بس هتاكل بنزين شوية ولو العيب مظهرش يبقى كدة أتـأكد أن العيب منو ولو ظهر يبقى العيب حاجة تانية وانا لما عملت كدة العيب أختفى روحت غيرت الحساس ب 350 جنية وبقت العربية زى الفل على أى سرعة.
عدك انا بحثت على الموضوع وانا نقلته لك كما هو

**said_ghaber** · 15-03-2009 05:15 PM

معلش انا اسف حصل شوية اخطاءه فى الموضوع يا م/ سمير
وانا بنقله

**samirayad** · 15-03-2009 06:13 PM

انا فعلا قصدى ان اللمبة لم تضىء فى السرعه البطيئه داخل البلد مع الرغم ان هذه التجربه استمرت اكثر من عشر ايام وعلى فكره صوت العربيه بقى كويس قل وكان فى رعشه بسيطه فى الماتور راحت وسحب العربيه بقى احسن

.....وشوف دول.....

قلت لنفسى اجرب العربية فى السرعه العاليا للاسف نورت لمبة التشك فى اول ثلاثة كيلوعند سرعة 80 كيلو ده اللى حصل بالضبط

عاوزين بقه نفرق بين الأحداث الثلاثه.......

أعمل كدة أفصل حساس الشكمان وأجرى بالعربية بس هتاكل بنزين شوية ولو العيب مظهرش يبقى كدة أتـأكد أن العيب منو ولو ظهر يبقى العيب حاجة تانية وانا لما عملت كدة العيب أختفى روحت غيرت الحساس

شوف أخونا عمل أيه

و قال لى المتخصص ان حساس العادم تالف وانا خايف اغيره مع ارتفاع ثمنه ويطلع العيب مش منه

شوف دى كده يا أسناذ/سعيد........على فكره أسمك غالى عندى لأنه على أسم أخويا الله يرحمنا ويرحمه ( وربنا يديك الصحه )

قلت لنفسى اجرب العربية فى السرعه العاليا للاسف نورت لمبة التشك فى اول ثلاثة كيلوعند سرعة 80 كيلو ده اللى حصل بالضبط

دا كلامك..................[quote][ولو العيب مظهرش يبقى كدة أتـأكد أن العيب منو ولو ظهر يبقى العيب حاجة تانية وانا لما عملت كدة العيب أختفى روحت غيرت الحساس /quote] وده مقطع من كلام صاحب الفكره......وطبعا اللمبه عندك نورت مع السرعه .......وعنده منورتش .......يبقى الحساس سليم.....وكده عندك حق تقلق

وعلى فكره صوت العربيه بقى كويس قل وكان فى رعشه بسيطه فى الماتور راحت وسحب العربيه بقى احسن

الكلام ده حصل معاك وكنت فاصل فيشة حساس الشكمان فى العشر أيام اللى بتقول عليهم......ومعلش عاوزين نفكر صح وبهدوء لأن الموضوع محتاج تدبر شويه ..................يمكن نصل للصح