احذروا التعامل مع هؤلاء فى الاسكندرية

**Maged_Samy** · 14-03-2009 10:20 PM

1- محلات الصفوة للجنوط - شارع بورسعيد - يقوم ببيع الجنوط بدون مساميرها ورنجاتها وبأسعار اعلى ، تأكد من تركيب الرنجات والمسامير الجديدة .
2- بنزينة موبيل اللى فى الفراهدة - تيجى تمون لازم ينصبوا عليك وبكذا طريقة .
3- بتاع الكاوتش اللى فى بنزينة مصر للبترول البيطاش .
4- بتاع الكاوتش اللى فى بنزينة مصر للبترول ناصية شارع سوريا - بيخرم عجل .
5- بتاع الكاوتش اللى اسمة اولاد عبده الشامى اللى بعد المجمع فى الازاريطة لانه بيظبك هواء غلط وبيرصص غلط وهما عبارة عن مجموعة نصابين .
6- المحل اللى قبل اولاد ذكى بشوية على الناصية فى صلاح الدين كل حاجة عنده ضعف الثمن والنصب على ودنه .

وياريت لو حد يعرف اماكن تانية يقولنا عشان تعم الفائدة ونحارب الجشع

**mohamed2002** · 14-03-2009 10:25 PM

محطة مصر للبترول اللي في العصافرة في شارع جمال عبد الناصر قبل اسواق الشريف ,بيقسم التفويلة علي اتنين يعني لو حتحط ب 40 يحط لك ب 30 وبعد كدة ب 10 ويقوم حاطط للعربية اللي بعدك بعد ال 10 جنية وانت مش حتاخد بالك لان في ناس عقبال ما تفك الحزام وتتطلع الفلوس وكدة
بس يا ريت تقولنا بنزينة موبيل الفراهدة مالها؟ مش دي اللي بعد ابو الدردار؟

**Maged_Samy** · 14-03-2009 10:36 PM

يحط المسدس فى التنك وبعد ثوانى يقولك 5 لتر يابيه وهو يكون حط 1/2 لتر اقولوا لا انا قولتلك فول يقولى اه مسمعتش وهو طبعا بيعتمد ان الى بيمون مش هيلحق ياخد باله .50 لتر ( 1/2 لتر ) ولا 5 لتر ويقولك اكملك بعد كدة وهو حرامى ، وانا بصراحة غلطان انى مودتهمش فى داهية بس الواحد مش فاضى يوجع دماغه . وكمان عندهم واحد يخش عليك ويقولك عرض مش عارف ايه عشان يلخبطك ويلهيك عن البص على الحرامى اللى بيمونلك .
كمان احذر اي بنزينه يقولك حد فيها ان الكاوتش عايز يتزود انا عن نفسى لو حد قالى الكاوتش عايز يتزود بنزل اضربه .

**Maged_Samy** · 14-03-2009 10:45 PM

كمان محلات قطع غيار سامى فى العجمى - بوابة 8
و محلات عنتر غريب لقطع الغيار - امام مسجد القويرى - الدرايسة - العجمى

**abou_ruqi** · 14-03-2009 10:48 PM

http://www.nilemotors.net/Nile/showthread.php?t=59216

**strongxx** · 15-03-2009 12:11 AM

بتاع الكاوتش إلي في محطه بنزين موبيل إلي أمام ملاهي المعموره الشاطئ
بيخترع لك اخرام في التيوبليس علشان يخرم علي ويلحم علي الفاضي ويدلق صابون وأول ما فقاعات الصابون تبدأ تتحرك يقولك خرم مع ان لا فيه خرم ولا نيله ده الصابون هو إلي بيعمل كده....قفشته مرتين ولما خلص الخرم اليتيم مديتلوش الفلوس وقلت لك كـ تيييييييييييييييييييييييي ييت يلعن أبو تيييييييييييييييييييييييي ييت ومشيت وقلت له لو دكر أفتح بقك.

الأسطي هشام حداد العفشه إلي في اخر شارع القاهره شمال معروف أوي هناك نصاب وعنده عيال ولاد حرام
بوظ لي ورقتين سوسته لما كان معايا الفيات128 وكمان بوظ لي الياي بتاع المساعدين إلي قدام قصهم بلمبه اللحام الحمار وطبعا راحوا في الكازوزه

بتاع الزوايا إلي في محطه بنزين مصر إلي علي الكورنيش في الإبراهيميه
مرتين اظبت زوايا عنده وأرجع له بدل المره اتنين ويقولي المشكله من عنده ويلهف مي الفلوس..
واخر مره لما كنت بظبط الزوايا وهو بيربط الصاموله ربطها غلط طبعا والصاموله فوتت وأتنحلت وخلي كمان المسمار المجري بتاعه يتنحل وروحت عملت خراطه للمسمار وللمصاموله علشان تركب الراجل ده شعره أبيض كلها حتعرفه اول ما تشوفه
**** كان فيه صنايعي هناك أسمه عاطف أبن حلال ربنا يبارك له خلع من عنده من كتر امور النصب إلي كان بيعملوها هناك وراح فتح ورشه في محرم بك عند الشارع إلي قبل اخر كوبري قناه السويس يمين من وانت جاي من اتجاه كارفور..تمشي اخر الشارع ده حتلاقي سوق خضار تدخل الشارع إلي قصاده حيبقي علي يمينك مجرد ما تدخل حتلاقي الورشه بتاعته واخده ناصيه..وإلي حيروح له يقوله انا جاي لك من طرف صاحب العربيه الإكسيل البيضه..هو حيعرف علطول****

دول إلي فاكرهم بصراحه دلوقتي...لما أفتكر تاني حقولكم علطول

**tmedhat** · 15-03-2009 12:42 AM

الموضوع دة حلو قوى تسلمو يا شباب

**fakoussa** · 15-03-2009 12:49 AM

تسلموا و ياريت الموضوع ينتشر فى كل المحافظات مش الاسكندرية بس

يعنى اللى يكتشف اى حرامى يقول عليه .

**Maged_Samy** · 15-03-2009 12:31 PM

(**** كان فيه صنايعي هناك أسمه عاطف أبن حلال ربنا يبارك له خلع من عنده من كتر امور النصب إلي كان بيعملوها هناك وراح فتح ورشه في محرم بك عند الشارع إلي قبل اخر كوبري قناه السويس يمين من وانت جاي من اتجاه كارفور..تمشي اخر الشارع ده حتلاقي سوق خضار تدخل الشارع إلي قصاده حيبقي علي يمينك مجرد ما تدخل حتلاقي الورشه بتاعته واخده ناصيه..وإلي حيروح له يقوله انا جاي لك من طرف صاحب العربيه الإكسيل البيضه..هو حيعرف علطول****)

عاطف ده اسمه عاطف القرد وكان شغال فى البنزينة دى مع مجدى بتاع الزوايا قبل ما يسبها بس خلى بالك ده عفشجى مش ميكانيكى