نوبيرا برميوم الكورى

**samirayad** · 02-12-2009 10:23 PM

المشاركة الأصلية كتبت بواسطة souzoran

انا عندى نفس العربيه والبوابه بتاعتها فيها الايدل بمعنى ان لما دوس بنزين بتفتح البوابه عن طريق السلك من الدواسه لبكره البوابه كده تمام البوابه متوصله من جوه على ريشه متغيره بتتغير على حسب درجه فتح البوابه شبه كده مفتاح الفوليوم بتاع الكاسيت وبتتوصل فى الاخر للكنترول وبناءا على درجه فتح البوابه الكنترول بيدى الاشاره للرشاشات . ولما تيجى تنضف البوابه ديه لازم يحصل برجله للعربيه علشان فيه اجزاء من الاتربه وسائل التنضيف دخل مابين الريشه والمقاومه وبتالى الكنترول اخد اوامر خاطئه

المشاركة الأصلية كتبت بواسطة souzoran

حساس الماب فى العربيات الدايو المصرى بيقيس نسبه الهواء اللى داخله للمانيفولد وبناء عليه الكنترول بيدى اوامر لرشاشات بزمن فتح معين على حسب دوستك انت على دواسه البنزين اما العربيات الكورى الكنترول بياخد الاوامر من درجه فتح البوابه نفسها مباشرا وبعدين يا استاذ حسام هيه الفكره واحده بس البوابه بتبقى حساسه شويه

من الكلام ده
أنا أستشفيت أن البريميوم مفيهاش حساس ماب
ولكن فيها van air flow meter
زى بتاع بعض طرازات الأوبل القديمه
وده حساس مروحى بيحتوى داخله على بوتنشيومتر شبه اللى موجود فى حساس البوابه العادى
(مفتاح الفوليوم اللى بتقول عليه )

والحساس ده بيقيس كمية الهواء اللى داخله للبوابه وبيعرف وحدة التحكم كمية الهواء اللى دخلت
وبالتالى بيتم تحديد كمية البنزين المطلوبه

**hosamdaewoo** · 02-12-2009 10:38 PM

يا سمير باشا
كمية البنزين بتتحدد منيين
1-كمية الهواء اللى داخلة
2-وضع حساس البوابة

**samirayad** · 02-12-2009 10:43 PM

بتتحدد من خلال الأثنين

1- حساس ال vaf
2- حساس البوابه

**hosamdaewoo** · 02-12-2009 10:46 PM

افهم من كدة ان سحب الكورى احسن

لانك بمجرد ما تدوس على الدواسة هتكب بنزين
بدون الحاجة لقياس شفط الهوا
اللى بيتاخر شوية

**samirayad** · 02-12-2009 10:48 PM

فعلا أحسن من خلال وجهة النظر العمليه
لما تكون المقارنه بين عربيتين أستعمال
بسبب قيود حساس الماب اللى موجود فى النوبيرا المصرى
على فكره أنا معايا المصرى
بس معرفش غير الحق

**samirayad** · 02-12-2009 10:50 PM

المشاركة الأصلية كتبت بواسطة hosamdaewoo

لانك بمجرد ما تدوس على الدواسة هتكب بنزين
بدون الحاجة لقياس شفط الهوا
اللى بيتاخر شوية

لا متحسبهاش بالشكل ده
أصل قياس كمية الهواء بطريقه مباشره مع وجود الفاف
غير القياس بطريقه غير مباشره مع وجود الماب
ومعروف بالبلدى كده
أن الحاجه المباشره أدق وأكفأ طبعا

**hosamdaewoo** · 02-12-2009 10:52 PM

بسبب قيود حساس الماب اللى موجود فى النوبيرا المصرى
يعنى اية

**samirayad** · 02-12-2009 10:58 PM

حساس الماب بيقيس كمية الهواء من خلال التخلخل اللى حاصل بعد البوابه مع ضغط السائق على دواسة الأكسراتير للتحكم فى فتحة البوابه
طبعا بياخد التخلخل من خلال خرطوم فاكيوم رفيع بعد البوابه
وموجود داخل الحساس فلتر صغير لتنقية الهواء
ألا يعتبر هذان قيدان فى التأثير على كفاءته مع تقدم السن وأهمال تغيير فلتر الهواء أو نظافته أو وصول بخار زيت من خلال خط الفائظ لمنطقة الحساس والتأثير على عمله (مع الحاله التعبانه )

طبعا الكلام ده مع الماب ( نوبيرا مصرى ) أو لانوس

أما البريميوم ....طالما فيها فاف
يبقى الخط سالك على طول ونافد الى خط السحب
وأى حاجه حتخش للبوابه حتنفرم مع حريق المكنه

**hosamdaewoo** · 02-12-2009 11:06 PM

يعنى وجود الفاف يعتبر تطوير ؟
وهل الميكانيزم ----(حلوة الميكانيزم دييية)
بتاع حساس البوابة اتغير؟
ولا اللى اتغير اوامر الكنترولر اللى بتعتمد على الحساس بس زى ما الاخ قال ولاتعتمد على الفاف