سيفيك 2007 واطيه ام لا

**Michel Tanios** · 07-09-2007 12:18 AM

يريت حد من الي استلموا السيفيك 2007 يقولنا لو فى 3 ركاب فى الكنبة و واحد جنب السواق هل العربية بتحك فى أى مطب عادى من بتوع القاهرة

بنسبالى هو ده أهم سؤال أهم من HP لأن الموضوع ده مخوفنى جدا من السيفيك رغم اعجابى الشديد بها

**viper** · 07-09-2007 04:48 AM

اي عربية جديده من الفئة دي لو ركب فيها نفس العدد دة أكيد هتحك في المطبات بتاعتنا بس أنا عن تجربة العربية مش واطية أوي أنا كنت مركب نفس العدد دة وأخدت مطبات كتير ومفيش حاجة وحكت مني برضو بس في مطبات عالية أوي وكان في ناس كتير معايا في العربية ماتقلقش من الموضوع دة وربنا يكرمك :roll:

**hazem_khidr** · 07-09-2007 05:00 AM

اي عربيه فعلا من العربيات الجديده لو محمل العدد دا كله حتحك في المطبات.
و الهوندا كمان تصميمها واطي يعني لو جبتها ان شاء الله تاخد بالك حتي و انت بتركن تبعد عن اي رصيف قدر الامكان من الامام علشان اكصدامها و عتبها واطين و دا عن تجربه فعليه .

**makram555** · 29-09-2007 08:44 PM

الهوندا سيفيك فعلا واطيه وبتحك قي المطبات العاديه بطريقه ملفته ده من كلام احد الزملاء اللي معاه الهوندا

**جندى مجند** · 30-09-2007 01:49 AM

المشاركة الأصلية كتبت بواسطة hazem_khidr

و الهوندا كمان تصميمها واطي يعني لو جبتها ان شاء الله تاخد بالك حتي و انت بتركن تبعد عن اي رصيف قدر الامكان من الامام علشان اكصدامها و عتبها واطين و دا عن تجربه فعليه .

+1
الاكصدام الأمامى فعلاً المسافة بينه و بين الأرض حوالى 10 سم و محتاجة حرص شديد جداً فى الركنة مع الرصفان الجبلى اللى فى شوراعنا :(

**Hassan** · 06-10-2007 01:38 AM

فعلا لابد من الحرص من الرصيف عند الركن لان الاكصدام واطى
لكن بالنسبة للمطبات فهى على العكس اعلى من النوبيرا مثلا
عن تجربة فى بعض المطبات و خاصة الصناعية العالية و بنفس عدد افراد الاسرة
النوبيرا حكت فيها اما الهوندا فلا فى نفس المطبات