الموضوع: مكنة الإزاز الكهربائى باظت

المشاركة الأصلية كتبت بواسطة momenhamdy

فعلاً يا محمد باشا لو في تراب قرب عليه بيعمل تعليق
بس ممكن تقولي منظف الالكترونيات دا جبته منين حضرتك
ولك جزيل الشكر

تحياتي يا باشمهندس مؤمن بص فى اسبري معروف أوي للكارتات انا بشتري من النبي دنيال عندنا فى الاسكندرية فى انواع كتير منه بس بقله اسبري فيديو من غير زيت ده ممتاز اوي للنظافة
تحياتي يا هندسة

يا استاذ احمد هدى نفسك و الحكاية مش مستاهلة كل ده , و التوكيل برضه مش سئ للدرجة دى , انما يعيبه جدا عدم توافر قطع الغيار باستمرار .
انا على فكرة روحت ركبت وحدات رفع بره التوكيل , و الوحدات دى حرقت ماكينة الزجاج الامامى الايمن و مفتاح الزجاج الرباعى , يعنى الاتنين مرة واحدة كدة مع بعض , و روحت التوكيل و محدش بصراحة قاللى دى تطلع برة الضمان و لا غيره , و بالصدفة كانت ماكينة الزجاج موجودة و المفتاح مش موجود , ركبولى ماكينة الزجاج و بعد اسبوع ركبولى المفتاح الرباعى , يعنى التوكيل مش سئ ابدا للدرجة دى زى ما انتم متخيلين , بس هو الواحد علشان شارى عربية جديدة فبيبقى مضايق من اى حاجة تبوظ فى العربية .

المشاركة الأصلية كتبت بواسطة momenhamdy

يا استاذ محمد ما انا برده من اسكندرية
يعني احنا ولاد مدينه واحده

بس ياريت يا استاذ محمد اسمه ايه و طريقه استخدامه وياريت كمان سعره

ولك جزيل من الشكر

حاضر من عنيه الاثنين هشوفلك نوعه بالضبط وابعته ليك تحياتي

المشاركة الأصلية كتبت بواسطة mohamed_sabry

يا استاذ احمد هدى نفسك و الحكاية مش مستاهلة كل ده , و التوكيل برضه مش سئ للدرجة دى , انما يعيبه جدا عدم توافر قطع الغيار باستمرار .
انا على فكرة روحت ركبت وحدات رفع بره التوكيل , و الوحدات دى حرقت ماكينة الزجاج الامامى الايمن و مفتاح الزجاج الرباعى , يعنى الاتنين مرة واحدة كدة مع بعض , و روحت التوكيل و محدش بصراحة قاللى دى تطلع برة الضمان و لا غيره , و بالصدفة كانت ماكينة الزجاج موجودة و المفتاح مش موجود , ركبولى ماكينة الزجاج و بعد اسبوع ركبولى المفتاح الرباعى , يعنى التوكيل مش سئ ابدا للدرجة دى زى ما انتم متخيلين , بس هو الواحد علشان شارى عربية جديدة فبيبقى مضايق من اى حاجة تبوظ فى العربية .

بص يا استاذ محمد أنا مش ضد التوكيل علي طول الخط بالعكس انا بفرح جدا لما يعملوا حجات ايجابية وبشكر فيهم بس لما على طول قطع الغيار مش متوفرة ولما تروح تسلم عربيتك من الصبح ومحدش يشتغل فيها ويسلمها لك على أساس إنها اتعملت ولما عربيتك تتخبط فى التوكيل وميعرفوش من اللى خبطهاوهيه لسه في اول صيانه ليها ولما تروح بحاجه سليمة وترجع بايظه ولما يسبوا طبة الزيت بعد الغيار مفتوحه والزيت كله ينزل فى الأرض وانت على سفر .... ده يعتبر توكيل ايه؟ ولما تكون اسعار القطع نارومبالغ فيها هيه والصيانه ؟ فى الحقيقة هما بيغيروا الحاجه اه عشان الواحد يكون حقاني بس عيش أكنك معندكش حاجه فى الدنيا غير العربية جاي منين؟ من التوكيل رايح فين؟ التوكيل بتكلم مين التوكيل؟ الوقت برضوا ليه تمن والناس هناك المهندسين المعامله كويسه نوعا ما بس همه برضوا مش بيدهم حاجه على العموم احنا نحب التوكيل يتقدم ده فى صالحنا ونتمني لهم الخير
تحياتى

متشكر على الردود يا جماعة ..

انا كلمتهم وهروح اركبها يوم الخميس ان شاء الله ، هوافيكم بالتفاصيل لما أرجع.

عندى سؤال ، هى العربية ممكن تتسرق؟ ممكن مثلا حد يفتح الشباك ويخش جوة يلمس سلكتين تحت الدركسيون وياخدها ويطير؟.

المشاركة الأصلية كتبت بواسطة AhmedGen2

متشكر على الردود يا جماعة ..

انا كلمتهم وهروح اركبها يوم الخميس ان شاء الله ، هوافيكم بالتفاصيل لما أرجع.

عندى سؤال ، هى العربية ممكن تتسرق؟ ممكن مثلا حد يفتح الشباك ويخش جوة يلمس سلكتين تحت الدركسيون وياخدها ويطير؟.

لالا ياباشا كان زمان الكلام ده لأن اغلب العربيات ومن ضمنها الجن تو داخل المفتاح بتعها فى قطعه سوداء صغيره وهي مشفرة مع قطعه ايضا فى الكونتاك ولابد ان يكون هناك هاتان القطعتان لكي يدور المتور يعني العربية لا يمكن تدور إلا بالشفره ديه

تحياتي