مكنة الإزاز الكهربائى باظت

**AhmedGen2** · 18-03-2009 10:57 PM

السلام عليكم

بقالى كتير مكتبتش ... محصلش حاجة مميزة غير المشكلة اللى حصلت مؤخرا ً دى قلت احكيلكم عنها ...

من اسبوعين كدة كنت رايح دريم بارك والجو كان وحش أوى ... تراب وعفرة وهوا شديد ... لدرجة إن بعد ما وصلنا دريم بارك الألعاب كلها مكنتش شغالة .. واحنا راجعين ببص لاقيت الإزاز اللى ورايا مفتوح ... جيت أقفله مش راضى يستجيب .. رغم إن باقى الشبابيك شغالين عادى ... وانا راجع عالصحراوى عديت عالتوكيل ... سبتها ساعة ... والمهندس قاللى إن المكنة باظت وعاوزة تتغير ... وفصل الإزاز خالص .... تلاتة بس هما اللى شغالين ... وادانى رقم أحجز عليه قطعة الغيار اللى هى مكنة الإزاز .... المهم خدت الرقم واتصلت بيه الموبايل مقفول .. قعد مقفول حوالى تلات ايام ... بعدين ردت عليا واحدة اسمها داليا ... خدت بياناتى وسجلت القطعة المطلوبة ... وقالتلى أول ما تيجى هنتصل بحضرتك .... ماشى ..

النهاردة وانا راجع من الكلية ... لاقيت الإزاز نزل تانى ... وطبعا دى مشكلة .. المرة اللى فاتت انا كنت بالصدفة جنب التوكيل .... المرة دى لأ ... فالعربية إزازها من ورا مفتوح ... وانا خارج من العربية بقفله بايدى بس طبعا بيبقى متلصم يعنى لو لمست العربية تلاقيه راح ساقط.

ومحدش كلمنى قاللى المكنة جات...

الإجراءات اللى هتخذها انى هكلمهم بكرة اسأل عالمكنة واشوف ايه النظام ... مفيش استجابة هكلم المهندس آمر ... مفيش استجابة مش عارف بقى اعمل ايه ...

حاجة مستفزة أوى حاجة زى كدة تحصل يعنى العربية مبقالهاش 6 شهور ... واللى يغيظك عدم توافر قطع غيار مهمة زى كدة .... كل واحد ياخد باله من إزازه بقى ...

العربية دى تقفيلها سىء جدا .. دة لسه المالتى فانكشن عندى بايظة من ساعة ماستلمتها .. وحجزتها فى صيانة الألف من خمس شهور ولسه موصلتش ... حاجة يعنى تقرررف

**momenhamdy** · 18-03-2009 11:05 PM

اولاً يا باشا انا عارف طبعاً الموضوع مضايق حضرتك اد ايه

بس هدي اعصابك علشان تعرف تفكر كويس
سيتك لازم اول حاجة تكلم المهندس امر فوراً عن طريق الرقم الخاص بي او عن طريق ارسال E-mail و بصراحة بياخد كل الامور بأهتمام شديد جداً
او حضرتك تكلم المهندس كريم محمد و هو المهندس المسؤل عن الضمان الخاص بالعربية و هو رجل محترم جداً و متعاون جداً و شوف الموضوع دا حيستقر علي ايه
و لو حضرتك عايز رقم التليفون الخاص بالمهندس كريم مفيش اي مشكله ابعتهولك علي الخاص

و اي استفسار ان تحت امرك

**eslam_wega** · 18-03-2009 11:40 PM

للاسف المشاكل الصغيرة دى هى الى بتخوف الناس من الجين 2
نفسنا فعلا مشاكل التقفيل دى تختفى خالص على موديل 2010 ان شاء الله

**AhmedGen2** · 19-03-2009 12:25 AM

ياريت يا مؤمن ... مفيش داعى عالخاص حطه عالعام عشان كله يستفيد برضه .. بس انت شايف اكلم آمر الأول ولا كريم؟ ... ولا أكلم مين بعد مين بالظبط ؟.

**momenhamdy** · 19-03-2009 12:32 AM

المشاركة الأصلية كتبت بواسطة AhmedGen2

ياريت يا مؤمن ... مفيش داعى عالخاص حطه عالعام عشان كله يستفيد برضه .. بس انت شايف اكلم آمر الأول ولا كريم؟ ... ولا أكلم مين بعد مين بالظبط ؟.

اوك مفيش مشاكل خالص ....
بالنسبة لرأي الشخصي تكلم مين الاول كلم المهندس كريم و هو المسؤل عن ضمان العربية و هو زي ما قلت متعاون جداًجداً
و لو مفيش استجابه و دا في اصعب الامور كلم المهندس امر و هو حيعملك طلب و حيمضي عليه بس دا لو المهندس كريم موصلتش لحل معاه
و دا رقم التليفون الخاص بالمهندس كريم
0105885638

**AhmedGen2** · 19-03-2009 12:49 AM

شكرا يا مؤمن ، هكلمه وأشوف.

**momenhamdy** · 19-03-2009 12:52 AM

المشاركة الأصلية كتبت بواسطة AhmedGen2

شكرا يا مؤمن ، هكلمه وأشوف.

ربنا معاك و ان شاء الله خير

**Ayman_52** · 19-03-2009 02:41 AM

انا الصراحه كنت كلمت...م/كريم..قبل كده..عشان كنت بساله على قطع غيار..

والصراحه كان راجل فى منتهى الغتاته...وكل حاجه يقولى ماعرفش يافندم...

احسنلك يا احمد تروح وتقابل ..م/امر...ليه بقى؟؟؟

لان لو الموضوع فى ايده او يعرف يعملك حاجه هيخلصك على طول..عشان هو بجد راجل محترم جدا وذوق..

لو مش فى ايده حاجه بقى ..ممكن تشوف م/كريم...انا الصراحه ماكلمتوش غير مره واحده..وممكن ساعة ماكلمته كان مخنوق من حاجه عشان كده كان رده سخيف شويه

وايقى طمنا يا احمد عملت ايــه.؟؟؟

**momenhamdy** · 19-03-2009 11:21 AM

المشاركة الأصلية كتبت بواسطة Ayman_52

انا الصراحه كنت كلمت...م/كريم..قبل كده..عشان كنت بساله على قطع غيار..

والصراحه كان راجل فى منتهى الغتاته...وكل حاجه يقولى ماعرفش يافندم...

احسنلك يا احمد تروح وتقابل ..م/امر...ليه بقى؟؟؟

لان لو الموضوع فى ايده او يعرف يعملك حاجه هيخلصك على طول..عشان هو بجد راجل محترم جدا وذوق..

لو مش فى ايده حاجه بقى ..ممكن تشوف م/كريم...انا الصراحه ماكلمتوش غير مره واحده..وممكن ساعة ماكلمته كان مخنوق من حاجه عشان كده كان رده سخيف شويه

وايقى طمنا يا احمد عملت ايــه.؟؟؟

طبعاً مما لاشك فيه يا مون ان المهندس امر اقوي طبعاً لان حمل المركز كله علي كتافه
بس في نقطه مهمه طبيعي جداً يا ايمن ان يكون ساعات المهندسين مخنوقين من شي معين و اكيد اكيد بيكون من تقصير العمال
يعني علي سبيل المثال يوم الثلاثاء لما كنت في المركز في ابورواش فجأت ان المهندس امر صوته عالي في الورشه جوه ( يعني حاله من القلق حصلت ) و راح داخل علي المكتب بتاعه و برده كان متنرفز من هذا الشئ
فأكيد لو انت جيت كلمتوا في الوقت دا اكيد حيكون معاك ناشف في الحوار

بس الي انا عايز افهمهولك ان المهندس كريم لزيز جداً و يقابلك بأبتسامه مريحه كدا و الراجل طلع جرب العربية عندي و كله زي الفل

بس انت تلاقيك يا مون علشان كن عايز ططمن علي العربية فكنت حامي عليهم شويه صح ؟؟؟

و صباح الفل يا مون :k38:

**MuhammedSoliman** · 19-03-2009 12:19 PM

صباح الفل يا Ahmed باشا انا عندي ظهرت المشكله ديه برضه واتغيرت فى التوكيل بس يديك طولت العمر إن شاء الله خلال السنه ديه متألقش بخصوص الملتي أنا مش عارف المشكله عندك ايه بس سعات كان بيعلق معايا رشيت عليه منظف للإلكترونيات ومن ساعتها بقاله يمكن سنة شغال زي الفل

ربنا معاك وخير إن شاء الله
تحياتى

الموضوع: مكنة الإزاز الكهربائى باظت

LinkBack

أدوات الموضوع

عرض

-

-

-

-

-

-

المواضيع المتشابهه

مكنة الشباك اليمين شكلها باظت :d

الحمد لله ..... العربية اللى حيلتى باظت ... باظت ... باظت

تظبيط الباب و مكنة الإزاز

كرولتى الجديدة بايظة يا جدعان باظت باظت واتصلو بيه من الشركة الام في اليابان

مكنة الإزاز

الكلمات الدلالية لهذا الموضوع

المفضلات

المفضلات

ضوابط المشاركة