الموضوع: تجربتى مع قسم السمكرة و الدهان بمركز العبور

المشاركة الأصلية كتبت بواسطة tamohsen

قدر الله وماشاء فعل

بس اسعار قطع الغيار غاليه أوي
انا اول ما قريت سعر الريداتير تقريبا اغمي عليا

الله يكون في عونك
بس بجد اسعار قطع الغيار غاليه أوي
اغلي حتي من الياريس اللي هيه تقريبا نفس الشركه و الفئه

الحمد لله على كل شىء

هى اسعارها غالية جدا جدا

حاليا بنحاول نعمل مقارنة بين اسعارها و اسعار عربيات فى نفس الفئة بتاعتها

المشاركة الأصلية كتبت بواسطة akarem

ربنا يعوض عليك ويخلف عليك بالخير
اهم حاجه انك الحمد لله بخير وبصحه جيدة اى حاجه تانية تتعوض ان شاء الله
ومبارك عليك تصليح العربية

ربنا يخليك يا باشا .. ربنا يحفظنا جميعا من شر الحوادث

المشاركة الأصلية كتبت بواسطة rzeiny

الف سلامة يا معاذ المهم انك بخير

الف شكر لك يا رامى باشا

المشاركة الأصلية كتبت بواسطة Ahmed A.Maksoud

قدر الله و ما شاء فعل و الحمد لله أنها جت على أد كده.

أنا برضه كنت خبطت كلب فى صيف 2007 على طريق الساحل أمام مارينا.......المرحوم كان بيعدى الشارع فجأه بعد ما كان واقف باصص الناحية التانية.
الأضرار عندى كانت أقل من كده و لله الحمد بس مش عاوز أقولك....من ساعتها و أنا منين ما ألاقى كلب فى أى شارع بقف تقريباً لحد لما أشوف هو ناوى على أيه :)

ألف سلامة عليك و على العربية يا معاذ باشا

الف شكر لك يا احمد باشا

هو الكلب رشق فى نص النمر بالظبط, و بعد كده كمل تحت العربية

هو كان بيعدى الكورنيش فى حتة ضلمة عند طره كده, و لما انا اخدت الحارة التانية, رجع فى كلامه و رجع, فكان لا مفر من انى اخبطه

ربنا يحفظنا جميعا من الحوادث و الكلاب الضالة

المشاركة الأصلية كتبت بواسطة CryptonX

الف مبروك يا معاذ :)

الحمد الله انها " ميكانيكيا " رجعت زي الاول لان ده اهم من اي حاجة ( دهان او سمكرة ) !

اللي مجنني بقى حاجتين !

اسعار السمكرة و الدهان بالنسبة لتوكيل سيارات ياباني ! كويسسسسسسسة جدا ! ( طبعا اغلي من السمكرة برة بس برده ده توكيل ! )

اسعار قطع الغيار مقدرش اقول غالية او رخيصة علشان انا معرفش دي تعمل كام في باقي العربيات بس برده مبلغ محترم اوي ! معلش !

هما فعلا كعمالة, متحسش انهم اخدوا فلوس اوى كتوكيل

لكن الطامة الكبرى فى اسعار قطع الغيار, اللى كلمة "مبالغ فيها" قليلة على اللى حاصل حاليا

المشاركة الأصلية كتبت بواسطة for_ever

الحمد لله علي السلامة
و ربنا يعوضك خير ان شاء الله
بس انا شايف ان الاسعار دي عالية اوي زي اسعار قطع الغيار الاوروبي
يا ريت لو حد يفيدنا بمقارنة بين اسعار الاوروبي و الياباني

الله يسلم حضرتك

يعنى كل واحد عنده معلومة عن اسعار عربيات تانية فى نفس الفئة يا ريت ميبخلش علينا بها... و نعمل المقارنة دى و نهديها للتوكيل , لعل و عسى تجيب نتيجة!!