أوكتافيا A5 فانتازيا وسياسة التسويق المصرية

**momomania22** · 28-03-2009 06:54 PM

السلام عليكم
انا النهاردة كلمت توكيل سكودا فرع مدينة نصر
وقاللي ان الاسعار والمواصفات والحجز هيكون موجود بداية من يوم الخميس ان شاء الله

**KHALED AYMAN** · 28-03-2009 10:59 PM

المشاركة الأصلية كتبت بواسطة momomania22

السلام عليكم
انا النهاردة كلمت توكيل سكودا فرع مدينة نصر
وقاللي ان الاسعار والمواصفات والحجز هيكون موجود بداية من يوم الخميس ان شاء الله

ربنا يسهل ...
ابقى بلغنا بالتطورات ...
و مبروك مقدما ..

**sa3dawy** · 29-03-2009 12:54 AM

بلغنا بالتطورات والاسعار وابقا اسأل على الاليجانس ياريت ...
ومرروك مقدما

**Meks** · 30-03-2009 11:15 PM

النهارده ارتوك نزل في جريدة العالم اليوم اعلان عن فتح باب الحجز لفانتازيا الدفعه الثانيه . الاسعار كالتالي:
مانيوال 145,000
تيبترونيك 168,000
سبورت ب 190,000 جم .
لما كلمتهم عرفت ان السبورت فيها زياده عن التيبترونيك الاتي:
1- 2 Airbag زياده
2- Cassette MP3
3- 16inch Wheels
4- فرش جلد
5- طاره مالتي فانكشن

و لما قلتله انها كده تبقى غاليه بالمقارنه بالجيتا و كمان بالمقارنه بالفانتازيا التيبترونيك لو ركبتلها جنوط+MP3 +فرش جلد حتكلفني 10,000 يعني بالكتير حتقف عليا ب 178,000 مش ب 190,000
الغريبه انه وافقني وقاللي والله احنا قلنالهم كده بس مفيش فايده

**Abo_Lina** · 31-03-2009 12:05 AM

و زيادة كمان فتحة السقف
كمان السكودا متعودة انها تنزل بأكتر من مستوى تجهيزات مش 3 بس

**Meks** · 31-03-2009 12:08 AM

السبورت (وكيل) بدون فحة سقف

**mohamed_hamdi** · 31-03-2009 01:01 AM

الفنتازيا الخليجي موجودة كاملة و لسه متفرج عليها امبارح في معرض جنب البيت و كاملة بفتحة السقف و الفرش الجلد و كله ب 200000جنيه و أعتقد مع الكاش تنزل كمان لأنه عارضها بقاله فترة و لسه ماتباعتش.
سألته على الفنيات أكدلي انها نفس العفشة و الموتور و كل حاجة و دي حقيقة فعلا لأن كلنا عارفين انها Face Lift.

**Abo_Lina** · 31-03-2009 01:20 AM

فعلا هيا مش جيل جديد أو شكل جديد زي ما البعض فاهم و بيكتب لكن فعلا Face Lift لل A5.. او A5 معدلة..

**islamaboelnaga** · 31-03-2009 01:32 AM

طب يا جماعه هى عفشه ال a5 فعلا متعبه ؟؟ و الجيتا اريح ؟؟ و الحفر و المطبات بتسمع جامد فى صالون الاوكتافيا ؟؟ و من الاخر بقى هى و لا الجيتا (الكاملين) ؟؟ ياريت اللى يرد يبقى مجرب

**mohamed_hamdi** · 31-03-2009 02:30 AM

المشاركة الأصلية كتبت بواسطة islamaboelnaga

طب يا جماعه هى عفشه ال a5 فعلا متعبه ؟؟ و الجيتا اريح ؟؟ و الحفر و المطبات بتسمع جامد فى صالون الاوكتافيا ؟؟ و من الاخر بقى هى و لا الجيتا (الكاملين) ؟؟ ياريت اللى يرد يبقى مجرب

بص يا اسلام من الآخر علشان تحسم أمورك بين الجيتا و الأوكتافيا :
1- الجيتا رائعة في عزل الصوت عن جسم العربية و الشكل الخارجي و الانسيابية غير نعومة العفشة و يعيبها فقط عزل صوت الموتورغير جيد و الخلوص الأرضي علشان المطبات. أنا عربيتي جيتا 2009 و عارف بقول ايه كويس مش سمع يعني.
2- الأوكتافيا من وجهة نظري الشخصية - و قد أكون منحاز للجيتا علشان عربيتي- أحسن من الجيتا في الخلوص الأرضي فقط وماعدا ذلك الجيتا أحسن تماما.
كل أصدقائي اللي معاهم الأوكتافيا بيشتكوا من الخشونة المزعجة فيها و خصوصا في السفر و ده متوقع لأن ارتفاع السيارة عن الأرض بيأثر على الثبات فسكودا بتعوض ده بالعفشة الناشفة والا العربية هاتعوم بدليل البي ام برضه ارتفاعها من الأرض زي الجيتا بس اسمها بي ام. أيضا الشكل غير الانسيابي للأوكتافيا بيجعل مقاومة الهواء للعربية أعلى من الجيتا و بيسبب صوت جامد في جسم العربية مع السرعة.

طبعا جزئية قطع الغيار و ارتفاع أسعارها غير منطقية في المقارنة لأنك علشان تركب ألماني لازم تبقى حاسب أمورك كويس وعارف ان ركوب الألماني ليه أعباؤه زي ما بتحصل على أعلى ثبات و ثقة تامة في العربية اللي راكبها و ده شعور لا يمكن يتحقق الا مع الألماني و الكل عارف كده كويس.

خالص احترامي للجميع.

محمد

الموضوع: أوكتافيا A5 فانتازيا وسياسة التسويق المصرية

LinkBack

أدوات الموضوع

عرض

-

-

-

-

-

-

المواضيع المتشابهه

أوكتافيا فانتازيا 2010 بحالةالزيرو

أوكتافيا فانتازيا ولا سوناتا 2000 cc

أوكتافيا فانتازيا أو جيتا ؟؟؟؟

سكودا أوكتافيا فانتازيا

أومترا وكيل فيات الجديد وسياسة التسويق الفاشلة فى مصر

الكلمات الدلالية لهذا الموضوع

المفضلات

المفضلات

ضوابط المشاركة