أوكتافيا A5 فانتازيا وسياسة التسويق المصرية

**islamaboelnaga** · 31-03-2009 02:38 AM

الف شكر ياباشا ...و الله انا كنت مقتنع بالاوكتافيا الجديده لغايه لما واحد قريبى معاه اوكتافياا قالى بلااش و الجيتا انعم و اثبت منها (هو معاه اوكتافيا ) و ان فى صوت فى الوكتافيا مع الحفر بيطلع من الشنطه و الابوااب (طبعا حرام عربيه ب 200 الف و اسمع صوت او ابقى مش مرتاح من العفشه ) و قالى انو ركب الجيتا و هى احسن منها ...انا خايف بس من علو العربيه (معايا لانسر 99 مشكككككككككله :d:d) و التوكيل ...مش المفروض ال 2 نفس قكع الغياار ؟؟؟

**mohamed_hamdi** · 31-03-2009 02:48 AM

العربيتين نفس الموتور طبعا Mpi 1600 Cc و معظم السيارات اللي في نفس كود الشاسيه بمعنى A5 بتشترك في قطع غياركتير مع تميز كل عربية طبعا حسب الشركة.
موضوع المطبات بتتعود عليه مع الوقت و تعرف تتعامل ازاي معاه و هيا فعلا مش بتحك عمال على بطال ولكن بتظهر مشكلة الخلوص الأرضي فقط في حالتين : المطبات الجبلية اللي ملهاش حل و التحميل الخلفي بثلاث ركاب مع الشنط حتى موضوع التحميل لو مطب معمول صح او مش عالي قوي مابتحكش منك خالص. الأهم من كده ان التصفيح السفلي بيأمنلك العربية بنسبة كبيرة طالما المطبات بتاخدها بهدوء.
أنا مازلت عند رأي اللي قولته من شوية ان الأوكتافيا ميزتها الوحيدة عن الجيتا جزئية الخلوص الأرضي فقط لا غير ماعدا ذلك الجيتا لا يعلى عليها.

محمد

**Shikaz** · 31-03-2009 04:46 AM

المشاركة الأصلية كتبت بواسطة mohamed_hamdi

بص يا اسلام من الآخر علشان تحسم أمورك بين الجيتا و الأوكتافيا :
1- الجيتا رائعة في عزل الصوت عن جسم العربية و الشكل الخارجي و الانسيابية غير نعومة العفشة و يعيبها فقط عزل صوت الموتورغير جيد و الخلوص الأرضي علشان المطبات. أنا عربيتي جيتا 2009 و عارف بقول ايه كويس مش سمع يعني.
2- الأوكتافيا من وجهة نظري الشخصية - و قد أكون منحاز للجيتا علشان عربيتي- أحسن من الجيتا في الخلوص الأرضي فقط وماعدا ذلك الجيتا أحسن تماما.
كل أصدقائي اللي معاهم الأوكتافيا بيشتكوا من الخشونة المزعجة فيها و خصوصا في السفر و ده متوقع لأن ارتفاع السيارة عن الأرض بيأثر على الثبات فسكودا بتعوض ده بالعفشة الناشفة والا العربية هاتعوم بدليل البي ام برضه ارتفاعها من الأرض زي الجيتا بس اسمها بي ام. أيضا الشكل غير الانسيابي للأوكتافيا بيجعل مقاومة الهواء للعربية أعلى من الجيتا و بيسبب صوت جامد في جسم العربية مع السرعة.

طبعا جزئية قطع الغيار و ارتفاع أسعارها غير منطقية في المقارنة لأنك علشان تركب ألماني لازم تبقى حاسب أمورك كويس وعارف ان ركوب الألماني ليه أعباؤه زي ما بتحصل على أعلى ثبات و ثقة تامة في العربية اللي راكبها و ده شعور لا يمكن يتحقق الا مع الألماني و الكل عارف كده كويس.

خالص احترامي للجميع.

محمد

استاذ محمد,

طب الكماليات إلى زى مرايه بتضلم لوحدها و حساسات مطر و مرايات بتضم
ده موجود فى الجيتا ؟

**mohamed_hamdi** · 31-03-2009 12:35 PM

يا باشا كل اللي نفسك فيه موجود في الكمفورت لاين 2009 بما فيها مرايات الضم و حساسات الضوء و المطر و الباركنج و دي سعرها عند جابر عبد الشهيد حسب اعلانه في اهرام الجمعة اللي فاتت حوالي 188000 جنيه . الفئة الأعلى منها تزيد الفرش الجلد الأصلي و سخانات الكراسي و البلوتوث بس الحقيقة لا أعلم سعرها.

محمد

**momomania22** · 31-03-2009 05:51 PM

انا رايح بكرة ان شاء الله أحجز المانيوال الشامبين
ادعوووووولي

**mohameduoser** · 31-03-2009 06:19 PM

مبروك مقدما

**mohameduoser** · 31-03-2009 06:22 PM

المشاركة الأصلية كتبت بواسطة mohamed_hamdi

بص يا اسلام من الآخر علشان تحسم أمورك بين الجيتا و الأوكتافيا :
1- الجيتا رائعة في عزل الصوت عن جسم العربية و الشكل الخارجي و الانسيابية غير نعومة العفشة و يعيبها فقط عزل صوت الموتورغير جيد و الخلوص الأرضي علشان المطبات. أنا عربيتي جيتا 2009 و عارف بقول ايه كويس مش سمع يعني.
2- الأوكتافيا من وجهة نظري الشخصية - و قد أكون منحاز للجيتا علشان عربيتي- أحسن من الجيتا في الخلوص الأرضي فقط وماعدا ذلك الجيتا أحسن تماما.
كل أصدقائي اللي معاهم الأوكتافيا بيشتكوا من الخشونة المزعجة فيها و خصوصا في السفر و ده متوقع لأن ارتفاع السيارة عن الأرض بيأثر على الثبات فسكودا بتعوض ده بالعفشة الناشفة والا العربية هاتعوم بدليل البي ام برضه ارتفاعها من الأرض زي الجيتا بس اسمها بي ام. أيضا الشكل غير الانسيابي للأوكتافيا بيجعل مقاومة الهواء للعربية أعلى من الجيتا و بيسبب صوت جامد في جسم العربية مع السرعة.

طبعا جزئية قطع الغيار و ارتفاع أسعارها غير منطقية في المقارنة لأنك علشان تركب ألماني لازم تبقى حاسب أمورك كويس وعارف ان ركوب الألماني ليه أعباؤه زي ما بتحصل على أعلى ثبات و ثقة تامة في العربية اللي راكبها و ده شعور لا يمكن يتحقق الا مع الألماني و الكل عارف كده كويس.

خالص احترامي للجميع.

محمد

ياريت المقارنات تكون فى قسم المقارانات دة موضوع عن الاسعار

**momomania22** · 01-04-2009 11:22 AM

حجزت والحمد لله ،،، مانيوال ودفعت مقدكدم 5000 الاف جنيه
واخترت لونين الشامبيين والفضي بس أكدت طبعا على الشامبين
والاستلام بعد 15 يوم ان شاء الله
ولكل من ساعدني على اتخاذ قرار الانتظار جزيييل الشكر والتقدير
وان شاء الله اول لما استلم ، اللي عايز اي سؤال انا تحت امره
في امان اله
نقطة مهمة : الفرق بين المانيوال واول فئة في الاوتوماتيك الجير بوكس والتكييف اوتوماتيك
وفرق السعر 23 الف جنيه وحجز الاوتوماتيك تقر يبا قرب يخلص
الي متاح المانيوال وده ب 145 والاسبورت وده سعره 190
ودمتم بيألف خير
في امان الله