قــطط داخــل موتــور السيــــارة !

**Michael_Lanos** · 20-11-2009 11:19 PM

المشاركة الأصلية كتبت بواسطة eng.geo

موضوع جامد جدا وقطط جميلة
انا هحكيلكوا علي موقف:
وانا في اولي ثانوي كان في يوم عندنا حصة العاب وكانت من اكتر الحصص اللي كل الطلبة بتحبها وواحنا بنلعب كورة كان في استاذ معاه لانوس بيضاء وراح داخل العربية عشان يدورها ويمشي واول مادور العربية اذا بصوت صريخ رهيب جدا جاي من عند الموتور المهم الراجل نزل يجري من العربية واحنا سيبنا الملعب وده مش من عادتنا وروحنا نشوف في ايه فناديناله وبعدين تتطوعت افتح الكبوت ..........بفتح الكبوت لقيت دم كتيييييير في كل حتة والمنظر بشع وقطع غيار قطط متنطورة وده كان دوري اما بعد كده فجت المرحلة بتاعة انتشال الاشلاء وده كانت عن طريق مدرس تاني جاب سفنجة كبيرة وخرطوم ميه واشتغل بس برده كان في اثار بس بعد كدة خدها علي بنزينة وبقت تمام ومن ساعتها بقي كل ما ييجي يدور العربية يعض ربع ساعة عمال يفتح الكبوت ويبص عند كل عجلة ويهزها ويكلكس ..الراجل اتوسوس ..بس للاسف اظاهر ان مفيش حل غير كدة

الموقف صعب جدا، حصل زييه بالظبت مع صديق ليا فى فيرنا وتعبوا جدا فى البنزينه، ده غير ان القطه دي روح والواحد على قد مايقدر يحافظ عليها وما ياذيهاش

**sobhysm** · 21-11-2009 12:43 PM

أنا بردة كنت بلاقى قطط فى الكبوت علشان كدة كنت بدور العربية وأسيبها دايرة 3 دقائق لحد ما تمشى القطط وأطلع بالعربية

**Michael_Lanos** · 22-11-2009 12:36 AM

المشاركة الأصلية كتبت بواسطة sobhysm

أنا بردة كنت بلاقى قطط فى الكبوت علشان كدة كنت بدور العربية وأسيبها دايرة 3 دقائق لحد ما تمشى القطط وأطلع بالعربية

الخوف انك وانت بتدور قطه تكون جنب مروحه ولا سير .....

**Michael_Lanos** · 22-11-2009 09:58 AM

المشاركة الأصلية كتبت بواسطة nomercy22

هههههههههههههههه
ماتديني قطه منهم

بس كده
تعالى انا اعرف واحده عندها 5 شيزارى مولودين من شهر ونص لو عاوز وقد المسؤليه يلا شيل

وفى كمان فى الشركه عندي 4 عادي نفس السن فى الجنينه، بس بجد مسلينا جامد

**abogogo** · 22-11-2009 09:13 PM

احسن طريقة تبعد القطط عن العربية

http://http://www.youtube.com/watch?...eature=related

**Michael_Lanos** · 23-11-2009 09:49 AM

المشاركة الأصلية كتبت بواسطة abogogo

احسن طريقة تبعد القطط عن العربية

http://http://www.youtube.com/watch?...eature=related

طيب ازاى ؟

**mucho** · 03-12-2009 12:02 PM

انا دايما بحب اعلن خوفي من اي شئ موش عيب انا بخاف من القطط والكلاب واي حاجه ليها فرو
مره الصبح كنت بزود ماية الردياتير فاتحت الكبوت لاقيت تلات قطط على وش الموتور
انا ما اعرفشي ازاي انا سيبت الكبوت ونطيت على الرصيف التاني بسرعة الفيمتوا ثانية
بس الحمد لله القطط نطت في الفيمتوا ثانيه دي برضوا
ومن بعدها حرمت افتح الكابوت الا بعدما ادور العربية واقعد دقيقتين كده

**Michael_Lanos** · 03-12-2009 02:15 PM

المشاركة الأصلية كتبت بواسطة mucho

انا دايما بحب اعلن خوفي من اي شئ موش عيب انا بخاف من القطط والكلاب واي حاجه ليها فرو
مره الصبح كنت بزود ماية الردياتير فاتحت الكبوت لاقيت تلات قطط على وش الموتور
انا ما اعرفشي ازاي انا سيبت الكبوت ونطيت على الرصيف التاني بسرعة الفيمتوا ثانية
بس الحمد لله القطط نطت في الفيمتوا ثانيه دي برضوا

ومن بعدها حرمت افتح الكابوت الا بعدما ادور العربية واقعد دقيقتين كده

المشكله انهم كمان هايخافوا منك وهاياخدوا وضع الهجوم