تقرير صيانة الـ 5000 جين2 مو 2009

**ahmedsiyam** · 27-03-2009 01:48 AM

السلام عليكم

تحية طيبة للاخوة الاعضاء

فى اخوة افاضل كانو بيسالونى على المشاكل اللى طلعت فى مو2009 و اتعالجت و لا لأ و انا قولت انى هاقول ايه اللى تم فى العربية بعد صيانة الـ 5000

اولا انا اللى كان عندى التالى

- حدفة يمين
- خبطة فى الدركسيون
- صوت عجيب جاى من التابلوه
- تزييق فى الشنطة
- التكييف بيفصل و يشتغل بسرعة
- العربية مابتعديش 160 كلم / ساعة

دخلت على الموقع الخاص بالتوكيل و عملت حجز و جالى ايميل بياكدوا على الحجز و الميعاد
روحت مركز الصيانة الرئيسى فى ابو رواش و السيد مهندس الاستقبال استلم العربية و كله مشى كويس

النتيجة لما طلعت اجرب

اول أربعة عيوب الحمد لله تم معالجتهم
التكييف مشكلته انه لازم افك التابلوه و اسيب العربية يومين و انا موش فاضى طبعا للكلام ده دلوقتى
السرعة اتظبطت و كان الموضوع تظبيط بسيط و الحمد لله اطمئنيت على العربية

صيانة الـ 5000 تشمل تغيير زيت و فلتر و تربيط عفشة و كشف كامل على السيارة و الحمد لله تمت بنجاح و زيى الفل

فى ملاحظات احب انوه عنها :

- العربية لما تسافر بيها او تقرص عليها شوية صوت الموتور بيهدى حاجة بسيطة و ده كويس موش وحش
- العربية كل ما تمشى بيها اكتر يبتدى استهلاك البنزين يتحسن و اهم حاجة المحافظة على نظافة فلتر الهواء و انا عن نفسى بافكه انظفه و اركبه تانى عادى جدا
- طبعا الموتور الـ iafm افضل فى استهلاك البنزين من الموتور الـ campro العادى
- اداء الـ campro على السرعات العالية مازال هو الافضل
- فى كل الاحوال العربية دى موش هاتحس بيها الا اذا ركبتها مانيوال و موش هايفرق ساعتها اى موتور لانها حلوة جدا فى المانيوال

**Ayman_52** · 27-03-2009 03:33 AM

الف مبروك يا استاذ/احمد

وربنا يباركلك فى الجميله يارب...ويحفظهالك من كل شر

والحمد لله ان كل المشاكل اتحلت....ربنا يحفظهالك

**eslam_wega** · 27-03-2009 03:40 AM

الله عليك يا بوحميد وعلى التقيم الجامد
دفعت كام بقة فى الليلة دى كلها

**kloda** · 27-03-2009 03:41 AM

الحمد لله يا استاذ احمد و ربنا يباركلك فيها يا رب

**Boody8882** · 27-03-2009 03:47 AM

الف مبروووك يا أستاذ أحمد
والحمد لله إن المشاكل خلصت وإن شاء الله العربية تبقى زى الفل وميظهرش فيها الهوا
ربنا يباركلك فيها إن شاء الله
ومستنيين تقرير ال 100000 كيلو إن شاء الله

**khpopo** · 27-03-2009 12:00 PM

ربنا يبارك لك يااحمد باشا وتفضل مبسوط منها :k38:
ربنا يوفق

**tutankhamoun** · 27-03-2009 12:03 PM

ألف مبروك يا أستاذ أحمد الصيانة و الحمد لله أنك مبسوط و العربية أتظبطت في صيانة الخمسة الاف .

إن شاء الله ربنا يباركلك فيها و يبارك فيك و يقيك شر الطريق
و شكرا على رأيك الجميل عن السيارة .

**ahmedalihomos** · 27-03-2009 01:41 PM

الف مبروووك بس عارف ازاي احجز علي النت

**AhmedGen2** · 27-03-2009 02:34 PM

أستاذ أحمد انت كنت موجود هناك امبارح مش كدة برضه؟ غالبا ً هو أنت. عموما ً مبروك على الصيانة ، كنت عاوز أسألك بخصوص الفلتر بتنظفه ازاى؟.

**momenhamdy** · 27-03-2009 03:29 PM

الف مبرووووووووووووك يا استاذ احمد علي صيانه ال 5000 كم

ويارب تفضل علي طول راضي عن اداء الجين 2 و اداء التوكيل معاك

بس في نقطه مهمه حضرتك قولت ان اول اربع مشاكل اتحلوا و الباقي لسه

بس حضرتك قولت ان الحمد لله انا جربت العربية بعد تنظيف الفلاتر و وصلت ل 200 كم/س صح ؟؟ و لا ايه
بالنسبه بأ للمشكله الخاصه بالتكيف هل المشكله دي عامله مشكله في عمليه التبريد يعني مش بيديك الاداء المطلوب ؟؟؟؟

ولك جزيل الشكر
وربنا يباركلك في العربية ان شاء الله

الموضوع: تقرير صيانة الـ 5000 جين2 مو 2009

LinkBack

أدوات الموضوع

عرض

تقرير صيانة الـ 5000 جين2 مو 2009 - انشر الموضوع فى :

-

-

-

-

-

-

المواضيع المتشابهه

تقرير صيانة 5000 واجا 2009

تقرير صيانة ال 5000

تقرير 5000 كيلو - جين2

صيانة 5000 للوجان رومانى 2009

كم تكاليف صيانة 5000 للسيريون 2009؟؟

الكلمات الدلالية لهذا الموضوع

المفضلات

المفضلات

ضوابط المشاركة