تصحيح لمعلومة خطأ بخصوص تغيير زيت السريون

**أبو عبدالله** · 30-03-2009 02:44 PM

يا معاذ انا لا انكر كلام الكتالوج ولا اقصد من كلامي اني معارض
انا بتكلم على اللي حصل معايا بره التوكيل
اني لما حطيت بره حطيت 3.5 لتر وطلع القياس مظبوط
انا حبيت اقول بس اللي انا جربته

فياريت الناس متبقاش متحفزة كده
يعني انا مغلطتش في حد ولا ايه
براحه يا أخواني وركزوا في الكلام
*************
ربنا يهدينا

______________________
لقد خالفت القاعدة رقم (13) من قواعد المنتدى لذا يتوجب حصولك على (تنبيه ).

يرجى مراجعة قواعد المنتدى

مشرف القسم

**معاذ الشرباصى** · 30-03-2009 05:26 PM

المشاركة الأصلية كتبت بواسطة أبو عبدالله

يا معاذ انا لا انكر كلام الكتالوج ولا اقصد من كلامي اني معارض
انا بتكلم على اللي حصل معايا بره التوكيل
اني لما حطيت بره حطيت 3.5 لتر وطلع القياس مظبوط
انا حبيت اقول بس اللي انا جربته

فياريت الناس متبقاش متحفزة كده
يعني انا مغلطتش في حد ولا ايه
براحه يا أخواني وركزوا في الكلام
*************
ربنا يهدينا

______________________
لقد خالفت القاعدة رقم (13) من قواعد المنتدى لذا يتوجب حصولك على (تنبيه ).

يرجى مراجعة قواعد المنتدى

مشرف القسم

ابوعبدالله

انا صراحة مش عارف ايه اللى حصل علشان حضرتك تكتب كده ... مش شايف ان فى حاجة اتكتبت او حصلت تستدعى الكلام ده!.

على العموم الغرض الاساسى من ماقشاتنا هنا هو الوصول للمعلومة الصحيحة علشان الكل يستفيد, مش الغرض مين قال كلام صح, و التانى غلطان و نحسب نقط و الكلام ده ... كلنا اكبر من كده بكتير

غرضنا كلنا المصلحة العامة فقط.

دلوقت حضرتك لما م/احمد مشكورا صلح المعلومة, صلحها من كتالوج السيارة, اللى هو اعلى مرجع فيه معلومات عن العربية, و اى خلاف بينا بنرجع للكتالوج للوصول للمعلومة الصح.

يبقى دلوقت بعد اما قلنا بتاخد 3.1 لتر من كتالوجها, حضرتك تقول هى بتاخد 3.5 لتر!!

يعنى مرجعنا التجربة الشخصية لفرد واحد او اتنين, و لا كتالوج الصانع؟!

و اظن من احسن المواضيع اللى فصل فيها الكتالوج فى خلاف كان دائر هنا فى منتدى ديهاتسو عن السريون 1.0 و البنزين بتاعها و كان مكتوب انه موصى لها بنزين 90 ... و ساعتها محدش يقدر يقول و الله انا بحط لها 80 و بتمشى زى الفل.

موضوع السريون 1.0

صانع السيارة قال من بنزين 90 و انت طالع, يبقى خلاص, اللى عاوز يحط 95 يحط, اللى عاوز 80 برضه هو حر... بس يتحمل عواقب قراره الشخصى, و ميفرضش رأيه ده على حد.

أنا عن نفسى مكنتش مقتنع بسبب نسب الانضغاط, لكن بما ان الكتالوج مكتوب فبه كده, يبقى مفيش كلام بعده يتقال ... انا بقى عاوز زيادة حرص استخدم حاجة اعلى دى حاجة تخصنى.

الموضوع عمره ما كان شخصى, و لا لأغراض دفينة ... الغرض الاساسى هو المنفعة العاملة للكل بغض النظر مين اللى قال المعلومة.

اتمنى اكون قدرت اوضح وجهة نظرى يا ابوعبدالله :k10:

**MoToRiZeR** · 30-03-2009 05:48 PM

انا مرة ايام ما كان الحجز في الصيانة بياخد شهور برضه إضطريت أغير الزيت برة .. و أخد 3 و نص لتر مع تغيير الفلتر و المؤشر علي ماكس من وقتها .

هل أنزل شوية زيت يا جماعة ولا أعمل إيه ؟

**عمرو عمارة** · 30-03-2009 06:31 PM

ده وضع المؤشر في الكاتالوج

**MoToRiZeR** · 30-03-2009 06:36 PM

طب ليه التوكيل بيعملها علي ماكس !!؟

**معاذ الشرباصى** · 30-03-2009 07:05 PM

المشاركة الأصلية كتبت بواسطة عمرو عمارة

ده وضع المؤشر في الكاتالوج

يا ريت يا جماعة اللى يقيس منسوب الزيت يتبع التعليمات دى علشان نعرف المستوى الحقيقى

بخصوص حرارة التشغيل, الى هى لما اللمبة الخضراء تطفى ... بتقفل العربية و تنتظر 3-4 دقائق و بعدين تقيس

متقيسش و هى لسه باردة, او بعد مشاوير يكون الموتور سخن

**MoToRiZeR** · 30-03-2009 07:29 PM

طيب انا هنزل أقيس دلوقت بالطريقة دي و أقولكم .

**MoToRiZeR** · 30-03-2009 07:55 PM

i started the car and waited till the green indicator was off, then i waited for 3 mins

**eng_ah_xxxx** · 30-03-2009 10:38 PM

السلام عليكم ,طريقة قياس الزيت الصحيحة فى السيارات التى فوق 2001 وتستخدم الزيت التخليقى مثل موبيل وان أو شل ألترا هى كالأتى مثل الذى ذكر فى كتالوجات الدايهاتسو والتويوتا كورولا 2007 وأيضاً السيارات التى كانت معى قبل ذلك:كيا سبكترا 2003 والنيسان صنى 2006 وسيارة أخى الحالية لانسر 2006 والسابقة ماتريكس 2005 :
تدوير السيارة فى أول اليوم (أول دوارة )وعلى سطح مستوى تماماً والأنتظار حتى درجة حرارة التشغيل العادية للسيارة أو القريبة منها وهى تقريباً 8 دقائق فى معظم السيارات (حوالى 4 بعد اللمبة الخضراء تنطفى أما فى العربيات التى يوجد التى يوجد بها مقياس حرارة الأنتظار حتى يصل عداد الحرارة إلى الوضع الذى دائماً السائق يراه علية أو قريب منة)
ثم أطفاء الموتور والأنتظار حوالى 4 دقائق أخرى حتى يرجع كل الزيت إلى كارتيرة الزيت من أعلى الموتور
سحب مقياس الزيت ومسحة جيداً بقطعة قماش نظيفة ولا تخلف وبرة حتى لا تؤثر على نظافة الزيت
أدخال المقياس إلى الأخر وسحبة بعد حوالى 2 ثانية واخذ القراءة

أحب أن أوضح سبب قياس الزيت بعد دوران المحرك بفترة قصيرة وليس على البارد وهى: أن الزيوت التخليقية كموبيل وان تتأثر لزوجتها وبالتالى قراءتها(حجم) بدرجة الحرارة بعكس أنواع الزيوت الأخرى المعدنية والقديمة فى السيارات القديمة فبالتالى عندما تقيس على البارد قبل دوران المحرك صباحاً سوف يعطيك قراءة اقل كثيراً من الحقيقية وبعد مشوار طويل وحرارة أعلى سوف تعطيك أعلى من الحقيقى , ويوجد سبب آخر أن السيارات الحديثة يوجد بها كستبنات فى وش الموتور فوق بدلاً من التاكيهات القديمة (صحون) وهذة الكستبنات هى فى الأصل بلوف صغيرة جداً تسحب كمية من الزيت حتى تفتح وتغلق بعكس الصحون القديمة لذلك مهم جداً للسيارات الحديثة استخدام الزيوت التخليقية لأن لزوجتها متغيرة أكثر بدرجة الحرارة(أنت تحتاج إلى لزوجة خفيفة فى البارد وعند بداية الدوران ولزوجة ثقيلة عند درجات الحرارة العالية واللفات الموتور العالية) وسريانها اكثر بالنسبة لهذة البلوف الصغيرة وعلى فكرة عدم عمل هذة البلوف جيداً يؤثر على أداء السيارة(حرارة وسحب واستهلاك بنزين) و بعد ذلك على تاكل الصبابات أنفسهم فهذا هو فائدة الزيوت التخليقية على المعدنية
يا جماعة من خلال عملى كمهندس تحكم آلى فى شركة بترول جزء كبير من المشاكل يمكن تجنبة والحصول ايضاً على احسن اداء لو اتبع تعليمات التشغيل من صانعى المعدة انفسهم بدقة
وشكراً لكم جميعاً وأرجو الا أكون أطلت عليكم.

**أبو عبدالله** · 31-03-2009 12:16 AM

يبقى دلوقت بعد اما قلنا بتاخد 3.1 لتر من كتالوجها, حضرتك تقول هى بتاخد 3.5 لتر!!

ما هو ده الكلام يا معاذ
انا رديت عليك ليس لتأكيد ان الصح 3.5 او 3.1 او ان غلط 3.5 او 3.1
ولكن البعض رد على كلامي اني بأكد ان الصح 3.5 وهذا مالم اقوله او فهم خطأ

لأني قولت بالحرف ردا على كلامك ومشاركة في الموضوع

على فكره يا معاذ العربيه بتغير 3.5 لتر
انا مغيره بنفسي قبل كده وفعلا العربيه اخدت 3.5 لتر والمقاس طلع مظبوط

يعني انا بقولك ان العربيه فعلا اخدت 3.5 لتر
لأن احنا ابتدينا كلامنا في الموضوع ده علشان النص لتر اللي مش بناخده في التوكيل
فأنت قولت ان ان السيريون بتاخد 3.1 لتر يعني في حوالي 0.9 لتر مش بناخدهم
فأنا بقولك ان انا لما غيرت بره التوكيل غيرت 3.5 لتر برضه
فأنا بقول اللي حصل معايا مش اكتر ولا اقل
يعني انا مشاركتي ولا بتثبت ولا بتنفي
احنا بنتناقش يعني
فأكيد لما الاقي حد بيرد على كلامي اني بأؤكد شئ في صحته او خطأه
وهذا لم يحدث
فأكيد احس ان الردود فيها تحفز
مش اكتر ولا اقل
وعلى فكره كلامي ليس موجه لأحد بعينه ولا لك شخصيا يا معاذ انت اخويا والكل اخواني

الموضوع: تصحيح لمعلومة خطأ بخصوص تغيير زيت السريون

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

إستفسار عاجل جدا لمعلومة استفزتني جداااا

استفسار بخصوص عملية الليزك (تصحيح النظر)

بخصوص تغيير البطارية

بخصوص تغيير زيت المحرك

تصحيح بخصوص لانسر 1300

الكلمات الدلالية لهذا الموضوع

المفضلات

المفضلات

ضوابط المشاركة