الموضوع: تصحيح لمعلومة خطأ بخصوص تغيير زيت السريون

المشاركة الأصلية كتبت بواسطة معاذ الشرباصى

هو ببساطة هعمل الاتى:

هركن العربية جنب بنزينة موبيل, اروح اى مشوار و ارجع بعد 2-3 ساعات تكون العربية بردت.

هخلى الولد اللى هناك يجيب ليا جركن موبيل 1, سعة 1 لتر, علشان الزيت بتاعى اللى هنزله ميختلطش مع اى حاجة تانية.

الجركن ده عليه تدريج من الجنب من 0 لحد 1 لتر.

هنرفع العربية, و هخليه يستخدم القمع, يفتح الطبة و ينزل كمية نص لتر بأستخدام التدريج اللى على جركن 1 لتر, لأن التوكيل نزل كمية اصلا هناك.

بعد كده ننزل العربية و نقيس.

الله يفتح عليك

المشاركة الأصلية كتبت بواسطة معاذ الشرباصى

أنا كنت امبارح فى مركز الصيانة

كنت بعمل 3 حاجات:

1- الدركسيون بيلف فى حتة اكتر من التانية
2- دواسة البنزين تقيلة ( ده بعد تجربة سيارات عمرو باشا و د. محمد) و عمرو عمارة لاحظ الموضوع ده فى عربيتى كمان
3- انزل الزيت الزيادة

اول نقطتين هتكلم عنهم فى موضوع تغيير العلبة لكن بخصوص الزيت الزيادة

طلبت من مهندس ماجد ان الزيت الزيادة اللى هينزل, ينزلواه فى جركن زيت علشان بعد لما ينزل الزيادة نقيس و نشوف لو محتاجين نزود علشان نبقى عن الكمية المظبوطة بالمقياس... و اكدت عليه كذا مرة و هو أكد لى انه نبه عليهم فى الورشة.

اللى حصل كان حاجة غير متوقعة جدا من استاذ سيد ابوالنصر (chief Technicians).

انا قاعد فوق فى الاستراحة و بتفرج على العربية مع أ/ياسر, لقيته برضه هينزل الزيت فى المصفى بتاعتهم (يعنى الزيت فى عداد المفقودين خلاص) ... نزلت بسرعة لمهندس ماجد, هو دخل بسرعة عليه الورشة, و فضل ينادى عليه, و هو مطنشه و مصمم يعمل اللى فى دماغه, غير كده لما وصل له الاستاذ سيد رفض تماما انه ينزل الزيت زى ما انا طلبت, و كان السبب بتاعه ان الزيت سخن و صعب جدا ينزل فى جركن.

ببساطة شديدة كان يقدر يستخدم قمع, و يحط الجركن تحت العربية بمسافة معقولة و الفنى يفتح الطبة, ينزل لتر زيت او 0.75 لتر مثلا و بعد كده نقيس.

لأ ده كمان, بعد لما خلص مشافش المقياس, و نزل العربية من على الكوريك, بالرغم ان كان بقالها فترة فوق, يعنى كان ممكن يقيس و يرفع تانى و ينزل الباقى ... و ده كان سبب اننا نستنى حوالى ساعة الا ربع لحد اما العربية تبرد شوية علشان نشوف المقياس.

طلعت لمهندس احمد عبدالوهاب, و هو قالى متقلقش, هديك زيت من عندى جديد.

انا بس لما شفنا المقياس, و لقيت لسه برضه فوق ال max , قلت ملهاش لازمة.

العربية بعد سحب كمية من الزيت بقت "فايقة" اكتر, استجابتها و سحبها احسن.

إن شاء الله هروح اى بنزينة و انزل الكمية الباقية و اوافيكم بالتفاصيل بعد اما ننزل الزيت الزيادة.

كالعادة وللاسف وده كان رايى من الاول ان الفنى هو سيد الموقف وده اللى خلى سيد مينفذش تعليمات المهندس
وحسبنا وحسبك الله ونعم الوكيل يا د.معاذ

المشاركة الأصلية كتبت بواسطة معاذ الشرباصى

و ده كان رد مهندس احمد

" اولا تم تغيير حجم الكرتيرة بين موديلات 2007 و 2008 (2009 نفس 2008) و الارقام المذكورة فى الكتالوجات سليمة.

التوكيل بيحطوا 3.4 لتر لموديلات 2008 و 2009 و قالى انه كده كده فى زيت بيتبخر و لما بتقرص على الموتور, بتلاقى تعريق زيت ,,, فعلشان كده بيحطوا 0.3 لتر زيادة بحيث على الصيانة اللى بعدها يكون الزيت المتاح فى الحدود السليمة مش اقل منها.

و قالى انت تبدأ تقلق لو الموتور فيه اكتر من نص لتر زيادة ... و التأثير بيبان على فلتر الهواء"

ده كان كلام مهندس احمد عبدالوهاب

فى تصحيح للمعلومة دى.

انا و مهندس مصطفى على مدير الاستقبال رحنا قطع الغيار و دورنا على ال parts number للكارتيرة لموديلات 1.3 2007 وال 1.3 و1.5 موديلات 2008 .... وجدنا ان الكارتيرة واحدة للموديلات دى كلها مفهاش تغيير.

اما الختلاف اللى وجدنا فهو فى الparts number الخاص بال Dip stick اللى بتقيس الزيت فهى مختلفة لموديلات 2007 و 2008

اما عن سر الاختلاف النص لتر ما بين موديلات 2007 و 2008 فلازالوا بيبحثوا هذا الامر و بأنتظار الرد من اليابان.

المشاركة الأصلية كتبت بواسطة معاذ الشرباصى

فى تصحيح للمعلومة دى.

انا و مهندس مصطفى على مدير الاستقبال رحنا قطع الغيار و دورنا على ال parts number للكارتيرة لموديلات 1.3 2007 وال 1.3 و1.5 موديلات 2008 .... وجدنا ان الكارتيرة واحدة للموديلات دى كلها مفهاش تغيير.

اما الختلاف اللى وجدنا فهو فى الparts number الخاص بال Dip stick اللى بتقيس الزيت فهى مختلفة لموديلات 2007 و 2008

اما عن سر الاختلاف النص لتر ما بين موديلات 2007 و 2008 فلازالوا بيبحثوا هذا الامر و بأنتظار الرد من اليابان.

فعلا Dip stick متغيره بين الموديلين
لأن انا وعمرو لما كنا في المقابلة الأخيرة واقفين بنتكلم في الزيت
فتحنا العربيتين وفعلا لاحظنا ان بتاعتي بلاستيك اصفر
وبتاعت عمرو حديد

اليوم قمت بركن العربية بجانب بنزينة ... و سيبتها لحد اما بردت و بعد كده رحت للراجل علشان ينزل الزيت.

الحاجة الغريبة ان اكثر من بنزينة موبيل فى المعادى رفض يدينى جركن زيت موبيل 1 سعة 1 لتر, و قال لى انها تعليمات من الادراة علشان الزيت بيتضرب, و بقى فى منه مغشوش .... و لاحظت انهم بيحتفظوا بالجراكن الفاضية عندهم.

الفنى فى البنزينة معرفش يفك طبة الزيت .... فقلقت منه الصراحة, قلت له سيبها و اسحب زيت بالماكينة, لكن هنسحب واحدة واحدة و نقيس.

فضلنا نسحب و نقيس لحد اما مستوى الزيت بقى تحت علامة ال max بحوالى شرطتين, ففضلت انى اوقف لحد كده. الكممية اللى اتسحبت حوالى ربع لتر زيادة عن الكمية اللى اتسحبت فى التوكيل (الله اعلم كانت كام)

مش عارف الصراحة اوصف لكم قد ايه العربية بقت ممتعة فى سواقتها ... السحب بقى ممتاز, استجابة الموتور جميلة جدا و دواسة البنزين بقت اخف, و الكتمة اللى كانت فيه اختفقت.

إن شاء الله غذا صباحا, هقيس الزيت منسوبه ايه بالطريقة المذكورة فى الكتالوج و هصورها و ارفعها هنا.

المشاركة الأصلية كتبت بواسطة معاذ الشرباصى

مش عارف الصراحة اوصف لكم قد ايه العربية بقت ممتعة فى سواقتها ... السحب بقى ممتاز, استجابة الموتور جميلة جدا و دواسة البنزين بقت اخف, و الكتمة اللى كانت فيه اختفقت.

إن شاء الله غذا صباحا, هقيس الزيت منسوبه ايه بالطريقة المذكورة فى الكتالوج و هصورها و ارفعها هنا.

ما شاء الله

ايوه كده يا معاذ نفسنا نسمع اى خبر حلو بصراحة عن العربية
يارب دايما اخبار حلوة وبالتوفيق دائما وربنا يباركلك فيها

موضوع هايل ألف شكر
المهم فى الموضوع مشاركة رقم 70 صفحة 7