الموضوع: العفشة

المشاركة الأصلية كتبت بواسطة astsaae

هو قال كل اللى فى السوق مضروب وحالتة وهو جديد اسواء من المستعمل الاستيراد وقال كمان انة مصنعيتة واحدة وانت حر. وبعدين انا مندهش من الاستاذ ممدوح لانة اول واحد شجع الاستيراد وجاب رشاشات bmw وقال انها افضل
مع انها من المستهلكات بردة لو دة مبدئة ان المستهلكات متنفعش استعمال كان جاب رشاشات دايو جديدة حتى لو اغلى لازم يبقى فى مبدء عشان الكل يستفيد اية اللى نجيبة مستعمل واية اللى نجيبة مستورد
الحقيقة انتشار العربية خلى قطع الغيار الجديد مضروب و اكتر من الاصلى وياريت لو حد خبرة يقولنا فى موضوع اية اللى يتجاب جديد ومنين لو امكن واية اللى يتجاب استيرادوالموضوع يتثبت

لما تبقى بتجرب حاجة جديدة و متعرفش حتنجح ولا لا يبقى لازم تعمل حسابك فى اقل خسارة ممكنة (لاحظ ان العبد لله اول واحد فى مصر ركب رشاشات الBMW فى عربية دايو)

لما تبقى القطعة المستعملة ب 200 جنية و الجديدة ب 1800 جنية يبقى الاستيراد احسن... احنا بنتكلم تقريبا فى 10 اضعاف التكلفة

لما تبقى القطعة الاصلية معيوبة و معروف انها غير معمرة يبقى مش من الحكمة صرف 1000 جنية عليها عشان بعد 60 الف كيلو ترميها... المبلغ دة يوازى 5 اطقم رشاشات مستعملة

كمان لاحظ ان الرشاش سهل جدا تجربة او تفكة و تغيرة ب 20 طقم و انت واقف مكانك بعكس العفشة اللى بتحتاج مجهود ووقت كبير فى الفك و التركيب و مصنعية القصة دى مش سهلة عشان كل يوم تفك العفشة عشان تجرب طقم مساعدين يمكن يطلع كويس

اضف الى ذلك ان الرشاش اما شغال او مش شغال... لكن المساعد كفائتة بتقل بالاستخهدام و عمرك ما حتعرف تقيس كفائة المساعد من غير ما يركب على العربية

عموما الفلوس فوسك و العربية عربيتك... لو شايف ان العفشة الاستيراد انسب ليك يبقى توكل على الله

MMamdouh

مرة اخرى تتجدد الشخصنة بين العضوين Drift_lover و samirayad بالرغم من التنبيه على كل من العضوين بضبط النفس و عدم الدخول فى صراعات شخصية فيما بينهم فى موضوع سابق بالقسم

الادارة تضطر الى اتخاذ الاجراء المنصوص عليه بالقاعدة 13 من قواعد المنتدى

انذار للعضوين المذكورين مع ايقاف اسبوع

مشرف القسم