الموضوع: العفشة

هو ليه بقت ردودكم ناشفة (كلكم) ومحدش طايق حد وكل واحد شايف انه هو الصح

ما كل واحد يقول رايه وصاحب الموضوع يقيم الكلام ويشوف اللى يقدر عليه واللى محتاجه

وحدوا الله ياجماعة الواحد بيخش المنتدى يريح دماغه مش يحرق دمه

وافتكروا ان المنتدى هدفه الافادة مش الخناق
]

المشاركة الأصلية كتبت بواسطة MMamdouh

كمان مرة عشان اللى مسمعش يسمع و اللى معرفش يعرف....

مفيش مستهلكات تتجاب استيراد

محدش يقنعنى ان مساعد جديد نوفى فى علبتة جاى من اكبر مصنع مساعدين فى العالم و علية ضمان سنة حيبقى اقل كفاءة من مساعد استيراد مستعمل و الله اعلم حاتة ايه و استهلك ازاى.... كلام ميخشش الدماغ لا بالطول و لا بالعرض

نفس الكلام ينطبق على البطاحات و الكوبايات و كل المستهلكات اللى خلقها ربنا

اللى بيقول الاستيراد احسن فى العفشة يبقى بيالف و مش فاهم اى حاجة... و مش معنى انة بقاله 40 سنة شغال عفشجى انة يقدر يخترع منطق خاص بية

MMamdouh

استاذ ممدوح حضرتك اخ اكبر وافادت المنتدى وافادتنى

انا شخصيا بس انا ليه تعقيب على طريقة كلام حضرتك:

طريقة كلام حضرتك كانت ناشفة اوى وللاسف سخنت

الموضوع -ده اللى انا حسيته- لان حضرتك قدوة

بالنسبة لباقى الاعضاء لانك ذو علم وتجربة و لو كنت

حضرتك قولت رايك بطريقة لينة عن كده متوقعش ان

الموضوع كان سخن كده

وده راى المتوضع

وتقبل احترامى

أستاذ/ محمد ممدوح:

طبعا كلامك صح و أنا واحد من الناس مقتنع به تماما و متفق معاك و لكن لي تعليق بسيط هو اننا عندما نرد علي أي موضوع فهدفنا هو نقل خبرتنا لصاحب الموضوع و ان حدث أختلاف في الخبرات و الأراء فنحن نلجأ الي حكم و هو تعليمات الصانع و كتالوج السيارة و قواعد الهندسة الميكانيكية و أن أستمر الخلاف و لم يقتنع البعض و أستمر في الجدل فأنا أنصح بالتوقف عن المناقشة و كل حر في قراره فمن سيتخذ القرار هو من سيتحمل تبعاته من ماله ووقته

المهم أن نظل حبايب و عائلة واحدة

المشاركة الأصلية كتبت بواسطة MMamdouh

ربنا يخليك يا باشا بس فيه نقطة احب اضيفها

السخونة اللى ذكرتها فى ردى كانت فعلا موجودة ولكن ليها سبب... دلوقتى هدف المنتدى هو تبادل المعلومات و الحصول على النصيحة... صح ولا انا بتكلم غلط؟

يبقى من واجبنا ان لما حد يطلب نصيحة اننا ندلة على السكة الصح و الافيد ليه مش رائينا الشخصى... دة بشكل عام

بشكل دقيف فى النقطة دى بالذات... المساعدين مستحيل تعرف حالتها طالما هى مفكوكة من عربية... اصل لا شكلها ولا وزنها ولا لونها ولا ريحتها تبين حالتها... حتى لو جربت تضغطها بايدك... المساعد الجديد حيديك احساس وى المساعد اللى كفائتة 50% لان اليد مش مقياس... المقياس هو الاداء فى العربية

و اكيد اكيد لو جبت شيخ العفشجية عمرة ما حيعرف حالة المساعد اللى مرمى على الارض بالتالى اى رائى حيقولة حيبقى مش دقيق... دا غير اصلا اننا عارفين كويس ان العفشة الاستيراد عمرها ما حتبقى بحالة العفشة الجديدة

من المنطقى و المعروف ان العفشة من المستهلكات... يعنى طالما بتمشى يبقى بتستهلك... صحيح العفشة اللى مشيت برة مصر مشيت فى ظروف احسن من مصر لكن فى النهاية حتبقى مستهلكة

الاهم من دة كلة لييييييييييييييييييه؟؟؟؟

هو مفيش مساعدين اصلى فى السوق؟؟ طبعا فيه
هو مفيش مساعدين احسن من الاصلى فى السوق؟؟ لا فيه
هو مفيش احسن مساعدين من اكبر مصنع مساعدين فى العالم و معاهم ضمان سنة؟؟ لا فيه

طيب يبقى ايه الحكمة اشترى قطعة استيراد مستهلكة طالما البديل الاصلى موجود و موجود الاحسن منة و انا مامن نفسى بضمان سنة؟؟؟

يضاف على كدة غلبة فك و تركيب العفشة اللى بتكلف وقت و فلوس... يعنى الموضوع مش سهل انك تجيب مساعدين استيراد لعى التجربة

طبعا مقارنة القصة دى بالرشاشات ليس لها اساس من الصحة لعدة اسباب

اهمها التجربة... انا ركبت اول طقم اشتريتة و انا راكن قدام المحل فى ربع ساعة و دورت العربية و جربتها و لفيت بيها الاول قبل ما امشى... حد يقدر يعمل كدة فى عفشة؟؟

السعر... الرشاشات البوش الجديدة ب 1800 جنية فى حين الطقم الاستيراد ب 200 جنية... فرق كبير يغريك لشراء الاستيراد اضافة لكدة حتى لو طلع الطقم كلة بايظ ممكن ترمية... معتقدش حد ممكن يجيب عفشة استيراد ب 200 جنية و العفشة الجديدة للنوبيرا (مساعدين + بطاحات + كوبايات) فى حدود ال 1800 اللى بنتكلم فيهم

اعتقد كل اللى قلتة كلام منطقى صعب - ان لم يكن مستحيل - الجدال معة و انا كتبت الكلام دة بدل المرة الف عشان انصح الناس... يا جماعة الجيد مفيش احسن منة... و متجبش حاجة استيراد الا لو مزنوق خالص

عموما براحتكم يا جماعة.. انا مش حزيد حتة لما تشتروا جديد ولا حنقص حتة لما تشتروا مستعمل... الفلوس فلوسكم و العربية عربيتكم...

MMamdouh

انا متفق مع حضرتك فى الكلام اللى انت قولته والكلام

علمى ومنطقى 100 % وفعلا حضرتك قولته كذا مرة

بس مختلف معك فى نقطة السخونة فى الردود لانها

ممكن تتفهم بكذا معنى واكيد ضرارها اكبر من نفعها لكن

بالكلام الشفوى اكيد هتتفهم على طول من نبرة الصوت

وطريقة المناقشة

تانى حاجة حضرتك لو كنت كتبت الرد ده مثلا فى الاول

مكنش هيحصل اللى حصل لانه نفس المعنى بس بطريقة

لينة ومقنعة وانا استغربت من اللى حصل لان احنا طول

عمرنا فى قسم الدايو كراجلا واحد وانا كنت غياب بقالى

فترة عن قسم الدايو واللى خلانى اخشه انى كنت زهقان

وداخل ادور على مناقشة جميلة استمتع بيها بس للامانة

اتصدمت من الانقسام والخناق اللى حصل

تالت حاجة انا عارف ان حضرتك كرارت اجابات لاسئلة

متكرارة 1000 مرة بس مش كل الاعضاء وخصوصا لو

جديد مش قراء ال 1000 مرة ومفروض العضو يستخدم

خاصية البحث . بس للاسف خاصية البحث خاصية

اداءها متوسط ومش بتطلع كل النتائج وخصوصا لو

عضو ملوش فى النت وميعرفش حاجة عن البحث

المتقدم او عارف المشكلة وميعرفش سببها ايه

وانا كان فى نيتى انا اعمل مرجع للاسئلة الشائعة س ج

فى الفيات والدايو بس ضيق الوقت والظرف اللى بمر

بيها هو اللى منعنى من ذلك وباذن الله اول لما الظروف

تتيسر هنفذ الفكرة

اخيرا انا عارف ان كلام كان تقيل بس انا مقتنع ان

المناقشة الصريحة افيد للجميع وللمنتدى

وتقبل احترامى

المشاركة الأصلية كتبت بواسطة waleedrahmy

نرجع ونقول تاني للمرة المليون....................

أختلاف الرأي لا يفسد للود قضية.......................

الحياة مدارس ونظريات والعلم مدارس ونظريات والفنون مدارس ونظريات و الشعر والنثر مدارس ونظريات و الميكانيكا والهندسة مدارس ونظريات................

ومحمد ممدوح مدارس ونظريات وسمير عياد مدارس ونظريات............

أسمحولي أناشد السيد/ مشرف القسم بأسمي وبأسم جميع رجالة الدايو برفع الايقاف عن أثنين من رجالة الدايو الكرام والعزاز علينا الاخ/ سمير عياد والاخ/Drift_Lover..............

لعدم تغير النفوس بيننا ...........وليظل قسم الدايو من أكثر أقسام المنتدي حبا ومودة وعطاءا وخبرة...............