العفشة

**A.samy** · 27-03-2009 10:59 PM

النهاردة يوم الصيانة للعربية وانا متعود ان يوم الجمعة اعدى على محلات الصيانة عشان العربية تكمل الاسبوع معايا على خير المهم روحت لعفشجى واحد زميلى وصفهولى وقلتلو عايز اعمر عافشة العربية قالى ماشى نكشف على العربية ونشوف هنغير اية المهم قالى تجبلى الحجات اللى هحتجها استيراد من الحرفين او اى حتة تانية قولت لة استيراد ازاى الحجات دى مش مستهلكات اجبهم استيراد ازاى قالى خلاص هات جديد بس كل اللى فى السوق مضروب وانت اللى هتندم الاستيراد انضف من الجديد 100 مرة المهم حسيت انة متحامل على الجديد قلت اسال هو فعلا الجديد كلة مضروب ولا العفشجى دة اى كلام .
على فكرة الراجل دة عفشجى بس يعنى مش ميكانيكى وبيشتغل فى العفشة ولقيت ورشتة عليها ضغط شغل كتير والراجل اصلا كبير فى السن وبيقول انة بقالة اكتر من 40 سنة فى الشغلانة دى.

**samirayad** · 27-03-2009 11:09 PM

فعلا فيه حاجات أستيراد بتكون أصيله عن حاجات جديده ومضروبه .........بس لازم تقول على الحاجه المطلوب تغييرها .....علشان نفكر فى الصح لها (أستيراد ولا جديد )

**A.samy** · 27-03-2009 11:19 PM

انت بتسابق الزمن ياباشا انا لسة برد عليك فى موضوع الموبينة
على فكرة هو قالى اروحلة يوم بس اصبح عشان هيفك العفشة وبعدين يقولى اجيب اية على العموم اية اللى ممكن يجى استراد فى العفشة ويبقى كويس ولا اجيب عافشة كاملة استيراد واركب اللى اركبة والباقى مش هيخسر.

**samirayad** · 27-03-2009 11:29 PM

ولا اجيب عافشة كاملة استيراد واركب اللى اركبة والباقى مش هيخسر.

دى أحسن فكره وأوفر ليك........بس ياريت يكون معاك عفشجى كويس علشان يشوف الحاله كويس......وبرضه أعمل مقارنه بالأسعار فى الحرفيين وبور سعيد................................أنت عارف أنا كان معايا أوبل الأول وكانت عندى عربيه كامله (فى الجراج وناقصه شاسيه فقط ويبقى عندى عربيتين أوبل ).....كنت غاوى لم قطع غيار وطبعا كنت بنقى كل حاجه وأفرزها كويس.......وكنت بأخد بأثمان كويسه (علشان مكنتش مضطر للشراء ....ومجرد حاجه أحتياطى )........دى وجهة نظرى نحو شراءك عفشه كامله وأكيد حتلاقى مخالفين كتير ( الحته الأخيره دى علشان كل واحد يقول وجهة نظره وهو حر ........دى حريه شخصيه ....وطبعا أنت فاهمنى )

**MMamdouh** · 29-03-2009 01:17 PM

كمان مرة عشان اللى مسمعش يسمع و اللى معرفش يعرف....

مفيش مستهلكات تتجاب استيراد

محدش يقنعنى ان مساعد جديد نوفى فى علبتة جاى من اكبر مصنع مساعدين فى العالم و علية ضمان سنة حيبقى اقل كفاءة من مساعد استيراد مستعمل و الله اعلم حاتة ايه و استهلك ازاى.... كلام ميخشش الدماغ لا بالطول و لا بالعرض

نفس الكلام ينطبق على البطاحات و الكوبايات و كل المستهلكات اللى خلقها ربنا

اللى بيقول الاستيراد احسن فى العفشة يبقى بيالف و مش فاهم اى حاجة... و مش معنى انة بقاله 40 سنة شغال عفشجى انة يقدر يخترع منطق خاص بية

MMamdouh

**aymanhh** · 29-03-2009 02:04 PM

المشاركة الأصلية كتبت بواسطة MMamdouh

كمان مرة عشان اللى مسمعش يسمع و اللى معرفش يعرف....

مفيش مستهلكات تتجاب استيراد

محدش يقنعنى ان مساعد جديد نوفى فى علبتة جاى من اكبر مصنع مساعدين فى العالم و علية ضمان سنة حيبقى اقل كفاءة من مساعد استيراد مستعمل و الله اعلم حاتة ايه و استهلك ازاى.... كلام ميخشش الدماغ لا بالطول و لا بالعرض

نفس الكلام ينطبق على البطاحات و الكوبايات و كل المستهلكات اللى خلقها ربنا

اللى بيقول الاستيراد احسن فى العفشة يبقى بيالف و مش فاهم اى حاجة... و مش معنى انة بقاله 40 سنة شغال عفشجى انة يقدر يخترع منطق خاص بية

MMamdouh

+111111111111