السلام عليكم ورحمة الله وبركاته......
انا رحت النهاردة التوكيل ونزلت السوفت وير الخاص بالفتيس بعد تعديله وقمت بتجربة السيارة فى شوارع وطرق مدينة العبور وقد لاحظت الأتى مع العلم ان هذه التجربة نتيجتها مبدئية.
وقد لاحظت الأتى:
انك فى النظام الجديد هتلاقى انك بدون ما تضغط على دواسة البنزين هتلاقى العربية بتمشى حتى سرعة 10كم\س دون اى ضغط على الدواسة يعنى زى نظام الأتوماتيك العادى بالظبط..
الحاجة التانية انه مبقاش فى وقت كبير مابين النقلة والنقلة اللى بعديها.
الحاجة التالتة ودى اللى لاحظها والدى لأنه كان دايما بيستخدم الوضعEاما انا فكنت باستخدم الوضع اليدوى اوالEs انه بقى حاسس ان العربية خفيفة معاه فى السحب مش تقيلة زى الأول فى النظام القديم.
وفى حاجة كمان هتأكد منها بكره هى موضوع الموتور اللى صوته بيعلى لمل بتكون ماشى على سرعة متوسطة وان كانت موجودة زى الأول ولا لأ وانا حتى الأن لم الاحظها وحتى الأن انطباعى عن السوفت وير بعد تعديله هو افضل بكثيييييييييييرررررررر من الأول ونسيت اقول حاجة ان النتشة والرجرجة والحاجت دى مباقتش موجودة وانا بكرة هاحاول امشى بالسيارة من مدينة العبور حتى مدينة نصر حتى يطمأن قلبى لهذا السوفت واحب اوجه رسالة للتوكيل تويوتا مصر اللى كان منشف دماغه حبتين مع العملاء وطلع ان العيب فيهم لأنهم لايستطيعون التكيف مع ناقل الحركة الجديدويجب ان يتعلموا طريقة قيادته وكان بيدافع عنه بأستماتة احب اقولهم ان الزبون دايما على حق.
ابو الوليد المصرى
المفضلات