لحسم موضوع التوكيل

**m.3abdel3al** · 29-03-2009 09:57 PM

اشمعنة ابو تريكه يعني ليه ما يكونش عمر جمال ههههههههههههه

**kloda** · 30-03-2009 01:57 AM

المشاركة الأصلية كتبت بواسطة jisso82

للأسف الكولت دى مبدئيا مش يابانى على ما فهمت تقفيل أوروبى و هولندى تحديدا. ثانيا بتخاطب فئة الشباب و شكلها غير جذاب إطلاقا و ده من وجهة نظرى على الأقل عشان مابقاش بصار على رأى حد. ثالثا كمالياتها ضعيفة لدرجة إنها بدون كاسيت. رابعا و ده الأهم العربية موديل 2007 يعنى عشان ينزلوا فى سعرها ده كله احتاجوا إنها تقعد عندهم أكتر من 3 سنين ما بتتبعش فمش ممكن ينزلوا فى سعر أكتر عربية بتتباع فى مصر بالسهولة دى

اولا تقفيلها هولندي دة في حد ذاتة كويس جدا جدا و طبعا بتخاطب فئة الشباب و كمايتها حلوة جدا فيها كل حاجة من اي بي اس و اي بي دي و اير باج و فتيس ايزي ترونيك و الكاسيت دة التوكيل هنا هما الي بيشلوة و موضوع السعر دة انا كونت بوضح اد اة بينهبوا فلوس اد اة مننا و الكولت فعلا شكلها و حش اويييييييييييييي

**m.3abdel3al** · 30-03-2009 08:54 PM

يا ريت باقي الاعضاء يقولو رايهم

**Eng. Rafy Samy** · 11-04-2009 01:19 AM

اسمحولي انا عندي اقتراح
1- احنا ممكن نكتب صيغة موحدة للشكوى ونرفعها على المنتدي ويكون عليها اللوجو بتاع المنتدي (بعد استأذان المشرفين)
2- كل ملاكي العربيات ( جين2 - واجا - ويرا ) يطبعوا الصيغة نسختين .
3- طبعاُ تكون اول شكوه موحده وهي ارتفاع سعر قطع الغيار وتدني خدمة ما بعد البيع (وكتر من باقي الشكاوى على قد ما تقدر).
4- يتم إرسال نسخة لقسم الشكاوى في عز العرب و نسخة إلى رئيس مجلس الإدارة. وبكده حنكون متأكدين ان الشكوى حتتناقش.
5- كل واحد يكتب اسمة / نوع العربية / الموديل / رقم الموبايل / رقم الشاسية / رقم الموتور / رقم الفاتورة الصادره من عز العرب بتمن العربية وده علشان يتأكدوا ان الشكوه مقدمة من ملاك العربية مش اي حد.
6- يكون في ملحوظة في اخر الشكوى ان لو لم يقم مقسم خدمة العملاء بالرد على هذه الشكوى خلال 15 يوم ( اي مده انتوا تحددوها ) سوف ترسل نسخه من الشكوى إلى جهاز حماية المستهلك + قسم الشكاوا في بروتون ماليزيا. ( تهديد جامد ومش هزار )
7- اكيد اكيد لما حيلاقوا عدد كبير من الشكاوى مبعوت بالبريد ومصمم بنفس الطريقة وعليه نفس الشعار ويحتوى على نفس المشكلات وكمان يتأكدوا ان اللي باعت دول ملاك حيفهموا انكم متوحدين ومتصلين ببعد. ( ودي نقطة مهمة جداُ تخلي عزوووووز يعيد حساباته)
8- يكون في جدية في الموضوع وفعلاً بعد 15 يوم لو مفيش رد يتم ارسال نفس الشكاوا إلى جهاز حماية المستهلك وطبعا دي حتبقى قضية كسبانة كسبانة للجهاز. (حيقدر يضغط على عزووووووووووووز)

ايه رأيكم ...!!!!؟؟؟؟

**Ayman_52** · 11-04-2009 01:21 AM

المشاركة الأصلية كتبت بواسطة rafysamy

اسمحولي انا عندي اقتراح
1- احنا ممكن نكتب 2صيغة موحدة للشكوى ونرفعها على المنتدي ويكون عليها اللوجو بتاع المنتدي (بعد استأذان المشرفين)
2- كل ملاكي العربيات ( جين2 - واجا - ويرا ) يطبعوا الصيغة نسختين .
3- طبعاُ تكون اول شكوه موحده وهي ارتفاع سعر قطع الغيار وسوؤ خدمة ما بعد البيع.
4- يتم إرسال نسخة لقسم الشكاوى في عز العرب و نسخة إلى رئيس مجلس الإدارة. وبكده حنكون متأكدين ان الشكوى حتتناقش.
5- كل واحد يكتب اسمة / نوع العربية / الموديل / رقم الموبايل / رقم الشاسية / رقم الموتور / رقم الفاتورة الصادره من عز العرب بتمن العربية وده علشان يتأكدوا ان الشكوه مقدمة من ملاك العربية مش اي حد.
6- يكون في ملحوظة في اخر الشكوى ان لو لم يقم مقسم خدمة العملاء بالرد على هذه الشكوى خلال 15 يوم ( اي مده انتوا تحددوها ) سوف ترسل نسخو من الشكوى إلى جهاز حماية المستهلك + قسم الشكاوا في بروتون ماليزيا. ( تهديد جامد ومش هزار )
7- اكيد اكيد لما حيلاقوا عدد كبير من الشكاوى مبعوت بالبريد ومصمم بنفس الطريقة وعليه نفس الشعار ويحتوى على نفس المشكلات وكمان يتأكدوا ان اللي باعت دول ملاك حيفهموا انكم متوحدين ومتصلين ببعد. ( ودي نقطة مهمة جداُ تخلي عو العرب يعيد حساباته)
8- يكون في جدية في الموضوع وفعلاً بعد 15 يوم لو مفيش رد يتم ارسال نفس الشكاوا إلى جهاز حماية المستهلك وطبعا دي حتبقى قضية كسبانة كسبانة للجهاز. (حيقدر يضغط على عزووووووووووووز)

ايه رأيكم ...!!!!؟؟؟؟

طب تمام...ايدى على كتفكم

**saidbakr** · 11-04-2009 01:23 AM

أشجع كافة ملاك سيارات بروتون في مصر تبني اقتراحك هذا. فعلاً خطة عمل مميزة.

**Eng. Rafy Samy** · 11-04-2009 01:26 AM

المشاركة الأصلية كتبت بواسطة Ayman_52

طب تمام...ايدى على كتفكم

كل دي ايد...؟ تقيلة قوي (بهزر)

بس علشان نكون مشيين الطريق صح افضل ان محامي متخصص او حد فاهم في القانون هو الللي يكتب المقدمة لأن الموضوع محتاج لباقة وصيغة نشفة شوية علشان يحسوا بالتهديد وان الموضوع بحد مش هزار....
ااكيد في حد من الاعضاء الافاضل ممكن يكتبلنا الصيغة دي ويعملنا احسن تصميم ليها ...

**Eng. Rafy Samy** · 11-04-2009 01:37 AM

وطبعأ نفس الفكرة ممكن تطبق مع يباقي التوكيلات ودي حتبقى قوة ضغط عليهم وفي نفس الوقت انتشار واسع للمنتدى عندهم ويعرفوا قوة المنتدى ومدى تأثيره...

وسعتها بقى حتلاقي عروض خاصة للاعضاء علشان يسكتوهم ،،، ومش بعيد التوكيلات يحاولوا يرشوا المشرفين علشان يمدحوا فيهم زي ما بيحصل في الجرايد...! (مداعبه)
:k10:

**MohabSaeed** · 11-04-2009 02:05 AM

وجهة نظر تحترم
بس فى نقطه مهمه لكل الى بيفكرو فى تنفيذ الاقترح ده , الا و هى .. " الموضوعيه " .
يعنى عاوز تبعت شكوى اكيد ده حقك بس لاثبات جديه المشكله لازم يكون فى موضوعيه فى طرح المشكله .
بمعنى ؟
يكون الموضوع فى شكل نقط محدده و مختصره .
ذكر المشاكل الى واجهتك فى العربيه و الى التوكيل معرفش يتعامل معاها و عجز عن حلها بأى شكل من الاشكال .
لازم يكون الكلام مثبت بالفواتير .
ذكر اى مبالغ تم دفعها لتصليح عيوب صناعه تبع الضمان .

مع الاشاره ان فى حاله عدم اتخاذ اجرائات لحل المشكله , حتضطر لتقديم شكوى رسميه لجهاز حمايه المستهلك , و شكوى لبروتون ماليزيا فى نفس الوقت لاتخاذ الازم .

قصه ارتفاع قطع الغيار و المصنعيات و الكلام ده مش حيجيب نتيجه و منقدرش نعترض او نشتكى لجهة بخصوص الموضوع ده , لان عز العرب كمؤسسه من حقه يحط السياسه التسعيريه الى هو عاوزها و مافيش قانون او بند يقدر يضغط عليه فى النقطه ديه تحديدا .

**Eng. Rafy Samy** · 11-04-2009 03:06 AM

المشاركة الأصلية كتبت بواسطة MohabSaeed

وجهة نظر تحترم

قصه ارتفاع قطع الغيار و المصنعيات و الكلام ده مش حيجيب نتيجه و منقدرش نعترض او نشتكى لجهة بخصوص الموضوع ده , لان عز العرب كمؤسسه من حقه يحط السياسه التسعيريه الى هو عاوزها و مافيش قانون او بند يقدر يضغط عليه فى النقطه ديه تحديدا .

اشكر تعليق حضرتك واحب اوضح نقطة مهمة قي موضوع قطع الغيار
احنا مش هدفنا ان حد يضغط على الوكيل علشان ينزل السعر... الهدف اننا نوصله ان في اجماع في عدم الرضا عن الاسعار وده حيخليه يقلق شوية ان كل المشتكيين يبتدوا يدوروا على قطع الغيار في السوق بعيد عن الوكيل. ودي حقيقة حتبتدي تحصل بالفعل.

وزي ما لاحظت من مشاركة الاعضاء ان ابتدى يكون في ميكانيكية يقدروا يشتغلوا في العربية وكمان في مهندسين بتسيب عز وتفتح مراكز خدمة يعني الموضوع مش احتكار ةاذا توافرت قطع الغيار + المهندسين والفنيين خارج التوكيل يبقى ملهوش اي لزمة وفي ناس كتير حتبطل تتعامل معاه وطبعاً دي خساره هو في غنا عنها...

والعربية منتشرة في كل المحافظات وكمية مش قليلة وطبعا عز ملوش مركو خدمة في كل محافظة يعني لو واحد بعيد عن القاهرة او اسكندرية ولقى جنبة واحد فاهم كويس في العربية ويقدر يوفرلوا قطع الغيار وبعالج اي مشكلة تحصل يبقى ايه اللي يخليه بدب المشوار لحد عزووووووووز علشان بكوع اد كده وكمان المشاكل متتحلش في حين ان مممكن واحد جنبة يظيطلوا كل حاجة

الوكيل لازم بعرف ان هو مش مسكنا من رقبتنا علشان العربية عجبتنا واشتريناها
المستهلك هو المتحكم.... ولو اتحدنا في الموضوع ده ونجحنا حنكون قوة ضاربة ولينا كلمة وحيعملنا 10000000000000000 حساب.
وشكراً

الموضوع: لحسم موضوع التوكيل

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

موضوع جديد ( ماذا تطلب من التوكيل ) ...رايك ايه ؟؟؟

بعد موضوع التوكيل كدة برسونتى جاهزة للتظبيط

انتظرو موضوع هام جدا جدا عن التوكيل مهازل

دعوه لحسم اعتقاد ان استهلاك البنزين بيزيد عند استخدام البوجيهات التلاته شامعه

الكلمات الدلالية لهذا الموضوع

المفضلات

المفضلات

ضوابط المشاركة