الموضوع: (( رابطة الاسطورة فيات 131 ))

كارونة 131 الحمد لله اتصلحت يا رجاله فى ورشة الحج حمدى و صوت الونه راح راح راح و انا عاوز اوجه خالص الشكر لربنا فى الاول و الاخر و للمهندس حسام مؤسس الرابطه اللى عرفنا على الحج حمدى الراجل المحترم و جميع العاملين معاه المحترمين جدا ادعولى ان قطع الغيار (التاج و البنيون و الذى منه) تسد و تكون عند حسن ظنى بيها و كل عام و انتم طيبيين

انا حددت مكان الحاج حمدى فى ال wikimapia علشان تسهل و صول الناس لورشته ده هو الربط
Wikimapia - Let's describe the whole world!
موقعه تحت علامة (+) على صورة القمر الصناعى

1- اسم العضو / عصام محمد ابو العنين
2- مهنة العضو / مهندس
3- سن العضو /35
4- مكان اقامة العضو / بنها
5- سنة صنع السيارة 131 (1985) عدد السيسي 1600
6- صورة للسيارة
7- سبب امتلاك سيارة 131 ()
8- هل توجد سيارت اخرى (بيجو 504 )
9- الحالة العامة للسيارة فيات 131 ( جيده

بعد ما دماغى لفت لدرجة انى كنت بكلم نفسى و الناس اللى حوليا فى الشغل فواحد منهم نصحنى نصيحة غالية جدا قالى أى حاجة انت هتعملها فى حياتك لازم تستخير ربنا حتى لو كانت حاجه صغيرة زى تصليح عربيه
فصليت ركعتيى و دعيت ربنا يهدينى للحل وبعدها فكرة التعديل ليابانى كل ما أفكر فيها تطلع اسئلة كتير اجابتها كلها تخلى قلبى مقبوض من الفكرة دى على بعضها
فبدأت افكر فى الحلول التانيه
1 - اجيب دفرانسيه استيراد ووصيت عليه واحد يلقطهولى من لط احتمال يجى من يوغوسلافيا لان باقى دول اوروبا خلصت و ده فى علم الغيب هيجى امتى و احتمال صلاحية الدفرانسيه من عدمه فى علم الله فلغيت الفكرة دى مؤقتا
2 - بسبب عدم وجود طقم اصلاح (تاج و بنيون) لل 131 مطابق للعندى الحاج حمدى كان اقتراح نجيب من عزبة شلبى دفرانسيه فارغ (فاضى) بتاع الشاهين (400 جنيه) و نجيب اكسين او نشغل الاكسات القديمه لانهم واحد و نجيب طقم اصلاح تركى بتاع الشاهين و هو متوفر بشكل ممتاز و الدفرانسيه هيركب بدون اى تعديل فى اماكن التوصيل بجسم العربية و العفشه
بس فى تعديل تانى هو تقصير عمود الكردان لان الزوور(pinion shaft)

بتاع كرونة الشاهين أطول شويه الحج حمدى اكد لى انه مافيش مشكلة منها حتى انا فكرت ايه المانع اجيب عمود كردان الشاهين بدل ما اقصر الكردان بتاعى و ده هيضمن لى امكانية الرجوع للكرونة و الكردان القديم و العربيه تفضل شغالة لحد ما الدفرانسيه الفارغ يتملى لكن الحج حمدى اقترح اقتراح جديد علشان ميكلفنيش فلوس زيادة؟!
3- اقترح نجيب طقم اصلاح روسى تاج و بنيون لادا و هيتعمل شغل خراطة اعتقد فى مجموعة السيتوليك و هى حاجات عمله زى بلى و غوايش و بدون اى تعديل فى الدفرانسيه القديم و لا الكردان القديم و الاكسات القديمه و هو ده اللى ربنا هدانى ليه و سبحان الله كل الامور كان ربنا موفقنى فيها من أول ما اشتريت الطقم من التوفيقيه من محل اسمه عبد الصادق الباشا
ممر صغير من شارع التوفيقيه وصلتلوا بسرعة غريبه رغم انه موجود فى حته زى بيت جحا ده كان الساعة 4:30 العصر و الحاج حمدى كلمنى على الموبيل و قال لى هاته اشوفه علشان اطمن انه هو الاصلى فوصلت الساعة 5:30 علشان يشوفه ففوجئت انه عايز يشتغل فى العربيه رغم انه قال لى فى التليفون الصبح ان الورشة مشغولة النهاردة و تخيل الحمد لله استلمت العربيه الساعة 10:00 باليل كل ده كان امبارح ليلة اول يوم رمضان بس كان في اكس مش مظبوط عندى فنزلت من الصبح و انا صايم للورشه و رحنا عزبة شلبى اشترينا واحد جديد استيراد .

تكاليف الاصلاح

* تاج و بنيون روسى لادا 700 جنيه من التوفيقية.

من عند الحاج حمدى

* مجموعة سيتوليك بالبلى 150 جنيه استيراد
* جلدة مسافة 20
* كعب كارونة بالصامولة و الورده 60 استيراد
*جركن زيت موبيل 65
*طقم مسامير 20
*أرنديل و أولسيه و جوان 20
* خراطة 60
* اختبار الاكس 5
* مصنعيه 150
* اكس تخين استيراد من عزبة شلبى 120

الاجمالى : 1420 جنيه

بعد ما دماغى لفت لدرجة انى كنت بكلم نفسى و الناس اللى حوليا فى الشغل فواحد منهم نصحنى نصيحة غالية جدا قالى أى حاجة انت هتعملها فى حياتك لازم تستخير ربنا حتى لو كانت حاجه صغيرة زى تصليح عربيه
فصليت ركعتيى و دعيت ربنا يهدينى للحل وبعدها فكرة التعديل ليابانى كل ما أفكر فيها تطلع اسئلة كتير اجابتها كلها تخلى قلبى مقبوض من الفكرة دى على بعضها
فبدأت افكر فى الحلول التانيه
1 - اجيب دفرانسيه استيراد ووصيت عليه واحد يلقطهولى من لط احتمال يجى من يوغوسلافيا لان باقى دول اوروبا خلصت و ده فى علم الغيب هيجى امتى و احتمال صلاحية الدفرانسيه من عدمه فى علم الله فلغيت الفكرة دى مؤقتا
2 - بسبب عدم وجود طقم اصلاح (تاج و بنيون) لل 131 مطابق للعندى الحاج حمدى كان اقتراح نجيب من عزبة شلبى دفرانسيه فارغ (فاضى) بتاع الشاهين (400 جنيه) و نجيب اكسين او نشغل الاكسات القديمه لانهم واحد و نجيب طقم اصلاح تركى بتاع الشاهين و هو متوفر بشكل ممتاز و الدفرانسيه هيركب بدون اى تعديل فى اماكن التوصيل بجسم العربية و العفشه
بس فى تعديل تانى هو تقصير عمود الكردان لان الزوور(pinion shaft)

بتاع كرونة الشاهين أطول شويه الحج حمدى اكد لى انه مافيش مشكلة منها حتى انا فكرت ايه المانع اجيب عمود كردان الشاهين بدل ما اقصر الكردان بتاعى و ده هيضمن لى امكانية الرجوع للكرونة و الكردان القديم و العربيه تفضل شغالة لحد ما الدفرانسيه الفارغ يتملى لكن الحج حمدى اقترح اقتراح جديد علشان ميكلفنيش فلوس زيادة؟!
3- اقترح نجيب طقم اصلاح روسى تاج و بنيون لادا و هيتعمل شغل خراطة اعتقد فى مجموعة السيتوليك و هى حاجات عمله زى بلى و غوايش و بدون اى تعديل فى الدفرانسيه القديم و لا الكردان القديم و الاكسات القديمه و هو ده اللى ربنا هدانى ليه و سبحان الله كل الامور كان ربنا موفقنى فيها من أول ما اشتريت الطقم من التوفيقيه من محل اسمه عبد الصادق الباشا
ممر صغير من شارع التوفيقيه وصلتلوا بسرعة غريبه رغم انه موجود فى حته زى بيت جحا ده كان الساعة 4:30 العصر و الحاج حمدى كلمنى على الموبيل و قال لى هاته اشوفه علشان اطمن انه هو الاصلى فوصلت الساعة 5:30 علشان يشوفه ففوجئت انه عايز يشتغل فى العربيه رغم انه قال لى فى التليفون الصبح ان الورشة مشغولة النهاردة و تخيل الحمد لله استلمت العربيه الساعة 10:00 باليل كل ده كان امبارح ليلة اول يوم رمضان بس كان في اكس مش مظبوط عندى فنزلت من الصبح و انا صايم للورشه و رحنا عزبة شلبى اشترينا واحد جديد استيراد .

تكاليف الاصلاح

* تاج و بنيون روسى لادا 700 جنيه من التوفيقية.

من عند الحاج حمدى

* مجموعة سيتوليك بالبلى 150 جنيه استيراد
* جلدة مسافة 20
* كعب كارونة بالصامولة و الورده 60 استيراد
*جركن زيت موبيل 65
*طقم مسامير 20
*أرنديل و أولسيه و جوان 20
* خراطة 60
* اختبار الاكس 5
* مصنعيه 150
* اكس تخين استيراد من عزبة شلبى 120

الاجمالى : 1420 جنيه

انا مش عارف العنوان بس هو فى شارع جنب موقف ميكروباص فى ميدان حدايق القبه اللى فيه كوبرى القبه قبل محطة مترو الانفاق ممكن تكلم الحاج حمدى على الموبيل : 0105153879