الموضوع: (( رابطة الاسطورة فيات 131 ))

المشاركة الأصلية كتبت بواسطة hzmmmk

بعد ما دماغى لفت لدرجة انى كنت بكلم نفسى و الناس اللى حوليا فى الشغل فواحد منهم نصحنى نصيحة غالية جدا قالى أى حاجة انت هتعملها فى حياتك لازم تستخير ربنا حتى لو كانت حاجه صغيرة زى تصليح عربيه
فصليت ركعتيى و دعيت ربنا يهدينى للحل وبعدها فكرة التعديل ليابانى كل ما أفكر فيها تطلع اسئلة كتير اجابتها كلها تخلى قلبى مقبوض من الفكرة دى على بعضها
فبدأت افكر فى الحلول التانيه
1 - اجيب دفرانسيه استيراد ووصيت عليه واحد يلقطهولى من لط احتمال يجى من يوغوسلافيا لان باقى دول اوروبا خلصت و ده فى علم الغيب هيجى امتى و احتمال صلاحية الدفرانسيه من عدمه فى علم الله فلغيت الفكرة دى مؤقتا
2 - بسبب عدم وجود طقم اصلاح (تاج و بنيون) لل 131 مطابق للعندى الحاج حمدى كان اقتراح نجيب من عزبة شلبى دفرانسيه فارغ (فاضى) بتاع الشاهين (400 جنيه) و نجيب اكسين او نشغل الاكسات القديمه لانهم واحد و نجيب طقم اصلاح تركى بتاع الشاهين و هو متوفر بشكل ممتاز و الدفرانسيه هيركب بدون اى تعديل فى اماكن التوصيل بجسم العربية و العفشه
بس فى تعديل تانى هو تقصير عمود الكردان لان الزوور(pinion shaft)

بتاع كرونة الشاهين أطول شويه الحج حمدى اكد لى انه مافيش مشكلة منها حتى انا فكرت ايه المانع اجيب عمود كردان الشاهين بدل ما اقصر الكردان بتاعى و ده هيضمن لى امكانية الرجوع للكرونة و الكردان القديم و العربيه تفضل شغالة لحد ما الدفرانسيه الفارغ يتملى لكن الحج حمدى اقترح اقتراح جديد علشان ميكلفنيش فلوس زيادة؟!
3- اقترح نجيب طقم اصلاح روسى تاج و بنيون لادا و هيتعمل شغل خراطة اعتقد فى مجموعة السيتوليك و هى حاجات عمله زى بلى و غوايش و بدون اى تعديل فى الدفرانسيه القديم و لا الكردان القديم و الاكسات القديمه و هو ده اللى ربنا هدانى ليه و سبحان الله كل الامور كان ربنا موفقنى فيها من أول ما اشتريت الطقم من التوفيقيه من محل اسمه عبد الصادق الباشا
ممر صغير من شارع التوفيقيه وصلتلوا بسرعة غريبه رغم انه موجود فى حته زى بيت جحا ده كان الساعة 4:30 العصر و الحاج حمدى كلمنى على الموبيل و قال لى هاته اشوفه علشان اطمن انه هو الاصلى فوصلت الساعة 5:30 علشان يشوفه ففوجئت انه عايز يشتغل فى العربيه رغم انه قال لى فى التليفون الصبح ان الورشة مشغولة النهاردة و تخيل الحمد لله استلمت العربيه الساعة 10:00 باليل كل ده كان امبارح ليلة اول يوم رمضان بس كان في اكس مش مظبوط عندى فنزلت من الصبح و انا صايم للورشه و رحنا عزبة شلبى اشترينا واحد جديد استيراد .

تكاليف الاصلاح

* تاج و بنيون روسى لادا 700 جنيه من التوفيقية.

من عند الحاج حمدى

* مجموعة سيتوليك بالبلى 150 جنيه استيراد

* جلدة مسافة 20


* كعب كارونة بالصامولة و الورده 60 استيراد


*جركن زيت موبيل 65


*طقم مسامير 20


*أرنديل و أولسيه و جوان 20


* خراطة 60


* اختبار الاكس 5


* مصنعيه 150


* اكس تخين استيراد من عزبة شلبى 120

الاجمالى : 1420 جنيه

المشاركة الأصلية كتبت بواسطة hzmmmk

انا مش عارف العنوان بس هو فى شارع جنب موقف ميكروباص فى ميدان حدايق القبه اللى فيه كوبرى القبه قبل محطة مترو الانفاق ممكن تكلم الحاج حمدى على الموبيل : 0105153879

[frame="9 10"]
الف مبروك
و بعون الله تكون مبسوط بعد انتهاء فترة الاختبار
شكرا على التقرير
برجاء اعادة كتابتة فى موضوع (( انتهت مشاكل الكارونة ))
[/frame]

المشاركة الأصلية كتبت بواسطة hzmmmk

اعتقد فى شارع اسمه ترعة الجبل هو جنب جامع
و دى خريطه أوضح و ده هو اللينك الشارع تحت البالونه الحمرا اللى مكتوب عليها حرف A
30.085298,31.290391 - Google Maps

[frame="9 10"]
والله نفسى اعرف رد فعل الحج حمدى لما يعرف انة اتحط بالاسم و مكان الورشة على خريطة العالم على النت
بس بصراحةهوة يستاهل كل خير
[/frame]

المشاركة الأصلية كتبت بواسطة lord777

مليون شكر لاهتمامك
وطمنا ايه اخبار العربية الان

[frame="9 10"]
الف حمد الله على السلامة
وحشنى جدا جدا جدا
انتا فين مختفى من مدة
رمضان كريم و طمنا عليك بعد الغيبة الطويلة دى
[/frame]