الموضوع: (( رابطة الاسطورة فيات 131 ))

المشاركة الأصلية كتبت بواسطة ahmedzizo131

بسم الله الرحمن الرحيم

1. اولا :انا فى رائي اى موديل فوق 1980
2. ثانيا : افضل موتور 1600 cc كامة واحدة ( المائل ) .
3. ثالثا : السعر فى حدود 16000 الى 18000
4. رابعا : مميزات الــ131ــ عربية شبة الموديلات الحديثة / شبابية / واسعة / قوية / توفر قطع الغيار و رخصها ......... الخ .
5. خامسا : اهم عيب فى 131 ( الكرونة ) .

يا جماعة بجد هى الاسعار دى موجوده انا كل شوفته اعلى من كده والموديلات دى انهى الى كشافتها من قدام و ورا مستطيلين ولا المدورين من قدام وحرف t من ورا
هو بتفرق فى الراحة لما الفتيس يبقى فى النص ولا خارج من الكونسول؟
صحيح هو الى فوق ال 80 الفتيس فى النص ولا فى الكونسول؟

عربيتك زى العربية اللى معايا بس الفرق فى الموتور عندى 2 كامه
وبما انهم الاتنين واحد اظن ان المساعد عندك من ابو 5 مسامير ( هتعدهم حوالين كاوتشة البطاحه )
الا بالحق متعرفش الفوانيس الخلفيه دى الاقيهم فين
كنت شفت جوز جداد اظن انهم استثماري وكان الراجل طالب فيهم 600 ف استغلتهم الحقيقة ودلوقت اهه فاكك الفانوس بشيل الاملاح من على دويان اللمض علشان الدويان صدت ومش بتوصل الكهرباء وبالتالى مفيش لمض بتنور

الا بالحق بالنسبة لمساند الرأس دى معرفش اظن ان فيها حاجه غلط لانى مش بعرف اسند راسي عليها لازم ارجع راسي لورا لدرجه انى اكون قربت ابص للسقف

المشاركة الأصلية كتبت بواسطة michohat

الا بالحق بالنسبة لمساند الرأس دى معرفش اظن ان فيها حاجه غلط لانى مش بعرف اسند راسي عليها لازم ارجع راسي لورا لدرجه انى اكون قربت ابص للسقف

انا كمان عندي كده في الكراسي
ممكن عشان المجادع نفسها قصيره شويه؟

الحمد لله تمام التمام لا ينقصنا غير رؤياكم
الفوانيس الخلفية عندى بعانى من فانوس واحد لان من زمان كان كهربائي ركب لمبه شديده مكان لمبه ضعيفه فاللى حصل ان حرارة اللمبه سيحت البلاستيك الشفاف اللى هوا فيه الجزء المشرشر ف من ايامها و كل ما اغسل العربية والمياه تدخل من الفتحه دى لحد ما سدتها بسيلكون امريكي بيستخدم فى الموتور لانه بيستحمل الحرارة (اللى لونه رصاصي) من يومها و كل شوية المياه تدخل من الوشوش ( الوشوش سليمه) وتملح على دوايا اللمض و طبعا كده مش توصل كهربا ل المض لان فيه تمليح على الدويان
بالنسبة للفوانيس نفسها مفيش اي شكوى منها غير من الجسم البلاستيك الشفاف المشرشر للفانوس اللى بحكى ليك عليه غير كده كل شوية بفكهم و اديهم غسله كويسة وانظف الكارتات
بس اللى عاوز افهمه ازاى بتعمل صيانه للدويان كنت بشوف الكهربائية بيدوا حقنه ميه نار فى الدوايه اللى فيها املاح بس لانى مفيش عندى ميه نار فى البيت فبستخدم زيت باكم على الدويان وبكحت فيها بالمفك لحد ما احس انى شيلت الصدا والاملاح
على فكره الوشوش في منها اصلى وفيها منها مصري الافضل الاصلي طبعا لانه لونه مش بيروح والبلاستيك بتاعه كويس انا مش بغير الوشوش الا لما تجيب اخر وادينى وانا بنظف اهه وش ال 3 الوان اتقسم لحمته وان شاء الله اركبه تانى ولو مش مطبع على الفانوس هغيرة
مشكلتى اللى بواجهها دلوقت ان الناس بتاعت الاستيراد اللى كنت بتعامل معاهم فى محافظتى سابوا الفيات و بقوا شغالين على العربيات الكوري والبلدان التانيه ولما رحت لواحد قال لى انا بعت اللى عندى لواحد فى عزبه شلبي
الظاهر كده انى لازم انزل عزبه شلبى الف و اتصاحب على تجار جدد
الا ايه رايك فى وضعيه مساند الرأس انا بحس انها بتتعب الراس مش بتريح لانى لازم اعمل مجهود وارجع براسي لورا خالص علشان راسي تلمس المسند